ഒടുവിൽ സർക്കാർ അംഗീകരിച്ചു; സാംബവി ദരിദ്ര തന്നെ

കാ​സ​ർ​കോ​ട്​: അ​നൂ​ർ പ​ഞ്ചാ​യ​ത്തി​ൽ മു​ക്കൂ​ട​്​ വാ​ർ​ഡി​ൽ ചാ​മു​ണ്ടി​കു​ന്നി​ലെ സാം​ബ​വി​യെ​ന്ന വ​യോ​ധി​ക​ക്ക്​ ഒ​ടു​വി​ൽ സ​ർ​ക്കാ​ർ ബി.​പി.​എ​ൽ റേ​ഷ​ൻ കാ​ർ​ഡ്​ അ​നു​വ​ദി​ച്ചു. ദാ​രി​ദ്ര്യ രേ​ഖ​ക്ക്​ താ​​ഴെ ആ​യി​രു​ന്നി​ട്ടും ഇ​വ​ർ എ.​പി.​എ​ൽ കാ​ർ​ഡി​ലാ​യി​രു​ന്നു ഉ​ൾ​പ്പെ​ട്ടി​രു​ന്ന​ത്. 70 പി​ന്നി​ട്ട സാം​ബ​വി​ക്ക്​ മ​ഴ​വ​ന്നാ​ൽ ചോ​രു​ന്ന കൂ​ര​യാ​ണു​ള്ള​ത്. 40 വ​യ​സ്സു പി​ന്നി​ട്ട അ​വി​വാ​ഹി​ത​യാ​യ മ​ക​ളും കൂ​ലി​പ​ണി​യെ​ടു​ത്ത് ​കു​ടും​ബം പോ​റ്റു​ന്ന മ​ക​നു​മാ​യി​രു​ന്നു ഉ​ണ്ടാ​യി​രു​ന്ന​ത്.​

വാ​ഹ​ന​ങ്ങ​ളും വ​ലി​യ വീ​ടു​ക​ളും ഉ​ള്ള​വ​ർ 'ദ​രി​ദ്ര'​രാ​യി ബി.​പി.​എ​ൽ കാ​ർ​ഡി​ൽ വീ​ട്ടു​സാ​ധ​ന​ങ്ങ​ൾ കൊ​ട്ട​ക്ക​ണ​ക്കി​നു കൊ​ണ്ടു​പോ​കു​േ​മ്പാ​ൾ സ​ങ്ക​ട​ത്താ​ൽ നോ​ക്കി​കൊ​ണ്ട്​ 'ഇ​നി​യും ദ​രി​ദ്ര​യാ​കാ​ൻ എ​ന്തു​ചെ​യ്യ​ണം' എ​ന്ന്​ ചോ​ദി​ക്കു​ന്ന വാ​ർ​ത്ത മാ​ധ്യ​മ​ത്തി​ൽ പ്ര​സി​ദ്ധീ​ക​രി​ച്ചി​രു​ന്നു. കോ​വി​ഡ്​ കാ​ല​ത്ത്​ ഏ​ക​മ​ക​ന്​ ​കൂ​ലി​വേ​ല​യും ഇ​ല്ലാ​താ​യ​പ്പോ​ൾ ഏ​റെ ബു​ദ്ധി​മു​ട്ടി​യാ​ണ്​ സാം​ബ​വി ജീ​വി​തം മു​ന്നോ​ട്ടു​കൊ​ണ്ടു​പോ​യ​ത്.

വാ​ർ​ത്ത ശ്ര​ദ്ധ​യി​ൽ​പെ​ട്ട താ​ലൂ​ക്ക്​ സ​പ്ലൈ ഒാ​ഫി​സ​ർ കെ.​എ​ൻ. ബി​ന്ദു അ​പേ​ക്ഷ അ​ദാ​ല​ത്തി​ൽ പ​രി​ഗ​ണി​ച്ച്​ ബി.​പി.​എ​ൽ ആ​ക്കി മാ​റ്റു​ക​യാ​യി​രു​ന്നു. 'അ​ന​ർ​ഹ​രാ​യ നി​ര​വ​ധി ആ​ളു​ക​ൾ ബി.​പി.​എ​ൽ പ​ട്ടി​ക​യി​ൽ ക​ട​ന്നു​കൂ​ടി​യി​ട്ടു​ണ്ട്. ഇ​വ നീ​ക്കി​ അ​ർ​ഹ​രെ ക​യ​റ്റും. തെ​ര​ഞ്ഞെ​ടു​പ്പ്​ ക​ഴി​ഞ്ഞ​തി​നാ​ൽ ഇ​തി​നു​ള്ള അ​ദാ​ല​ത്തു​ക​ൾ ന​ട​ത്തും.

അ​ന​ർ​ഹ​രാ​യ ബി.​പി.​എ​ൽ കാ​ർ​ഡു​ട​മ​ക​ളെ ക​ണ്ടെ​ത്താ​ൻ രം​ഗ​ത്തി​റ​ങ്ങും. ആ​യി​രം ച​തു​ര​ശ്ര അ​ടി വീ​ടും നാ​ലു​ച​ക്ര വാ​ഹ​ന​ങ്ങ​ളും ഉ​ള്ള​വ​രെ എ​ന്തു ത​ന്നെ​യാ​യാ​ലും നീ​ക്കം ചെ​യ്യും. സ്വ​യം പി​ന്മാ​റാ​ൻ ത​യാ​റ​ല്ലാ​ത്ത അ​വ​സ്​​ഥ​യു​​ണ്ടെ​ന്നും താ​ലൂ​ക്ക്​ സ​പ്ലൈ ഒാ​ഫി​സ​ർ മാ​ധ്യ​മ​ത്തോ​ട്​ പ​റ​ഞ്ഞു.