Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightNeeleswaramchevron_right...

ഭി​ന്ന​ശേ​ഷി​ക്കാ​രി​യാ​യ ലോട്ടറി വിൽപനക്കാരിയെ കബളിപ്പിച്ച് പണം തട്ടി

text_fields
bookmark_border
ഭി​ന്ന​ശേ​ഷി​ക്കാ​രി​യാ​യ ലോട്ടറി വിൽപനക്കാരിയെ കബളിപ്പിച്ച് പണം തട്ടി
cancel
camera_alt

മു​ച്ച​ക്ര വാ​ഹ​ന​ത്തി​ൽ ലോ​ട്ട​റി വി​ൽ​പ​ന ന​ട​ത്തു​ന്ന ഇ​രി​യ​യി​ലെ സാ​വി​ത്രി

നീ​ലേ​ശ്വ​രം: ഭി​ന്ന​ശേ​ഷി​ക്കാ​രി​യാ​യ ലോ​ട്ട​റി വി​ൽ​പ​ന തൊ​ഴി​ലാ​ളി​യെ ക​ബ​ളി​പ്പി​ച്ച്​ പ​ണം കൈ​ക്ക​ലാ​ക്കി അ​ജ്ഞാ​ത​ൻ മു​ങ്ങി. നീ​ലേ​ശ്വ​രം ത​ളി​യി​ൽ ക്ഷേ​ത്ര റോ​ഡ​രി​കി​ൽ മു​ച്ച​ക്ര വാ​ഹ​ന​ത്തി​ൽ ലോ​ട്ട​റി വി​ൽ​പ​ന ന​ട​ത്തു​ന്ന ഇ​രി​യ കാ​ട്ടു​മാ​ടം സാ​യി ഗ്രാ​മ​ത്തി​ലെ കെ. ​സാ​വി​ത്രി​യാ​ണ് (43) ക​ബ​ളി​പ്പി​ക്ക​പ്പെ​ട്ട​ത്.

തി​ങ്ക​ളാ​ഴ്ച ഉ​ച്ച ഒ​ന്ന​ര​ക്കാ​ണ് 40-50 പ്രാ​യ​മു​ള്ള ക​ണ്ണ​ട​വെ​ച്ച, പാ​ൻ​റ്സും വെ​ളു​ത്ത ടീ ​ഷ​ർ​ട്ടും ധ​രി​ച്ച ഒ​രാ​ൾ പ​രി​ച​യം ന​ടി​ച്ച് 4000 രൂ​പ ത​ട്ടി​യെ​ടു​ത്ത​ത്. സ​മീ​പ​ത്തെ സി​ൻ​ഡി​ക്കേ​റ്റ് ബാ​ങ്ക് ഉ​ദ്യോ​ഗ​സ്ഥ​നാ​ണെ​ന്നും കോ​വി​ഡ് വ​ന്ന​വ​ർ​ക്ക് ചി​കി​ത്സ സ​ഹാ​യ​മാ​യി പ​ണം ന​ൽ​കു​ന്നു​ണ്ടെ​ന്നും നി​ങ്ങ​ളു​ടെ കു​ടും​ബ​ക്കാ​രെ അ​റി​യാ​മെ​ന്നും പ​റ​ഞ്ഞാ​ണ് സാ​വി​ത്രി​യു​ടെ വി​ശ്വാ​സം നേ​ടി​യ​ത്.

കോ​വി​ഡ് ചി​കി​ത്സ സ​ഹാ​യ​ത്തി​നാ​യി ആ​ദ്യ ഗ​ഡു​വാ​യി 5000 ബാ​ങ്കി​ൽ അ​ട​ച്ചാ​ൽ ഒ​രു ല​ക്ഷം രൂ​പ​വ​രെ ചി​കി​ത്സ സ​ഹാ​യം കി​ട്ടു​മെ​ന്ന് അ​ജ്ഞാ​ത​ൻ പ​റ​ഞ്ഞ് വി​ശ്വ​സി​പ്പി​ച്ചു. ഇ​തി​നി​ടെ ലോ​ട്ട​റി ടി​ക്ക​റ്റ് വി​റ്റു​തീ​രു​ക​യും വീ​ണ്ടും വാ​ങ്ങാ​നാ​യി ക​രു​തി​വെ​ച്ച 4000 രൂ​പ ഇ​യാ​ൾ കാ​ണു​ക​യും ചെ​യ്തു.

എ​ണ്ണി​നോ​ക്ക​ട്ടെ എ​ന്നു​പ​റ​ഞ്ഞ് ആ ​പ​ണം വാ​ങ്ങി. സാ​വി​ത്രി പി​റ​കി​ലോ​ട്ടൊ​ന്നു തി​രി​ഞ്ഞു​നോ​ക്കു​മ്പോ​ഴേ​ക്കും പ​ണ​വു​മാ​യി ഇ​യാ​ൾ മു​ങ്ങി. ഇ​യാ​ളെ അ​ന്വേ​ഷി​ച്ച് സ​മീ​പ​ത്തെ സി​ൻ​ഡി​ക്ക​റ്റ് ബാ​ങ്കി​ലെ​ത്തി അ​ന്വേ​ഷി​ച്ച​പ്പോ​ൾ ഇ​ത്ത​ര​മൊ​രു ആ​ളോ, കോ​വി​ഡ് സ​ഹാ​യ​മോ ന​ൽ​കു​ന്നി​ല്ലെ​ന്ന് ബാ​ങ്ക് അ​ധി​കൃ​ത​ർ അ​റി​യി​ച്ചു.

ഭ​ർ​ത്താ​വ് മ​രി​ച്ച​പ്പോ​ൾ മ​ക​ൻ ഉ​ൾ​പ്പെ​ടെ​യു​ള്ള കു​ടും​ബം പു​ല​ർ​ത്താ​ൻ സാ​വി​ത്രി ഹോ​ട്ട​ൽ ജോ​ലി ഉ​ൾ​പ്പെ​ടെ പ​ല​തും ചെ​യ്തു. പി​ന്നീ​ട് മു​ച്ച​ക്ര വാ​ഹ​ന​ത്തി​ൽ ഇ​രി​യ​യി​ൽ നി​ന്ന് നീ​ലേ​ശ്വ​ര​ത്ത് എ​ത്തി​യാ​ണ് ലോ​ട്ട​റി വി​ൽ​പ​ന ന​ട​ത്തി വ​രു​മാ​നം ക​ണ്ടെ​ത്തു​ന്ന​ത്. രാ​വി​ലെ ഒ​മ്പ​തി​ന്​ ആ​രം​ഭി​ച്ച് വൈ​കീ​ട്ട്​ നാ​ലി​ന്​ ലോ​ട്ട​റി വി​ൽ​പ​ന അ​വ​സാ​നി​പ്പി​ച്ച് ഇ​രി​യ​യി​ലേ​ക്ക് മ​ട​ങ്ങും. സാ​വി​ത്രി​യു​ടെ സു​ഹൃ​ത്തു​ക്ക​ൾ സ​മീ​പ​ത്തെ സി.​സി.​ടി.​വി കാ​മ​റ​ക​ൾ പ​രി​ശോ​ധി​ച്ചു​വെ​ങ്കി​ലും ത​ട്ടി​പ്പ് ന​ട​ത്തി​യ​യാ​ളെ ക​ണ്ടെ​ത്താ​ൻ ക​ഴി​ഞ്ഞി​ല്ല. നീ​ലേ​ശ്വ​രം പൊ​ലീ​സി​ൽ പ​രാ​തി ന​ൽ​കി.

Show Full Article
TAGS:robbed lottery seller 
News Summary - lottery seller was cheated and robbed of money
Next Story