Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKasaragodchevron_rightKasargodchevron_rightബാങ്ക്​ ജീവനക്കാരിൽ...

ബാങ്ക്​ ജീവനക്കാരിൽ ആശങ്ക

text_fields
bookmark_border
ബാങ്ക്​ ജീവനക്കാരിൽ ആശങ്ക
cancel

കാസർകോട്: ജില്ലയിൽ ബാങ്കിങ്​ മേഖലയിൽ ജീവനക്കാർക്ക് കോവിഡ് റിപ്പോർട്ട് ചെയ്ത്​ തുടങ്ങിയതോടെ ജീവനക്കാരിൽ ആശങ്ക പരക്കുന്നു.മേഖലയിൽ 50ശതമാനം ജീവനക്കാർ ജോലിയെടുത്താൽ മതിയെന്ന ചട്ടം കണ്ണൂർ ജില്ലയിൽ നടപ്പാക്കിയിട്ടുണ്ടെങ്കിലും പ്രതിദിനം കൂടുതൽ രോഗികൾ റിപ്പോർട്ട് ചെയ്യുന്ന കാസർകോട് ജില്ലയിൽ ഇതുവരെ നടപ്പാക്കിയിട്ടില്ല.

നിലവിൽ ജില്ലയിൽ കണ്ടെയ്​ൻമെൻറ് സോണുകളിൽ ബാങ്ക് ശാഖകൾ തുറന്നുപ്രവർത്തിക്കേണ്ട സ്​ഥിതിയാണ്.ജില്ലയിലെ ബാങ്ക് ശാഖകളിലെ 12 ജീവനക്കാർക്ക് ഇതിനകം കോവിഡ് സ്​ഥിരീകരിച്ചിട്ടുണ്ട്. മേൽപറമ്പ, മഞ്ചേശ്വരം, വിദ്യാനഗർ, പുത്തിഗെ, കുഞ്ചത്തൂർ, ബോവിക്കാനം, മിയാപദവ് എന്നിവിടങ്ങളിൽ പ്രവർത്തിക്കുന്ന ബാങ്ക് ശാഖകളിലെ ജീവനക്കാർക്കാണ് കോവിഡ് റിപ്പോർട്ട് ചെയ്​തത്.

ശാഖകളിൽ എത്തുന്ന ഇടപാടുകാരിൽനിന്നാണ് രോഗപ്പകർച്ച ഉണ്ടാകുന്നത്.ജീവനക്കാരുടെ സുരക്ഷ സംബന്ധിച്ച് ഒരു പരിഗണനയും അധികൃതരുടെ ഭാഗത്തുനിന്നും ഇതുവരെ ഉണ്ടായിട്ടില്ലെന്ന് ജീവനക്കാർ പറയുന്നു.ഇതുസംബന്ധിച്ച് ജീവനക്കാരുടെ സംഘടനകൾ സംയുക്​തമായി അധികൃതരെ സമീപിച്ചിട്ടുണ്ട്.തൊട്ടടുത്ത ജില്ലയിൽ 50 ശതമാനം ജീവനക്കാരെവെച്ച് ബാങ്ക് പ്രവർത്തിക്കാൻ നിർദേശം നൽകിയിട്ടുണ്ട്.

ദിവസവും നൂറോളം പേർക്ക് കോവിഡ് പോസിറ്റിവ് റിപ്പോർട്ട് ചെയ്യപ്പെടുന്ന ജില്ലയിൽ മുഴുവൻ ജീവനക്കാരെയുംവെച്ച് പ്രവർത്തിക്കേണ്ട സ്​ഥിതിയാണ്. പെൻഷൻ വിതരണവുമായി ബന്ധപ്പെട്ട് ചില ശാഖകൾക്കുമുന്നിൽ വലിയ ക്യൂ ഉണ്ടാകുന്നതും വലിയ ആശങ്കയുണ്ടാക്കുന്നുണ്ട്.50 ശതമാനം ജീവനക്കാരെവെച്ച് ബാങ്ക് ശാഖകൾ പ്രവർത്തിപ്പിക്കാനും കണ്ടെയ്​ൻമെൻറ് സോണുകളിലെ ശാഖകൾ അടച്ചിടുന്നതിനും ഉത്തരവുണ്ടാകണമെന്ന് സൂചിപ്പിച്ച് ജില്ല കലക്ടർക്കും ലീഡ് ഡിസ്ട്രിക്ട് മാനേജർക്കും ബാങ്ക് ജീവനക്കാരുടെ സംയുക്​ത സംഘടന നിരവധി തവണ നിവേദനം നൽകിയിരുന്നു.

മാസ്‌കില്ല: 410 പേര്‍ക്കെതിരെ കേസ്

കാസർകോട്​: മാസ്‌ക് ധരിക്കാത്തതിന് ജില്ലയില്‍ 410 പേര്‍ക്കെതിരെ കൂടി കേസെടുത്തു. ഇതോടെ ഇതുവരെ കേസെടുത്തവരുടെ എണ്ണം 18580 ആയി.

Show Full Article
TAGS:covid 19 covid kerala 
Next Story