വിടവാങ്ങിയ മൈക്ക് അന്തുക്കായ്ച്ച പടന്നക്കാടിന്റെ ശബ്ദവും വെളിച്ചവും

നീ​ലേ​ശ്വ​രം: ഒ​രു​കാ​ല​ത്ത് പ​ട​ന്ന​ക്കാ​ടി​ന്റെ ശ​ബ്ദ​വും വെ​ളി​ച്ച​വു​മാ​യി​രു​ന്ന അ​ന്തു​ക്കാ​യ്ച്ച വി​ട​വാ​ങ്ങി. പ​ട​ന്ന​ക്കാ​ട്ടെ ആ​ദ്യ​ത്തെ മു​ബാ​റ​ക് ലൈ​റ്റ് ആ​ൻ​ഡ്​ സൗ​ണ്ട് ഉ​ട​മ​യാ​യി​രു​ന്നു. ഷ​ർ​ട്ടി​ന്റെ കോ​ള​റി​നു​ള്ളി​ൽ ട​വ​ൽ നീ​ട്ടി​വെ​ച്ച് സൈ​ക്കി​ളി​ൽ സ​ഞ്ച​രി​ച്ച് നാ​ടി​ന് വെ​ളി​ച്ച​വും ശ​ബ്ദ​വും ന​ൽ​കി​യ വ്യ​ക്തി​യാ​യി​രു​ന്നു. സ​ഹാ​യി​ക​ളി​ല്ലാ​തെ ഒ​റ്റ​ക്കു​ത​ന്നെ മൈ​ക്കും ട്യൂ​ബും സു​ര​ക്ഷി​ത​മാ​യി ത​യാ​റാ​ക്കും. പ​ട​ന്ന​ക്കാ​ടും പ​രി​സ​ര​ങ്ങ​ളി​ലെ​യും ശ​ബ്ദ​ലോ​ക​ത്തി​ന്റെ വ​ലി​യ ച​രി​ത്ര​മാ​ണ് അ​ന്തു​മാ​യി​ച്ച​യു​ടെ മ​ര​ണ​ത്തോ​ടെ ഇ​ല്ലാ​താ​യ​ത്.

വാ​ഹ​ന​സൗ​ക​ര്യ​ങ്ങ​ൾ ഇ​ല്ലാ​ത്ത​കാ​ല​ത്ത് മ​ണ്ണു​പാ​കി​യ നാ​ട്ടി​ൽ​പു​റ​ങ്ങ​ളി​ലെ റോ​ഡി​ൽ മൈ​ക്ക് സെ​റ്റു​മാ​യി സൈ​ക്കി​ളി​ൽ പോ​കു​ന്ന അ​ന്തു​ക്കാ​യ്ച്ച​യു​ടെ യാ​ത്ര പ​ഴ​യ ത​ല​മു​റ​ക്ക് മ​റ​ക്കാ​നാ​വി​ല്ല. മൈ​ക്കും ടെ​ന്റും വാ​ട​ക​ക്ക് ന​ൽ​കു​ന്ന ആ​ദ്യ​ത്തെ ഉ​ട​മ​യാ​ണ് കാ​ല​ത്തി​ന് പി​ന്നി​ലേ​ക്ക് മ​റ​ഞ്ഞ​ത്. വ​ലു​പ്പ​ച്ചെ​റു​പ്പ​മി​ല്ലാ​തെ എ​ല്ലാ​വ​രു​മാ​യി ഊ​ഷ്മ​ള സൗ​ഹൃ​ദം സൂ​ക്ഷി​ക്കു​ക​യും ആ​ഘോ​ഷ​ങ്ങ​ൾ​ക്കി​ട​യി​ൽ ശ​ബ്ദ​ത്തി​നും വെ​ളി​ച്ച​ത്തി​നും ഒ​രു ജാ​ല​വി​ദ്യ​ക്കാ​ര​നെ​പോ​ലെ ഊ​ർ​ജം​പ​ക​ർ​ന്ന കൈ​ക​ളാ​യി​രു​ന്നു അ​ന്തു കാ​യ്ച്ച​യു​ടേ​ത്. പാ​ർ​ട്ടി പ​രി​പാ​ടി​ക​ൾ,

ഉ​ത്സ​വം, ഉ​റൂ​സ്, ക​ബ​ഡി- ഫു​ട്ബാ​ൾ മ​ത്സ​ര​ങ്ങ​ൾ, വി​വാ​ഹ​ങ്ങ​ൾ തു​ട​ങ്ങി എ​വി​ടെ​യും ടെ​ന്റ്, മൈ​ക്ക്, ഡെ​ക്ക​റേ​ഷ​ൻ എ​ന്നി​വ അ​ന്തു​ക്കാ​യ്ച്ച​യി​ലൂ​ടെ​യാ​യി​രു​ന്നു. ഓ​രോ സ്മൃ​തി​ക​ളും സ​മ്മാ​നി​ച്ച് മൈ​ക്ക് അ​ന്തു​ക്കാ​യ്ച്ച ഇ​നി ശ​ബ്ദ​കോ​ലാ​ഹ​ല​ങ്ങ​ളി​ല്ലാ​ത്ത ലോ​ക​ത്തേ​ക്ക്.