തൂക്കുപാലം അപകടാവസ്ഥയിൽ

നീ​ലേ​ശ്വ​രം: വെ​സ്റ്റ് എളേ​രി പ​ഞ്ചാ​യ​ത്തി​ലെ മു​ക്ക​ട പു​ഴ​യെ​യും കി​നാ​നൂ​ർ ക​രി​ന്ത​ളം പ​ഞ്ചാ​യ​ത്തി​ലെ പ​ര​പ്പ​ച്ചാ​ലി​നെ​യും ബ​ന്ധി​പ്പി​ക്കു​ന്ന മു​ക്ക​ട തൂ​ക്കു​പാ​ലം അ​പ​ക​ടാ​വ​സ്ഥ​യി​ൽ. പാ​ല​ത്തി​നാ​യി സ്ഥാ​പി​ച്ച ക​മ്പി​ക​ളെ​ല്ലാം ഇ​ള​കി തു​രു​മ്പെ​ടു​ക്കാ​ൻ തു​ട​ങ്ങി. ഇ​തു​മൂ​ലം ഭീ​തി​യോ​ടെ​യാ​ണ് നാ​ട്ടു​കാ​ർ തൂ​ക്കു​പാ​ല​ത്തി​ലൂ​ടെ ന​ട​ക്കു​ന്ന​ത്.

ചാ​യ്യോം, നീ​ലേ​ശ്വ​രം, കു​മ്പ​ള​പ്പ​ള്ളി, വ​ര​ക്കാ​ട്, കു​ന്നും​കൈ സ്കൂ​ളു​ക​ളി​ലേ​ക്ക് വി​ദ്യാ​ർ​ഥി​ക​ൾ​ക്ക് എ​ത്തി​പ്പെ​ടാ​നും പ്ര​ധാ​ന​പ്പെ​ട്ട ടൗ​ണു​ക​ളി​ലേ​ക്ക് മു​ക്ക​ട നി​വാ​സി​ക​ൾ​ക്ക് ബ​സ് ക​യ​റാ​ൻ പ​ര​പ്പ​ച്ചാ​ലി​ലേ​ക്ക് എ​ത്താ​നു​മുള്ള ഏ​കമാ​ർ​ഗ​മാ​ണ് ഈ ​പാ​ലം. ഈ ​സ​ഞ്ചാ​രമാ​ർ​ഗ​മി​ല്ലെ​ങ്കി​ൽ ഓ​ട്ടോ​ക്ക് പ​ണം കൊ​ടു​ത്ത് കി​ലോ മീ​റ്റ​റു​ക​ളോ​ളം കു​ന്നും​കൈ​യെ ആ​ശ്ര​യി​ക്കേ​ണ്ട അ​വ​സ്ഥ​യാ​ണ്.

2005ൽ ​കെ.​പി. സ​തീ​ഷ് ച​ന്ദ്ര​ൻ എം.​എ​ൽ.​എ​യാ​ണ് പാ​ലം ഉ​ദ്ഘാ​ട​നം ചെ​യ്ത​ത്. ഇ​ത്ര​യും​വ​ർ​ഷ​മാ​യി​ട്ടും ഒരുവിധ അ​റ്റ​കു​റ്റ​പ്പ​ണി​യും ന​ട​ത്താ​ൻ പ​ഞ്ചാ​യ​ത്ത് അ​ധി​കൃ​ത​ർ​ക്ക് സാ​ധി​ച്ചി​ട്ടി​ല്ല. ഇ​തി​ന്റെ അ​രി​കി​ലെ ഇ​രു​മ്പ് വ​ല​ക​ൾ പോ​യ​തു​കാ​ര​ണം കു​ട്ടി​ക​ളെ ര​ക്ഷി​താ​ക്ക​ളാ​ണ് മ​റു​ക​ര​ക്ക് എ​ത്തി​ക്കു​ന്ന​ത്. എ​ത്ര​യും​വേ​ഗം അ​ടി​യ​ന്ത​ര​മാ​യി തൂ​ക്കു​പാ​ല​ത്തി​െ​ന്റ അ​റ്റ​കു​റ്റ​പ്പ​ണി ന​ട​ത്ത​ണ​മെ​ന്നാ​ണ് നാ​ട്ടു​കാരുടെ ആ​വ​ശ്യ​ം.