ആരതിക്ക് ധീരത അവാർഡ്

നീലേശ്വരം: കെ.എസ്.ആർ.ടി.സി ബസിൽ സഞ്ചരിക്കുമ്പോൾ അപമര്യാദയോടെ പെരുമാറിയ വ്യക്തിയെ പിന്തുടർന്ന് പിടികൂടി പൊലീസിൽ ഏൽപിച്ച കാഞ്ഞങ്ങാട് നെഹ്റു ആർട്സ് ആൻഡ് സയൻസ് കോളജിലെ മുൻ എൻ.സി.സി സീനിയർ അണ്ടർ ഓഫിസർ പി.ടി. ആരതിക്ക് എൻ.സി.സി യൂനിറ്റ് ധീരതക്കുള്ള അവാർഡ് സമ്മാനിച്ചു.

2019-20 വർഷത്തിൽ ന്യൂഡൽഹിയിൽ നടന്ന തൽ സൈനിക് ക്യാമ്പിൽ പങ്കെടുത്ത ആരതി 2020-21 വർഷത്തിൽ കോളജിലെ എൻ.സി.സി സീനിയർ അണ്ടർ ഓഫിസറായിരുന്നു. 2021-22 വർഷത്തിൽ കോഴിക്കോട് ഗ്രൂപ്പിലെ മികച്ച കാഡറ്റായി തിരഞ്ഞെടുത്തിരുന്നു. പ്രിൻസിപ്പൽ ഡോ. കെ.വി. മുരളി അവാർഡ് സമ്മാനിച്ചു. നന്ദകുമാർ കോറോത്ത് അധ്യക്ഷത വഹിച്ചു. പി. ശ്രീലക്ഷ്മി, കെ. ദേവിക, പി.ടി. ആരതി എന്നിവർ സംസാരിച്ചു.