15 വർഷംമുമ്പ്​ 80 പ​വ​ൻ സ്ത്രീധനം വാങ്ങി വിവാഹിതരായി; 20 പവൻ കൂടി ആവശ്യപ്പെട്ട് ഭാര്യയെയും മക്കളെയും ആക്രമിച്ചതായി പരാതി

കു​മ്പ​ള: സ്ത്രീ​ധ​നം ആ​വ​ശ്യ​പ്പെ​ട്ട് സ​ഹോ​ദ​രി​യെ​യും മ​ക്ക​ളെ​യും ആ​ക്ര​മി​ച്ച് പ​രി​ക്കേ​ൽ​പി​ച്ച​താ​യി പ​രാ​തി. പാ​വൂ​ർ ഗാ​ന്ധി​ന​ഗ​ർ നി​വാ​സി​യും ഉ​പ്പ​ള​യി​ൽ ഹോ​ട്ട​ൽ ന​ട​ത്തി​പ്പു​കാ​ര​നു​മാ​യ അ​ബ്ദു​ൽ റ​സാ​ഖി​നെ​തി​രെ​യാ​ണ് ഇ​യാ​ളു​ടെ ഭാ​ര്യ സ​ഫി​യ​യു​ടെ സ​ഹോ​ദ​ര​ന്മാ​രാ​യ മു​ഹ​മ്മ​ദ് ഹ​നീ​ഫ, അ​ബ്ദു​ൽ മു​ത്ത​ലി​ബ് എ​ന്നി​വ​ർ പ​രാ​തി​പ്പെ​ട്ട​ത്.

പ​തി​ന​ഞ്ചു വ​ർ​ഷം മു​മ്പ് എ​ൺ​പ​ത് പ​വ​ൻ സ്വ​ർ​ണ​വും ര​ണ്ടു ല​ക്ഷം രൂ​പ​യും സ്ത്രീ​ധ​നം ന​ൽ​കി​യാ​ണ​ത്രെ സ​ഫി​യ​യെ അ​ബ്ദു​ൽ റ​സാ​ഖി​ന് വി​വാ​ഹം ചെ​യ്തു കൊ​ടു​ത്ത​ത്. 20 പ​വ​ൻ കൂ​ടി ന​ൽ​ക​ണ​മെ​ന്നാ​വ​ശ്യ​പ്പെ​ട്ട് വി​വാ​ഹം ക​ഴി​ഞ്ഞ് ആ​റു മാ​സം മു​ത​ൽ ഭ​ർ​ത്താ​വ് അ​ബ്ദു​ൽ റ​സാ​ഖ്, ഭ​ർ​ത്താ​വി​​ന്‍റെ സ​ഹോ​ദ​ര​ൻ ഹ​നീ​ഫ, സ​ഹോ​ദ​രി​മാ​ർ എ​ന്നി​വ​ർ ചേ​ർ​ന്ന് പ​ല വി​ധ​ത്തി​ൽ സ​ഫി​യ​യെ പീ​ഡി​പ്പി​ച്ചു വ​രി​ക​യാ​യി​രു​ന്നു​വെ​ന്ന് ഇ​രു​വ​രും കു​മ്പ​ള​യി​ൽ വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. പ​ല ത​വ​ണ സ​മ​വാ​യ ച​ർ​ച്ച​ക​ൾ ന​ട​ത്തി​യെ​ങ്കി​ലും പി​ന്നെ​യും പീ​ഡ​നം തു​ട​രു​ക​യാ​ണെ​ന്നാ​ണ് ആ​ക്ഷേ​പം. പ​തി​നാ​ലും എ​ട്ടും മൂ​ന്നും വ​ർ​ഷം പ്രാ​യ​മു​ള്ള മൂ​ന്നു പെ​ൺ​മ​ക്ക​ളാ​ണ് സ​ഫി​യ​ക്കു​ള്ള​ത്.

മ​ക്ക​ളെ​യും നി​ര​ന്ത​രം പീ​ഡി​പ്പി​ക്കു​ന്ന​താ​യും ക​ഴി​ഞ്ഞ മൂ​ന്ന​ര വ​ർ​ഷ​മാ​യി സ​ഫി​യ​യെ​യും കു​ട്ടി​ക​ളെ​യും തൗ​ഡു ഗോ​ളി​യി​ലു​ള്ള സ്വ​ന്തം വീ​ട്ടി​ലേ​ക്ക​യ​ക്കു​ക​യോ ഫോ​ൺ ചെ​യ്യാ​ൻ സ​മ്മ​തി​ക്കു​ക​യോ ചെ​യ്യു​ന്നി​ല്ലെ​ന്നും ഇ​വ​ർ പ​റ​ഞ്ഞു. ക​ഴി​ഞ്ഞ ദി​വ​സം സ​ഫി​യ​യെ​യും കു​ട്ടി​ക​ളെ​യും ആ​ക്ര​മി​ച്ച് വെ​ട്ടി​പ്പ​രി​ക്കേ​ൽ​പി​ക്കു​ക​യും ഇ​നി വീ​ട്ടി​ൽ ക​ണ്ടാ​ൽ മ​ണ്ണെ​ണ്ണ​യൊ​ഴി​ച്ച് തീ​വ​ച്ച് കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തു​ക​യും ചെ​യ്ത​തോ​ടെ ഇ​വ​ർ വീ​ടു​വി​ട്ട് ഓ​ടി ര​ക്ഷ​പ്പെ​ടു​ക​യാ​യി​രു​ന്നു​വെ​ന്ന് സ​ഹോ​ദ​ര​ന്മാ​ർ പ​റ​ഞ്ഞു.

വെ​ട്ടേ​റ്റ് പ​രി​ക്കേ​റ്റ ര​ണ്ടാ​മ​ത്തെ കു​ട്ടി​യും സ​ഫി​യ​യും കു​മ്പ​ള​യി​ലെ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. സം​ഭ​വ​ത്തെ​ത്തു​ട​ർ​ന്ന് ചൈ​ൽ​ഡ് ലൈ​ൻ ഇ​ട​പെ​ടു​ക​യും മ​ഞ്ചേ​ശ്വ​രം പൊ​ലീ​സ് കേ​സെ​ടു​ക്കു​ക​യും ചെ​യ്ത​താ​യി ഇ​വ​ർ അ​റി​യി​ച്ചു.