കാഞ്ഞങ്ങാട് മഡിയനിൽ മോഷണ പരമ്പര

കാഞ്ഞങ്ങാട്: ടൗണിലും പരിസര പ്രദേശങ്ങളിലും വീണ്ടും മോഷ്​ടാക്കളുടെ വിളയാട്ടം. മാണിക്കോത്ത് മഡിയൻ ടൗണിൽ പ്രവർത്തിക്കുന്ന കേരള സ്​റ്റേറ്റ് കൺസ്യൂമർഫെഡ് ജില്ല സബ്​ ഓഫിസി​െൻറ ഗോഡൗണിലും കൺസ്യൂമർ ഫെഡി​െൻറ ഗോഡൗൺ, ത്രിവേണി സൂപ്പർ മാർക്കറ്റ്, നീതി മെഡിക്കൽ സ്​റ്റോർ, മെഡിക്കൽ വെയർ ഹൗസ് എന്നിവിടങ്ങളിലുമാണ് പൂട്ട് തകർത്ത് മോഷണം നടന്നത്. നീതി മെഡിക്കൽ സ്​റ്റോറി​െൻറ കൗണ്ടറിലെ മേശ വലിപ്പിലുണ്ടായിരുന്ന 5000 രൂപയോളം മോഷണം പോയി. മറ്റ് സ്ഥാപനങ്ങളിൽ നിന്നും സാധന സാമഗ്രികൾ നഷ്​ടപ്പെട്ടതായി വിവരമില്ല. വ്യാഴാഴ്ച രാത്രിയാണ് സ്ഥാപനങ്ങളുടെ ഷട്ടറി​െൻറ പൂട്ട് തകർത്ത് മോഷണം നടത്തിയത്. പൂട്ട് പൊളിച്ച് ഷട്ടർ കല്ലുവെച്ച് പൊക്കിയാണ് മോഷ്​ടാവ്​ അകത്തുകടന്നത്. ഇതിന് തൊട്ടടുത്തുള്ള മദീന സൂപ്പർ മാർക്കറ്റി​െൻറ ഷട്ടറി​െൻറ പൂട്ടും തകർക്കാൻ ശ്രമം നടന്നിട്ടുണ്ട്. അസി. റീജനൽ മാനേജർ പി.വി. ശൈലേഷ് ബാബുവി​െൻറ പരാതിയിൽ ഹോസ്ദുർഗ് പൊലീസ് കേസെടുത്ത് അന്വേഷണം തുടങ്ങി. വിവരമറിഞ്ഞ് ഇൻസ്പെക്ടർ കെ.പി. ഷൈൻ, എസ്.ഐ കെ.പി. സന്തോഷ് കുമാർ തുടങ്ങിയവർ സ്ഥലത്തെത്തി പ്രാഥമിക പരിശോധന നടത്തി. വിരലടയാള വിദഗ്ധരും പൊലീസ് നായും സ്ഥലത്തെത്തിയിരുന്നു.