മഴക്കാലത്തും കുടിവെള്ളമില്ലാതെ അഴിത്തല നിവാസികൾ

നീ​ലേ​ശ്വ​രം: കാ​ല​വ​ർ​ഷ​ത്തി​ലും കു​ടി​വെ​ള്ളം കി​ട്ടാ​തെ നീ​ലേ​ശ്വ​രം ന​ഗ​ര​സ​ഭ​യി​ലെ 25ാം വാ​ർ​ഡി​ൽ​പെ​ടു​ന്ന അ​ഴി​ത്ത​ല നി​വാ​സി​ക​ൾ. ക​ട​ൽ​തീ​ര​ത്തോ​ട് ചേ​ർ​ന്ന് നി​ൽ​ക്കു​ന്ന​തി​നാ​ൽ കി​ണ​ർ കു​ഴി​ച്ചാ​ൽ ഉ​പ്പു​വെ​ള്ള​മാ​ണ് ല​ഭി​ക്കു​ക. നാ​ട്ടു​കാ​രു​ടെ നീ​ണ്ട മു​റ​വി​ളി​ക്കു​ശേ​ഷ​മാ​ണ് 2015 ജൂ​ൺ ആ​റി​ന് പു​തി​യ കു​ടി​വെ​ള്ള​പ​ദ്ധ​തി തു​ട​ങ്ങി​യ​ത്. ഗ്രാ​മീ​ണ ശു​ദ്ധ​ജ​ല വി​ത​ര​ണ​പ​ദ്ധ​തി​യു​ടെ ഉ​ദ്ഘാ​ട​നം നി​ർ​വ​ഹി​ച്ച​ത് എം.​പി​യാ​യി​രു​ന്ന പി. ​ക​രു​ണാ​ക​ര​നാ​ണ്. ഇ​തി​നാ​യി ക​ട​ലോ​ര​ത്ത് കി​ണ​റും പ​മ്പ് ഹൗ​സും മോ​ട്ടോ​റും മ​റ്റ​നു​ബ​ന്ധ ഉ​പ​ക​ര​ണ​ങ്ങ​ളും സ്ഥാ​പി​ച്ചു. ഇ​വി​ടെ​നി​ന്ന് ക​ട​ൽ ഉ​പ്പു​വെ​ള്ളം ശു​ദ്ധീ​ക​രി​ച്ച് കു​ടി​വെ​ള്ള പൈ​പ്പ് വ​ഴി ഓ​രോ​വീ​ട്ടി​ലും ശു​ദ്ധ​ജ​ലം ല​ഭ്യ​മാ​ക്കു​ന്ന​താ​യി​രു​ന്നു പ​ദ്ധ​തി.

കു​റ​ച്ചു​മാ​സം കൃ​ത്യ​മാ​യി 140ഓ​ളം കു​ടും​ബ​ങ്ങ​ൾ​ക്ക് കു​ടി​വെ​ള്ളം ല​ഭി​ച്ചി​രു​ന്നു. പി​ന്നീ​ട് ഓ​രോ യ​ന്ത്ര​ങ്ങ​ളും പ​ല കാ​ര​ണ​ങ്ങ​ളാ​ൽ പ്ര​വ​ർ​ത്തി​ക്കാ​തെ​വ​ന്ന​പ്പോ​ൾ പ​ദ്ധ​തി ഏ​റ്റെ​ടു​ത്ത ക​രാ​റു​കാ​ര​നും തി​രി​ഞ്ഞു​നോ​ക്കാ​തെ​യാ​യി. ഇ​പ്പോ​ൾ മോ​ട്ടോ​റും അ​നു​ബ​ന്ധ യ​ന്ത്ര​സാ​മ​ഗ്രി​ക​ളും തു​രു​മ്പെ​ടു​ത്ത് ന​ശി​ക്കു​ക​യും സ്ഥ​ലം കാ​ടു​മൂ​ടി​ക്കി​ട​ക്കു​ക​യും ചെ​യ്യു​ക​യാ​ണ്.

കു​ടി​വെ​ള്ള ​പ​ദ്ധ​തി​ക്കാ​യി ഓ​രോ ഗു​ണ​ഭോ​ക്താ​വും ചേ​ർ​ന്ന് രൂ​പ​വ​ത്ക​രി​ച്ച ക​മ്മി​റ്റി 1400 രൂ​പ ഈ​ടാ​ക്കി​യി​രു​ന്നു​വെ​ങ്കി​ലും കു​ടി​വെ​ള്ളം മാ​ത്രം ല​ഭി​ച്ചി​ല്ല. വേ​ന​ലി​ലും മ​ഴ​ക്കാ​ല​ത്തും ഉ​പ്പു​വെ​ള്ളം കു​ടി​ക്കേ​ണ്ട ഗ​തി​കേ​ടി​ലാ​ണ് അ​ഴി​ത്ത​ല നി​വാ​സി​ക​ൾ. പു​തി​യ കു​ടി​വെ​ള്ള പ​ദ്ധ​തി ആ​രം​ഭി​ക്കു​ക​യോ നി​ല​വി​ലു​ള്ള പ​ദ്ധ​തി​യു​ടെ ത​ക​രാ​ർ പ​രി​ഹ​രി​ക്കു​ക​യോ ചെ​യ്യ​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. ലോ​ക​ബാ​ങ്കി​ന്റെ സ​ഹാ​യ​ത്തോ​ടെ കോ​ടി​ക​ൾ ചെ​ല​വ​ഴി​ച്ച് ജി​ല്ല​യി​ൽ ആ​ദ്യ​മാ​യി തു​ട​ങ്ങി​യ പ​ദ്ധ​തി​യാ​ണി​പ്പോ​ൾ നി​ല​ച്ച​ത്.