നീ​ലേ​ശ്വ​രം ഹൈ​വേ മേൽ പാലത്തിൽ ഗർഡർ സ്ഥാ​പി​ക്ക​ൽ തു​ട​ങ്ങി

നീ​ലേ​ശ്വ​രം: ദേ​ശീ​യ​പാ​ത വി​ക​സ​ന​ത്തി​ന്‍റെ ഭാ​ഗ​മാ​യി നീ​ലേ​ശ്വ​രം ഹൈ​വേ​യി​ൽ നി​ർ​മി​ച്ച അ​ടി​പ്പാ​ത​യു​ടെ തൂ​ണു​ക​ൾ​ക്ക് മു​ക​ളി​ൽ ഗർഡ​ർ സ്ഥാ​പി​ക്ക​ൽ പ്ര​വൃ​ത്തി ആ​രം​ഭി​ച്ചു. നീ​ലേ​ശ്വ​രം പൊ​ലീ​സ് സ്റ്റേ​ഷ​ന് എ​തി​ർ​വ​ശ​ത്തെ ഹൈ​വേ​യി​ലാ​ണ് അ​ടി​പ്പാ​ത​ക്കാ​യി കൂ​റ്റ​ൻ തൂ​ണു​ക​ൾ നി​ർ​മി​ച്ച​ത്. ഇ​തി​നു മു​ക​ളി​ലാ​ണ് ഗർഡർ സ്ഥാ​പി​ക്കു​ന്ന​ത്. ര​ണ്ടു വ​ലി​യ ക്രെ​യി​ൻ ഉ​പ​യോ​ഗി​ച്ച് ഗർഡറി​ന്‍റെ ര​ണ്ട​റ്റ​വും ക്രെ​യി​നി​ലെ ക​മ്പി​യി​ലെ കൊ​ളു​ത്തി​ലി​ട്ടാ​ണ് മു​ക​ളി​ലേ​ക്കെ​ടു​ത്ത് ഗർഡർ സ്ഥാ​പി​ക്കു​ന്ന​ത്. അ​മി​ത​ഭാ​ര​വും 50 മീ​റ്റ​റി​ല​ധി​കം നീ​ള​വു​മു​ള്ള ഒ​രു ഗർഡർ സ്ഥാ​പി​ക്കാ​ൻ മ​ണി​ക്കൂ​റു​ക​ൾ വേ​ണ്ടി​വ​രും.

അ​പ​ക​ടം വ​രാ​ത്ത​വി​ധ​ത്തി​ൽ കൃ​ത്യ​മാ​യി ഉ​യ​ർ​ത്തി ര​ണ്ടു തൂ​ണു​ക​ൾ​ക്കും മു​ക​ളി​ലാ​യി സ്ഥാ​പി​ക്ക​ണം. ഇ​ങ്ങ​നെ 10ല​ധി​കം ഗർഡറു​ക​ൾ സ്ഥാ​പി​ക്ക​ണം. അ​ടി​പ്പാ​ത​യു​ടെ ഇ​രു​വ​ശ​ത്തു​മാ​യി ഹൈ​വേ റോ​ഡ് ക​ട​ന്നു​പോ​കു​ന്ന​തു​കൊ​ണ്ട് വാ​ഹ​ന​ങ്ങ​ൾ വേ​ഗം കു​റ​ച്ച് സ​ഞ്ച​രി​ക്ക​ണ​മെ​ന്ന് പൊ​ലീ​സ് നി​ർ​ദേ​ശം ന​ൽ​കി. അ​തു​പോ​ലെ ഹൈ​വേ മാ​ർ​ക്ക​റ്റ് ജ​ങ്ഷ​നി​ൽ ഗ​താ​ഗ​ത​നി​യ​ന്ത്ര​ണ​വും ഏ​ർ​പ്പെ​ടു​ത്തി​യി​ട്ടു​ണ്ട്. ഓ​വ​ർ ബ്രി​ഡ്ജി​ന്‍റെ ഗർഡർ സ്ഥാ​പി​ച്ച് ഹൈ​വേ വി​ക​സ​നം ക​ഴി​ഞ്ഞാ​ൽ നീ​ലേ​ശ്വ​ര​ത്തെ സ​ർ​വി​സ് റോ​ഡി​ലെ വാ​ഹ​ന​ങ്ങ​ൾ ഇ​തി​ന്‍റെ അ​ടി​യി​ലൂ​ടെ​യാ​ണ് നീ​ലേ​ശ്വ​രം ടൗ​ണി​ലേ​ക്ക് പ്ര​വേ​ശി​ക്കേ​ണ്ട​ത്. മേ​ഘ നി​ർ​മാ​ണ ക​മ്പ​നി​യാ​ണ് ഇ​തി​ന്‍റെ ചു​മ​ത​ല വ​ഹി​ക്കു​ന്ന​ത്.