ട്യൂ​മ​ർ ബാ​ധി​ച്ച നായ്ക്ക് മൃ​ഗ​സ്നേ​ഹി​ക​ൾ ഒരുക്കിയ ​ ശസ്ത്രക്രിയ വിജയം

നീ​ലേ​ശ്വ​രം: ചു​ള്ളി​ക്ക​ര​യി​ലെ മൃ​ഗ​സ്നേ​ഹി​ക​ളു​ടെ ക​രു​ത​ലി​ൽ മു​ത്തു​മ​ണി എ​ന്ന നാ​യ്ക്ക് പു​ന​ർ​ജ​ന്മം. വ​യ​റ്റി​ൽ ട്യൂ​മ​ർ ബാ​ധി​ച്ച് അ​വ​ശ​നി​ല​യി​ലാ​യ നാ​യെ ര​ക്ഷി​ക്കാ​ൻ നാ​ട്ടു​കാ​രാ​യ മൃ​ഗ​സ്നേ​ഹി​ക​ൾ മു​ൻ​കൈ​യെ​ടു​ത്ത വാ​ർ​ത്ത ജൂ​ൺ 18ന് ​റി​പ്പോ​ർ​ട്ട് ചെ​യ്തി​രു​ന്നു. ഇ​പ്പോ​ൾ വെ​റ്റ​റി​ന​റി ഡോ​ക്ട​ർ​മാ​രു​ടെ സ്‌​നേ​ഹ പ​രി​പാ​ല​ന​ത്തി​ൽ 'മു​ത്തു​മ​ണി' സു​ഖം​പ്രാ​പി​ച്ചു​വ​രു​ന്നു. ജൂ​ൺ 17നാ​ണ് നാ​യ്ക്ക്‌ പ്ര​ധാ​ന ശ​സ്‌​ത്ര​ക്രി​യ ന​ട​ത്തി തൃ​ക്ക​രി​പ്പൂ​രി​ലെ വെ​റ്റ​റി​ന​റി കേ​ന്ദ്ര​ത്തി​ൽ പ്ര​വേ​ശി​പ്പി​ച്ച​ത്.

അ​ന്നു​മു​ത​ൽ അ​വി​ടെ​യു​ള്ള ഡോ​ക്ട​ർ​മാ​രു​ടെ നി​രീ​ക്ഷ​ണ​ത്തി​ൽ ക​ഴി​യു​ന്ന നാ​യ് എ​ട്ടു​ദി​വ​സം പി​ന്നി​ട്ട​തോ​ടെ സു​ഖം പ്രാ​പി​ച്ചു. ശ​സ്‌​ത്ര​ക്രി​യ​യു​ടെ ക്ഷീ​ണം മാ​റി​യാ​ൽ നാ​യെ ചു​ള്ളി​ക്ക​ര​യി​ലെ നാ​ട്ടു​കാ​ർ​ക്ക് വി​ട്ടു​കൊ​ടു​ക്കാ​നു​ള്ള ഒ​രു​ക്ക​ത്തി​ലാ​ണ് ഡോ​ക്ട​ർ​മാ​ർ.മു​ത്തു​മ​ണി​ക്ക്‌ ജി​ല്ല പ​ഞ്ചാ​യ​ത്ത് പ്ര​സി​ഡ​ന്റി​ന്റെ​യും നാ​ട്ടു​കാ​രു​ടെ​യും ഇ​ട​പെ​ട​ലി​ലൂ​ടെ​യാ​ണ്‌ ചി​കി​ത്സ ഒ​രു​ക്കി​യ​ത്‌. തൃ​ക്ക​രി​പ്പൂ​ർ വെ​റ്റ​റി​ന​റി കേ​ന്ദ്ര​ത്തി​ലെ ജി​ല്ല സീ​നി​യ​ർ സ​ർ​ജ​ൻ ഡോ. ​മു​ര​ളി​യു​ടെ മേ​ൽ​നോ​ട്ട​ത്തി​ൽ വെ​റ്റ​റി​ന​റി സ​ർ​ജ​ൻ ഡോ. ​ഫാ​ബി​നാ​ണ് ശ​സ്‌​ത്ര​ക്രി​യ ചെ​യ്‌​ത്‌ അ​ഞ്ചു​കി​ലോ തൂ​ക്ക​മു​ള്ള മു​ഴ നീ​ക്കി​യ​ത്.