എസ്.ഡി.പി.ഐ പ്രവർത്തകനെ വധിക്കാൻ ശ്രമം; പ്രതിയെ തേടി പൊലീസ് കർണാടകയിലേക്ക്

കുമ്പള: കൊടിയമ്മയിൽ എസ്.ഡി.പി.ഐ പ്രവർത്തകനായ യുവാവിനെ വധിക്കാൻ ശ്രമിച്ച കേസിലെ പ്രതി സംസ്​ഥാനം വിട്ടതായി സൂചന. ഇതേതുടർന്ന്​ അന്വേഷണം അയൽസ്​സ്​ഥാനത്തേക്കും വ്യാപിപ്പിച്ചു. അന്വേഷണസംഘം കർണാടകയിലേക്ക് പോയി.

കഴിഞ്ഞ ദിവസം സന്ധ്യയോടെ ആരിക്കാടി കടവത്തെ സൈനുദ്ദീനെ(30) കത്തികൊണ്ട് കുത്തിക്കൊല്ലാൻ ശ്രമിച്ച കേസിലാണ് അന്വേഷണം നടക്കുന്നത്. പരിക്കേറ്റ് മംഗളൂരുവിലെ ആശുപത്രിയിൽ പ്രവേശിപ്പിച്ച സൈനുദ്ദീൻ അപകടനില തരണംചെയ്തിട്ടുണ്ട്.

മുൻ വൈരാഗ്യമാണ് സംഭവത്തിനുപിന്നിലെന്നാണ് പൊലീസ് നൽകുന്ന സൂചന.