മത്സ്യത്തൊഴിലാളിയെ തിരയിൽപെട്ട് കാണാതായി

കുമ്പള: കടലിൽ വലയെറിഞ്ഞ് മത്സ്യം പിടിക്കുകയായിരുന്ന തൊഴിലാളിയെ തിരയിൽപെട്ട് കാണാതായി. ഷിറിയ തീരദേശ പൊലീസ് സ്​റ്റേഷനു സമീപം താമസിച്ചുവരുന്ന ബാലകൃഷ്ണൻ (57) എന്ന അബ്ബയെയാണ് കടലിൽ കാണാതായത്.

ഷിറിയ കടപ്പുറത്ത് വെള്ളിയാഴ്ച വൈകീട്ട്​ ആറോടെയാണ് അപകടം. സുഹൃത്തുക്കളോടൊപ്പം തീരത്ത് കടലിൽ വലയെറിഞ്ഞ് മീൻ പിടിച്ചുകൊണ്ടിരിക്കെ വല കാലിൽ കുരുങ്ങി നീന്താനാവാതെ തിരയോടൊപ്പം ഒലിച്ചുപോവുകയായിരുന്നുവത്രെ.

തീരദേശ പൊലീസും നാട്ടുകാരും അഗ്നിശമന സേനയും സ്ഥലത്തെത്തി രക്ഷാപ്രവർത്തനം നടത്തിവരുന്നുണ്ട്.

തീരദേശ പൊലീസിൻെറ വിദഗ്ധ സംഘം ശനിയാഴ്ച രാവിലെ സ്ഥലത്തെത്തുമെന്നാണ് അറിയുന്നത്.