കാർ ഹോട്ടലിലേക്ക് പാഞ്ഞുകയറി; രണ്ടുപേർക്ക് പരിക്ക്

കുമ്പള: മൊഗ്രാലിൽ നിയന്ത്രണം വിട്ട കാർ ഹോട്ടലിൽ ഇടിച്ചുകയറി രണ്ടുപേർക്ക് പരിക്ക്. വെള്ളിയാഴ്ച വൈകീട്ടോടെയാണ് സംഭവം.

ദേശീയപാതയിൽ നിയന്ത്രണം വിട്ട കാർ മൊഗ്രാൽ ജങ്ഷനിലുള്ള ബദ്രിയ റസ്റ്റാറന്റിലേക്ക് ഇടിച്ചുകയറുകയായിരുന്നു. ഹോട്ടലിലുണ്ടായിരുന്ന രണ്ടു പേർക്കാണ് പരിക്കേറ്റത്. ഫൈസൽ (35), സിദ്ദീഖ് (60) എന്നിവരെ നിസ്സാര പരിക്കുകളോടെ കുമ്പള ജില്ല സഹകരണാശുപത്രിയിൽ പ്രവേശിപ്പിച്ചു. കാസർകോട് ഭാഗത്തേക്ക് പോവുകയായിരുന്ന കാറാണ് അപകടത്തിൽ പെട്ടത്.