അനധികൃത മണൽ വാരൽ; പത്തു തോണികൾ പിടികൂടി

കുമ്പള: ഷിറിയ പുഴയിൽ ആരിക്കാടി കടവത്ത്, പി.കെ. നഗർ, ഒളയം, ഷിറിയ എന്നീ സ്ഥലങ്ങളിൽ അനധികൃതമായി മണൽ വാരലിൽ ഏർപ്പെട്ട പത്തു തോണികൾ പൊലീസ് പിടിച്ചെടുത്തു. കാസർകോട് ഡിവൈ.എസ്.പി പി. ബാലകൃഷ്ണൻ നായർ, കുമ്പള ഇൻസ്‌പെക്ടർ പ്രമോദ് എന്നിവരുടെ നേതൃത്വത്തിലാണ് തോണികൾ കസ്റ്റഡിയിലെടുത്തത്. എസ്.ഐ അനീഷ്, മനോജ്‌, സിവിൽ പൊലീസ് ഓഫിസർമാരായ അഭിലാഷ്, കാശിഫ് മിൻഹാജ്, ഉണ്ണികൃഷ്ണൻ, ഷറഫുദ്ദീൻ, തമ്പി എന്നിവരും പൊലീസ് സംഘത്തിലുണ്ടായിരുന്നു. കുറ്റക്കാർക്കെതിരെ കേസെടുത്തു.