ലക്ഷങ്ങൾ മുടക്കിയ വാട്ടർ ട്രീറ്റ്മെൻറ് പ്ലാൻറ് പ്രവർത്തനം നിലച്ചു

കാ​ഞ്ഞ​ങ്ങാ​ട്: ല​ക്ഷ​ങ്ങ​ൾ മു​ട​ക്കി കോ​ട്ട​ച്ചേ​രി ന​ഗ​ര​സ​ഭ മ​ത്സ്യ​മാ​ർ​ക്ക​റ്റി​ൽ സ്ഥാ​പി​ച്ച വാ​ട്ട​ർ ട്രീ​റ്റ്മെൻറ് പ്ലാ​ൻ​റ് നോ​ക്കു​കു​ത്തി​യാ​യി. 2018-19 വ​ർ​ഷ​ത്തി​ലാ​ണ് കോ​ട്ട​ച്ചേ​രി മ​ത്സ്യ​മാ​ർ​ക്ക​റ്റി​ൽ വാ​ട്ട​ർ ട്രീ​റ്റ്മെൻറ് പ്ലാ​ൻ​റ് സ്ഥാ​പി​ച്ച​ത്. 20 ല​ക്ഷം രൂ​പ മു​ട​ക്കി​യാ​യി​രു​ന്നു സ്ഥാ​പി​ച്ച​ത്.

മാ​ർ​ക്ക​റ്റി​ലെ മ​ലി​ന​ജ​ലം വാ​ട്ട​ർ ടാ​ങ്കി​ൽ ശേ​ഖ​രി​ച്ച് ഇ​വി​ടെ വെ​ച്ചു സം​സ്ക​രി​ക്കു​ക​യും ഇ​ത് ശു​ദ്ധ​ജ​ല​മാ​ക്കി മാ​റ്റി​യ​ശേ​ഷം മാ​ർ​ക്ക​റ്റി​ലെ ശു​ചീ​ക​ര​ണ പ്ര​വ​ർ​ത്തി​ക​ൾ​ക്ക് ഉ​പ​യോ​ഗി​ക്കാം എ​ന്നു​ള്ള​തി​നാ​ലു​മാ​ണ് ഇ​ത്ര വ​ലി​യ തു​ക മു​ട​ക്കി പ്ലാ​ൻ​റ് സ്ഥാ​പി​ച്ച​ത്. എ​ന്നാ​ൽ ഏ​താ​നും മാ​സ​ങ്ങ​ൾ മാ​ത്ര​മേ ഇ​ത് സു​താ​ര്യ​മാ​യി പ്ര​വ​ർ​ത്തി​ച്ചു​ള്ളൂ.

ത്രീ ​ഫീ​സ് വ​യ​റി​ങ് ഉ​ൾ​പ്പെ​ടെ ക​ത്തി ന​ശി​ച്ച​തി​നെ തു​ട​ർ​ന്ന് നി​ര​വ​ധി ത​വ​ണ അ​റ്റ​കു​റ്റ​പ്പ​ണി ന​ട​ത്തി​യെ​ങ്കി​ലും ത​ക​രാ​ർ പൂ​ർ​ണ​മാ​യും പ​രി​ഹ​രി​ക്കാ​നായി​ല്ല. ഇ​തേത്തുട​ർ​ന്ന് ഇ​തി​ന്റെ പ്ര​വ​ർ​ത്ത​നം അ​വ​സാ​നി​പ്പി​ക്കു​ക​യാ​യി​രു​ന്നു. ഒ​രു സ്വ​കാ​ര്യ ക​മ്പ​നി​ക്ക് ക​രാ​ർ ന​ൽ​കി​യാ​ണ് യ​ന്ത്ര​സാ​മ​ഗ്രി​ക​ൾ സ്ഥാ​പി​ച്ച​ത്. 16 ല​ക്ഷം രൂ​പ ക​മ്പ​നി​ക്ക് ന​ഗ​ര​സ​ഭ ന​ൽ​കി​യി​രു​ന്നു. നാ​ലു ല​ക്ഷം രൂ​പ ബാ​ക്കി ന​ൽ​കാ​നു​ണ്ട്.

കൊ​ട്ടി​ഘോ​ഷി​ച്ച് സ്ഥാ​പി​ച്ച വാ​ട്ട​ർ ട്രീ​റ്റ്മെ​ന്‍റ് പ്ലാ​ൻ​റാ​ണ് മൂ​ന്നു വ​ർ​ഷ​ത്തി​ലേ​റെ​യാ​യി പ്ര​വ​ർ​ത്ത​ന​ര​ഹി​ത​മാ​യി കി​ട​ക്കു​ന്ന​ത്. മ​ത്സ്യ​വെ​ള്ളം ശു​ചീ​ക​രി​ക്കു​ന്ന​തി​നൊ​പ്പം മ​റ്റു മ​ത്സ്യ​മാ​ലി​ന്യ​ങ്ങ​ൾ ഇ​വി​ടെ​ത്ത​ന്നെ സം​സ്ക​രി​ച്ച് വ​ള​മാ​ക്കു​ന്ന​തി​നും സം​വി​ധാ​നം ഒ​രു​ക്കി​യി​രു​ന്നു. ബ​ന്ധ​പ്പെ​ട്ട​വ​രു​ടെ നി​രു​ത്ത​ര​വാ​ദ​മാ​ണ് ആ​ധു​നി​ക യ​ന്ത്ര​സാ​മ​ഗ്രി​ക​ൾ നോ​ക്കു​കു​ത്തി​യാ​കാ​ൻ കാ​ര​ണ​മെ​ന്ന് ആ​ക്ഷേ​പ​മു​യ​ർ​ന്നു.

ഇ​പ്പോ​ൾ ഇ​തി​ന്റെ ടാ​ങ്കി​ൽ നി​റ​യു​ന്ന മ​ലി​ന​ജ​ലം ടാ​ങ്ക​ർ ലോ​റി ഉ​പ​യോ​ഗി​ച്ച് മ​റ്റൊ​രി​ട​ത്തേ​ക്ക് കൊ​ണ്ടു​പോ​വു​ക​യാ​ണ് ചെ​യ്യു​ന്ന​ത്. ന​ഗ​ര​സ​ഭ​ക്ക് ഇ​തി​ന് ദി​നം​പ്ര​തി വ​ലി​യ തു​ക ചെല​വാ​കു​ന്നു​ണ്ട്.

ന​ഗ​ര​സ​ഭ മ​ത്സ്യ​മാ​ർ​ക്ക​റ്റി​ൽ സ്ഥാ​പി​ച്ച ബ​യോ​ഗ്യാ​സ് സം​വി​ധാ​നം കു​ഴി​ച്ചു​മൂ​ടി​യ​തി​നു ശേ​ഷ​മാ​ണ് വാ​ട്ട​ർ ട്രീ​റ്റ്മെൻറ് പ്ലാ​ൻ​റ് സ്ഥാ​പി​ച്ച​ത്. ബ​യോ​ഗ്യാ​സ് സ്ഥാ​പി​ച്ച വ​ക​യി​ലും ന​ഗ​ര​സ​ഭ​ക്ക് വ​ൻ തു​ക ന​ഷ്ട​മു​ണ്ടാ​യി. മ​ത്സ്യ​ജ​ല​ത്തി​ന്റെ കു​റേ​ഭാ​ഗം പ​രി​സ​ര​ത്ത് ത​ന്നെ കെ​ട്ടി​ക്കി​ട​ക്കു​ന്നു​ണ്ട്.