Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightKanhangadchevron_rightകാഞ്ഞങ്ങാട് കടകളില്‍...

കാഞ്ഞങ്ങാട് കടകളില്‍ കവർച്ച; തുണിത്തരങ്ങളും പണവും മോഷണം പോയി

text_fields
bookmark_border
കാഞ്ഞങ്ങാട് കടകളില്‍ കവർച്ച; തുണിത്തരങ്ങളും പണവും മോഷണം പോയി
cancel
camera_alt

കാഞ്ഞങ്ങാട് നഗരത്തിലെ കടയുടെ ഷട്ടർ വളച്ച നിലയിൽ

കാഞ്ഞങ്ങാട്: നഗരത്തിലെ നാലോളം കടകളില്‍ മോഷണം. തുണിത്തരങ്ങളും പണവും ചുമക്കുള്ള മരുന്നും മോഷണം പോയി. കാസര്‍കോട് സ്വദേശി നൗഷാദി​െൻറ കാഞ്ഞങ്ങാട് ഫാല്‍കോ ടവറിലുള്ള ഫ്രീക്ക് ജെന്‍സ് കളക്​ഷന്‍സില്‍നിന്ന്​ 15000ത്തോളം വിലവരുന്ന, കുട്ടികളുടെ ഉടുപ്പുകളും പാൻറ്​സും മേശവലിപ്പിലുണ്ടായിരുന്ന 5000 രൂപയും മോഷണം പോയി.

തൊട്ടടുത്തുള്ള കാസര്‍കോട് പാണളത്തെ ഗഫൂറി​െൻറ ഉടമസ്ഥതയിലുള്ള മർസ ലേഡീസ് കളക്​ഷന്‍സില്‍നിന്ന്​ 10,000ത്തോളം രൂപ വരുന്ന കുട്ടികളുടെ ഉടുപ്പുകളും 10,000 രൂപയുമാണ് മോഷണം പോയത്. ബസ്​സ്​റ്റാൻഡി​െൻറ പിറകുവശത്തെ പൊയ്യക്കര രാഘവ​െൻറ ഉടമസ്ഥതയിലുള്ള എസ്.ജെ മെഡിക്കല്‍സില്‍നിന്ന്​ 200 രൂപയും ചുമക്കുള്ള മരുന്നും മോഷ്​ടിച്ചു.

ദുര്‍ഗ ഹൈസ്‌കൂള്‍ റോഡിലെ മാവുങ്കാല്‍ സ്വദേശി ജയപ്രകാശ​െൻറ നാഷനല്‍ മെഡിക്കല്‍സില്‍നിന്ന്​ 150 രൂപയും മോഷ്​ടിച്ചു. നാല് സ്ഥലങ്ങളിലും പൂട്ട് പൊളിക്കാതെ ഷെട്ടർ കമ്പിപ്പാരകൊണ്ട് തിക്കിയാണ് മോഷ്​ടാവ് അകത്തുകടന്നത്. ഹോസ്ദുര്‍ഗ് പൊലീസ് കേസെടുത്ത് അന്വേഷണം ആരംഭിച്ചു. സമാനരീതിയിലുള്ള മോഷണമാണ് കഴിഞ്ഞ ദിവസം നീലേശ്വരത്തും നടന്നത്.

Show Full Article
TAGS:kanhangad theft 
Next Story