സ്‌റ്റേഡിയത്തിലെത്താൻ സാഹസിക യാത്ര

നീലേശ്വരം: ടൗണിൽനിന്ന് മൂന്നു കിലോമീറ്റർ സഞ്ചരിച്ചു വേണം പേരോൽ പുത്തരിയടുക്കത്തുള്ള സ്റ്റേഡിയത്തിലെത്താൻ. പ്രധാന റോഡ് പാടെ തകർന്നുകിടക്കുന്നു. മൂന്നാംകുറ്റി ഭാഗത്ത് റോഡ് കിളച്ചിട്ടതല്ലാതെ ടാറിങ് പൂർത്തിയായില്ല. ഇതുവഴിയുള്ള യാത്ര ദുസ്സഹമായതിനാൽ കോൺവെന്റ് ജങ്ഷനിൽനിന്ന് പട്ടേനവഴി സ്റ്റേഡിയത്തിലെത്താൻ സൗകര്യമുണ്ടെന്നായിരുന്നു സംഘാടകർ പറഞ്ഞത്.

രാവിലെ ഇതു വഴിയെത്തിയ വിദ്യാർഥികളും രക്ഷിതാക്കൾ ഉൾപ്പെടെ വലഞ്ഞു. കായികമേള നടക്കുന്ന സ്റ്റേഡിയത്തിന് മേളയുടെ ബോർഡുകൾ സ്ഥാപിക്കാതിരുന്നതും പ്രയാസം സൃഷ്ടിച്ചു. പ്രധാന ഗേറ്റിന് സമീപം ചെറിയ രീതിയിലുള്ള ബാനർ മാത്രമേ സ്ഥാപിച്ചിരുന്നുള്ളൂ.