ഇവിടെ അപകടം തുടർക്കഥയാവുന്നു...
text_fieldsനീലേശ്വരം: ചായ്യോം - കയ്യൂർ-അരയാക്കടവ് റോഡിൽ പഞ്ചായത്ത് ഷോപ്പിങ് കോംപ്ലക്സ് പരിസരത്ത് വാഹനാപകടം തുടർക്കഥയാവുന്നു. ഈ ആഴ്ചതന്നെ മൂന്നോളം അപകടങ്ങളുണ്ടായി. തുടർച്ചയായി രണ്ടുദിവസം ഉണ്ടായ അപകടത്തിൽ രണ്ടുപേർക്ക് ഗുരുതര പരിക്കേൽക്കുകയും ചെയ്തു.
ഇടത്തോട് - നീലേശ്വരം റോഡ് ഒന്നാംഘട്ടം ടാർ ചെയ്തതല്ലാതെ വാഹനങ്ങൾക്ക് ആവശ്യമായ സിഗ്നൽ സംവിധാനമടക്കം സ്ഥാപിക്കാൻ കഴിഞ്ഞിട്ടില്ല. കയ്യൂർ റോഡിലേക്ക് കയറുന്ന വാഹനങ്ങൾക്ക് പ്രസ്തുത റോഡ് അടുത്ത് എത്തിയാൽ മാത്രമേ കാണുകയുള്ളൂ- ഇതുമൂലം പിറകേവരുന്ന വാഹനങ്ങൾ മുന്നിലുള്ള വണ്ടിയിൽ ഇടിക്കുകയാണ്. അമിതവേഗവും, സിഗ്നൽ സംവിധാനങ്ങളുടെ അപാകതയും അപകടങ്ങളുടെ എണ്ണവും നിേത്യന കൂടുകയാണ്.
ഇതിന് ബന്ധപ്പെട്ടവർ അടിയന്തര പരിഹാരം കണ്ടില്ലെങ്കിൽ വിലപ്പെട്ട ജീവനുകൾ നഷ്ടപ്പെടാനും ഒട്ടേറെപേർക്ക് അംഗവൈകല്യം സംഭവിക്കാനും ഇടയാകും. ഈ സ്ഥലത്തുനിന്നും അപകടത്തിൽപ്പെട്ടവർ ഇപ്പോഴും ആശുപത്രികളിലും വീടുകളിലുമായി കഴിയുകയാണ്. അതിനാൽ അടിയന്തരമായി അധികാരികൾ ഇടപെടണമെന്നതാണ് നാട്ടുകാരുടെ ആവശ്യം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.