തട്ടിക്കൊണ്ടുപോയി കൊല; പ്രധാനപ്രതി വിദേശത്തേക്ക് കടന്നതായി സൂചന

മ​ഞ്ചേ​ശ്വ​രം: പ്ര​വാ​സി​യും പു​ത്തി​ഗെ മു​ഗു റോ​ഡി​ലെ ന​സീ​മ മ​ൻ​സി​ലി​ലെ താ​മ​സ​ക്കാ​ര​നാ​യ അ​ബൂ​ബ​ക്ക​ർ സി​ദ്ദീ​ഖി (32) നെ ​ത​ട്ടി​ക്കൊ​ണ്ടു​പോ​യി കൊ​ല​പ്പെ​ടു​ത്തി​യ സം​ഭ​വ​ത്തി​ൽ പൊ​ലീ​സ് അ​ന്വേ​ഷി​ക്കു​ന്ന ക്വ​ട്ടേ​ഷ​ൻ സം​ഘ​ത്തി​ലെ പ്ര​ധാ​നി വി​ദേ​ശ​ത്തേ​ക്ക് ക​ട​ന്ന​താ​യി സൂ​ച​ന. പൈ​വ​ളി​ഗെ സ്വ​ദേ​ശി മു​ഹ​മ്മ​ദ് റ​യീ​സാ​ണ് (32) വി​ദേ​ശ​ത്തേ​ക്ക് ക​ട​ന്ന​താ​യി പൊ​ലീ​സി​ന് വി​വ​രം ല​ഭി​ച്ച​ത്. ക​ഴി​ഞ്ഞ ഞാ​യ​റാ​ഴ്ച​യാ​ണ് കൊ​ല ന​ട​ന്ന​ത്. പി​റ്റേ ദി​വ​സം ഇ​യാ​ൾ വി​ദേ​ശ​ത്തേ​ക്ക് ക​ട​ന്ന​താ​യാ​ണ് വി​വ​രം. ഇ​യാ​ൾ​ക്ക് പി​ന്നാ​ലെ വി​ദേ​ശ​ത്തേ​ക്ക് ക​ട​ക്കാ​ൻ ശ്ര​മി​ക്കു​ന്ന​തി​നി​ടെ സം​ഘ​ത്തി​ലെ മ​റ്റൊ​രാ​ളെ ചൊ​വ്വാ​ഴ്ച ബം​ഗ​ളൂ​രു വി​മാ​ന​ത്താ​വ​ള​ത്തി​ൽ വെ​ച്ചു പി​ടി​കൂ​ടി. ഇ​യാ​ളെ കേ​ര​ള പൊ​ലീ​സി​ന് കൈ​മാ​റും.

കൊ​ല​യു​മാ​യി ബ​ന്ധ​പ്പെ​ട്ട് പ​ത്തോ​ളം പേ​രെ പൊ​ലീ​സ് ചോ​ദ്യം ചെ​യ്തു. നി​ല​വി​ൽ ആ​റ് പേ​ർ പൊ​ലീ​സ് ക​സ്റ്റ​ഡി​യി​ലാ​ണ്. വി​ദേ​ശ​ത്തേ​ക്ക് ക​ട​ത്താ​ൻ ഏ​ൽ​പി​ച്ച ഡോ​​ള​​ർ ന​​ഷ്ട​​പ്പെ​​ട്ട​തി​നെ തു​ട​ർ​ന്നാ​ണ് സി​ദ്ദീ​ഖ് കൊ​ല്ല​പ്പെ​ടു​ന്ന​ത്. ഉ​പ്പ​ള സ്വ​ദേ​ശി​യും മ​ഞ്ചേ​ശ്വ​ര​ത്ത് താ​മ​സ​ക്കാ​ര​നു​മാ​യ ട്രാ​വ​ൽ​സ് ഉ​ട​മ​യു​ടെ 40 ല​ക്ഷം രൂ​പ വി​ല​മ​തി​ക്കു​ന്ന ഡോ​ള​റാ​ണ് ന​ഷ്ട​പ്പെ​ട്ട​ത്. ഇ​ത് തി​രി​ച്ചു പി​ടി​ക്കാ​ൻ ഇ​യാ​ൾ പൈ​വ​ളി​ഗെ​യി​ലെ അ​ധോ​ലോ​ക സം​ഘ​ത്തി​ന് ക്വ​ട്ടേ​ഷ​ൻ ന​ൽ​കു​ക​യാ​യി​രു​ന്നു. ത​ട്ടി​ക്കൊ​ണ്ടുപോയി പൈ​വ​ളി​ഗെ​യി​ൽ എ​ത്തി​ച്ച സി​ദ്ദീ​ഖി​നെ ക്രൂ​ര​മാ​യി മ​ർ​ദി​ച്ചു. ത​ല​ക്കേ​റ്റ അ​ടി​യും നെ​ഞ്ചി​ൽ ആ​ഞ്ഞു ച​വി​ട്ടി​യ​തു​മാ​ണ് മ​ര​ണ കാ​ര​ണ​മെ​ന്ന് പോ​സ്റ്റു​മോ​ർ​ട്ടം റി​പ്പോ​ർ​ട്ടി​ലു​ണ്ട്.

മ​ര​ണ വി​വ​ര​മ​റി​ഞ്ഞു ക്വ​ട്ടേ​ഷ​ൻ ന​ൽ​കി​യ ട്രാ​വ​ത്സ് ഉ​ട​മ​യും ഒ​ളി​വി​ലാ​ണ്. സം​ഭ​വ​വു​മാ​യി ബ​ന്ധ​പ്പെ​ട്ട് മൂ​ന്ന് കാ​റു​ക​ൾ പൊ​ലീ​സ് ക​സ്റ്റ​ഡി​യി​ലാ​ണ്. പ്ര​തി​ക​ളെ ക​ണ്ടെ​ത്താ​ൻ കാ​സ​ർ​കോ​ട് ഡി​വൈ.​എ​സ്.​പി ബാ​ല​കൃ​ഷ്ണ​ൻ നാ​യ​ർ, ക്രൈം ​റെ​ക്കോ​ഡ്‌​സ് ബ്യൂ​റോ ഡി​വൈ.​എ​സ്.​പി യു. ​പ്രേ​മ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ 14 അം​ഗ അ​ന്വേ​ഷ​ണ സം​ഘ​ത്തെ നി​യ​മി​ച്ചു.