കുമ്പളയിൽ മാലിന്യം​; ദുർഗന്ധത്താൽ ദുരിതംപേറി നാട്ടുകാരും വിദ്യാർഥികളും

കു​മ്പ​ള: മാ​ലി​ന്യ​വി​ഷ​യ​ത്തി​ൽ അ​ധി​കൃ​ത​ർ പി​ഴ​യും ത​ട​വും ഉ​ൾ​പ്പെ​ടെ​യു​ള്ള നി​യ​മം ക​ർ​ശ​ന​മാ​യി ന​ട​പ്പി​ലാ​ക്കു​മ്പോ​ഴും ത​ങ്ങ​ൾ​ക്ക് അ​തൊ​ന്നും ബാ​ധ​ക​മ​ല്ലെ​ന്ന രീ​തി​യി​ലാ​ണ് കു​മ്പ​ള സ്കൂ​ൾ റോ​ഡി​ൽ മ​ത്സ്യ​വി​ൽ​പ​ന​ക്കി​ടെ മീ​ൻ​വെ​ള്ളം ഒ​ഴു​ക്കു​ന്ന​തും മാ​ലി​ന്യം പൊ​തു​സ്ഥ​ല​ത്ത് വ​ലി​ച്ചെ​റി​യു​ന്ന​തും.

പൊ​തു​സ്ഥ​ല​ത്ത് മ​ത്സ്യ​വി​ൽ​പ​ന ന​ട​ത്തി​യ​തി​നും മീ​ൻ​വെ​ള്ളം ഒ​ഴു​ക്കി​യ​തി​നും ക​ഴി​ഞ്ഞ​മാ​സ​മാ​ണ് ര​ണ്ട് മ​ത്സ്യ​വി​ൽ​പ​ന തൊ​ഴി​ലാ​ളി​ക​ൾ​ക്കെ​തി​രെ കു​മ്പ​ള പൊ​ലീ​സ് കേ​സെ​ടു​ത്ത് പി​ഴ​ചു​മ​ത്തി​യ​ത്. എ​ന്നി​ട്ടും ഇ​ത് ആ​വ​ർ​ത്തി​ക്കു​ക​യാ​ണ്. സ്കൂ​ൾ റോ​ഡി​ലെ ഓ​വു​ചാ​ലു​ക​ൾ ല​ക്ഷ​ങ്ങ​ൾ ചെ​ല​വ​ഴി​ച്ചാ​ണ് ക​ഴി​ഞ്ഞ മാ​സം കു​മ്പ​ള ഗ്രാ​മ​പ​ഞ്ചാ​യ​ത്ത് പു​ന​ർ​നി​ർ​മി​ച്ച​ത്. ഈ ​ഓ​വു​ചാ​ലി​ലേ​ക്കാ​ണ് സ്കൂ​ൾ റോ​ഡി​ലെ മ​ത്സ്യ​വി​ൽ​പ​ന തൊ​ഴി​ലാ​ളി​ക​ൾ മാ​ലി​ന്യം വ​ലി​ച്ചെ​റി​യു​ന്ന​തും മീ​ൻ വെ​ള്ളം ഒ​ഴു​ക്കി​വി​ടു​ന്ന​തും.

പൊ​തു​സ്ഥ​ല​ത്ത് മാ​ലി​ന്യം വ​ലി​ച്ചെ​റി​യു​ന്ന​ത് ത​ട​വും പി​ഴ​യും വ്യ​വ​സ്ഥ ചെ​യ്യു​ന്ന നി​യ​മം നി​ല​നി​ൽ​ക്കെ​യാ​ണി​ത്. മീ​ൻ വെ​ള്ളം സ്കൂ​ൾ റോ​ഡി​ൽ ഒ​ഴു​ക്കു​ന്ന​തു​മൂ​ലം കൊ​തു​കു​ക​ളും ഈ​ച്ച​ക​ളും പെ​രു​ക​യാ​ണ്. ഒ​പ്പം ദു​ർ​ഗ​ന്ധ​വും. മാ​ലി​ന്യം തൊ​ട്ട​ടു​ത്ത കേ​ന്ദ്ര​സ​ർ​ക്കാ​ർ ത​പാ​ൽ വ​കു​പ്പി​ന്റെ കീ​ഴി​ലു​ള്ള സ്ഥ​ല​ത്ത് ഗേ​റ്റ് സ്ഥാ​പി​ച്ചി​ട്ടു​ള്ള ക​വാ​ട​ത്തി​ലേ​ക്കാ​ണ് വ​ലി​ച്ചെ​റി​യു​ന്ന​ത്.

എ​റിയു​മ്പോ​ൾ ഇ​തി​ൽ പ​കു​തി​യും വീ​ഴു​ന്ന​ത് സ്കൂ​ൾ റോ​ഡി​ലേ​ക്കാ​ണ്. മീ​ൻ- ഭ​ക്ഷ്യ മാ​ലി​ന്യ​മാ​യ​തി​നാ​ൽ ഇ​ത് നാ​യ​ക​ൾ​ക്ക് ഭ​ക്ഷ​ണ​വു​മാ​കു​ന്നു. ഇ​തു​മൂ​ലം സ്കൂ​ൾ റോ​ഡ് നാ​യ്ക്ക​ളു​ടെ വി​ഹാ​ര​കേ​ന്ദ്ര​മാ​യി മാ​റി. ഇ​തു​വ​ഴി സ്കൂ​ളി​ലേ​ക്ക് ന​ട​ന്നു​പോ​കു​ന്ന വി​ദ്യാ​ർ​ഥി​ക​ൾ​ക്ക് നാ​യ്ക്കൂ​ട്ടം ഭീ​ഷ​ണി​യു​മാ​ണ്. സ​ഹി​കെ​ട്ട വ്യാ​പാ​രി​ക​ളും വി​ദ്യാ​ർ​ഥി​ക​ളും പ​ഞ്ചാ​യ​ത്ത്, ആ​രോ​ഗ്യ​വ​കു​പ്പ് അ​ധി​കൃ​ത​രെ സ​മീ​പി​ക്കാ​നൊ​രു​ങ്ങു​ക​യാ​ണ്.