കുമ്പള, ഷിറിയ പുഴകളിൽ അനധികൃത മണൽ വാരൽ; അഞ്ച് തോണികൾ കസ്റ്റഡിയിലെടുത്തു

കുമ്പള: കുമ്പള, ഷിറിയ പുഴകളിൽ അനധികൃതമായി മണൽ വാരലിൽ ഏർപ്പെട്ട അഞ്ചു തോണികൾ പൊലീസ് പിടികൂടി. കാസർകോട് ഡിവൈ.എസ്.പി പി. ബാലകൃഷ്ണൻ നായർ, കുമ്പള ഇൻസ്‌പെക്ടർ പ്രമോദ്. എസ്.ഐമാരായ അനീഷ്, പി.കെ.വി. രാജീവൻ, സുരേഷ് എന്നിവരുടെ നേതൃത്വത്തിലാണ് തോണികൾ പിടികൂടി കേസെടുത്തത്. പൊലീസിന്‍റെ കണ്ണുവെട്ടിച്ചു കണ്ടൽ കാടുകൾക്കിടയിൽ ഒളിപ്പിച്ചു വെച്ച നിലയിലായിരുന്നു തോണികൾ കണ്ടെത്തിയത്.