കുമ്പളയിൽ ഗ്രാമവണ്ടി മന്ത്രി ആന്റണി രാജു ഫ്ലാഗ് ഓഫ് ചെയ്യും

കു​മ്പ​ള: ഗ്രാ​മപ്ര​ദേ​ശ​ങ്ങ​ളി​ലെ യാ​ത്രാ​പ്ര​ശ്ന​ത്തി​ന് പ​രി​ഹാ​രം ക​ണ്ടെ​ത്തു​ന്ന​തി​െ​ന്റ ഭാ​ഗ​മാ​യി കെ.​എ​സ്.​ആ​ർ.​ടി.​സി​യു​മാ​യി സ​ഹ​ക​രി​ച്ച് കു​മ്പ​ള പ​ഞ്ചാ​യ​ത്ത് ന​ട​പ്പാക്കു​ന്ന ഗ്രാ​മ​വ​ണ്ടി വെ​ള്ളി​യാ​ഴ്ച കു​മ്പ​ള​യി​ൽ ഓ​ടി​ത്തു​ട​ങ്ങും. രാ​വി​ലെ 10ന് ​ബം​ബ്രാ​ണ​യി​ൽ ഗ​താ​ഗ​ത​മ​ന്ത്രി ആ​ന്റ​ണി രാ​ജു ഫ്ലാ​ഗ്‌ ഓ​ഫ് ചെ​യ്യും. എ.​കെ.​എം. അ​ഷ്റ​ഫ് എം.​എ​ൽ.​എ അ​ധ്യ​ക്ഷ​ത വ​ഹി​ക്കും. ഗ്രാ​മ പ​ഞ്ചാ​യ​ത്തും ട്രാ​ൻ​സ്പോ​ർ​ട്ട് കോ​ർ​പ​റേ​ഷ​നും പൊ​തു​ഗ​താ​ഗ​ത സൗ​ക​ര്യം അ​പ​ര്യാ​പ്ത​മാ​യ പ്ര​ദേ​ശ​ങ്ങ​ളി​ലേ​ക്ക് ബ​സ് സ​ർ​വി​സ് ആ​രം​ഭി​ക്കു​ന്ന പ​ദ്ധ​തി​യാ​ണ് ഗ്രാ​മ​വ​ണ്ടി.

ജി​ല്ല​യി​ൽ ഗ്രാ​മ വ​ണ്ടി പ​ദ്ധ​തി ആ​ദ്യ​മാ​യി ന​ട​പ്പാക്കു​ന്ന​ത് കു​മ്പ​ള പ​ഞ്ചാ​യ​ത്താ​ണെ​ന്ന് പ്ര​സി​ഡ​ന്റ് യു.​പി. താ​ഹി​റ യൂ​സു​ഫ് വാ​ർ​ത്ത​സ​മ്മേ​ള​ന​ത്തി​ൽ പ​റ​ഞ്ഞു. 2023- 2024 വാ​ർ​ഷി​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി 15 ല​ക്ഷം രൂ​പ വ​ക​യി​രു​ത്തി. ജി​ല്ല ആ​സൂ​ത്ര​ണ സ​മി​തി​യു​ടെ അം​ഗീ​കാ​രം ല​ഭി​ച്ചി​ട്ടു​ണ്ട്.

ഇ​ന്ധ​ന​ച്ചെ​ല​വ് പ​ഞ്ചാ​യ​ത്തും ബ​സ് ജീ​വ​ന​ക്കാ​രു​ടെ ശ​മ്പ​ള​വും അ​റ്റ​കു​റ്റപ്പണി​യും കെ.​എ​സ്.​ആ​ർ.​ടി.​സി​യും വ​ഹി​ക്കും. ടി​ക്ക​റ്റ് തു​ക പൂ​ർ​ണ​മാ​യും കെ.​എ​സ്.​ആ​ർ.​ടി.​സി​ക്കാ​ണ്. പി.​കെ. ന​ഗ​ർ, ഉ​ളു​വാ​ർ, പാ​മ്പാ​ട്ടി, കു​മ്പ​ള ഗ​വ.​ആ​ശു​പ​ത്രി, ഐ.​ച്ച്.​ആ​ർ.​ഡി, പേ​രാ​ൽ, മൊ​ഗ്രാ​ൽ സ്കൂ​ൾ, മു​ളി​യ​ടു​ക്ക എ​ന്നീ റൂ​ട്ടു​ക​ളി​ൽ സ​ർ​വി​സ് ന​ട​ത്തും. വാ​ർ​ത്ത​സ​മ്മേ​ള​ന​ത്തി​ൽ പ്ര​സി​ഡ​ന്റ് യു.​പി. താ​ഹി​റ യൂ​സു​ഫ്, വൈ​സ് പ്ര​സി​ഡ​ന്റ് നാ​സ​ർ മൊ​ഗ്രാ​ൽ, സ്ഥി​രം സ​മി​തി അ​ധ്യ​ക്ഷ​ന്മാ​രാ​യ എം. ​സ​ബൂ​റ, ബി.​എ. റ​ഹ്മാ​ൻ ആ​രി​ക്കാ​ടി, ന​സീ​മ ഖാ​ലി​ദ്, യൂ​സു​ഫ് ഉ​ളു​വാ​ർ എ​ന്നി​വ​ർ സം​ബ​ന്ധി​ച്ചു.