യുവാവിനെ തട്ടിക്കൊണ്ടുപോയി മർദിച്ച് റോഡിൽ തള്ളി; നാലു പേർ പിടിയിൽ

കാഞ്ഞങ്ങാട്: മയക്കുമരുന്ന് കഞ്ചാവ് മാഫിയകൾ തമ്മിലുള്ള കുടിപ്പകയെ തുടര്‍ന്ന് യുവാവിനെ തട്ടിക്കൊണ്ടുപോയി ക്രൂരമായി മർദിച്ച് റോഡിൽ തള്ളിയ സംഭവത്തിൽ പ്രതികളെ പൊലീസ്​ വിദഗ്‌ധമായി വലയിലാക്കി. പടന്നക്കാട്ടെ മെഹ്റൂഫിനെയാണ്​ (27) വെള്ളിയാഴ്ച്ച വൈകീട്ട്​ അ​േഞ്ചാടെ തട്ടിക്കൊണ്ടുപോയത്. സംഘത്തിൽപെട്ട നാലു പേരെ പൊലീസ് അറസ്​റ്റ്​ ചെയ്തു.

ഹണിട്രാപ്പ് കേസുകളടക്കം നിരവധി കേസുകളിൽ പ്രതിയായ അന്തർ സംസ്ഥാന മോഷ്​ടാവ് പള്ളിക്കര മാസ്തികുണ്ട് സ്വദേശിയും ഇപ്പോൾ ചെറുവത്തൂർ മടക്കരയിൽ താമസക്കാരനുമായ കബീർ എന്ന ലാലാ കബീർ (37), ചെറുവത്തൂരിലെ സുഹൈൽ, വ്യാജഡോക്ടര്‍ കാഞ്ഞങ്ങാട് അംബുക്കയുടെ മകന്‍ കിച്ചു എന്ന റംഷീദ്, സഫ്വാൻ എന്നിവരെയാണ്​ പിടികൂടിയത്​. ഇവർ സഞ്ചരിച്ച മലപ്പുറം രജിസ്ട്രേഷൻ മാരുതി 800 കാറും കസ്​റ്റഡിയിലെടുത്തു.

സംഭവത്തെക്കുറിച്ച് പൊലീസ്​ പറയുന്നത് ഇങ്ങനെ: വെള്ളിയാഴ്ച വൈകീട്ട്​ അഞ്ചോടെ ചുവന്ന മാരുതി കാറിലാണ് അഞ്ചംഗസംഘം മെഹ്റുവി​‍െൻറ വീട്ടിലെത്തി ബലമായി കാറില്‍ കയറ്റിക്കൊണ്ടുപോയത്​. രണ്ടു മണിക്കൂർ കഴിഞ്ഞാണ് പൊലീസി​‍െൻറ ശ്രദ്ധയിൽപെട്ടത്.

ഉടൻ വിവരം ജില്ലയിലെ മുഴുവന്‍ പൊലീസ്​ സ്​റ്റേഷനുകളിലും അറിയിച്ചു. ചുവന്ന നിറത്തിലുള്ള മാരുതി 800 കാര്‍ എവിടെ കണ്ടാലും തടഞ്ഞുനിര്‍ത്തി പരിശോധിക്കാന്‍ ഡിവൈ.എസ്.പി നിര്‍ദേശം നല്‍കി. പൊലീസ്​ പരിശോധന തുടരുന്നതിനിടയിൽ മെഹ്‌റൂഫിനെയും കൊണ്ട് കരിവെള്ളൂർ, പയ്യന്നൂർ ഭാഗങ്ങളിൽ കറങ്ങിയ സംഘം അഞ്ച്​ ലക്ഷം രൂപ ആവശ്യപ്പെട്ട്​ മർദിച്ചു. ഒടുവിൽ അര ലക്ഷം രൂപ നല്‍കിയാൽ വിട്ടയക്കാമെന്ന്​ പറഞ്ഞു. പണമില്ലെന്നായിരുന്നു മെഹ്‌റൂഫി​‍െൻറ മറുപടി. ഇതിനിടയിൽ പൊലീസ്​ തങ്ങളെ തേടി ഇറങ്ങിയതായി മനസ്സിലാക്കിയ സംഘം അതിഞ്ഞാലിലെ മൻസൂർ ഹോസ്പിറ്റലിന് സമീപം മെഹ്‌റൂഫിനെ ഉപേക്ഷിച്ചു. അക്രമിസംഘത്തിലെ നാലുപേര്‍ ഓട്ടോയില്‍ കയറി സ്ഥലംവിട്ടു.

കാറുമായി ലാലാകബീർ കാസർകോട് ഉളിയത്തടുക്കയിലെ രഹസ്യകേന്ദ്രം ലക്ഷ്യമാക്കി നീങ്ങി. കാർ ബേക്കലിലെത്തിയപ്പോൾ ബേക്കൽ പൊലീസി​‍െൻറ വലയിൽ കുടുങ്ങി. ഷുബൈബ് കാഞ്ഞങ്ങാട് വെച്ചും പിടിയിലായി. റംഷീദ്, സഫ്വാൻ എന്നിവരെ ശനിയാഴ്ച്ച ഉച്ചയോടെ ചെറുത്തൂരിൽ അന്വേഷണ സംഘം പിടികൂടി. പ്രതികളെ വിശദമായി ചോദ്യം ചെയ്തു വരുകയാണ്. കാഞ്ഞങ്ങാട് ഡിവൈ.എസ്.പി ഡോ. വി. ബാലകൃഷ്ണ​‍െൻറ നേതൃത്വത്തിൽ ഹോസ്ദുർഗ് സ്​റ്റേഷനിലെ എസ്.ഐമാരായ കെ.പി. സതീശൻ, അരുൺ, ശ്രീജേഷ്, സിവിൽ പൊലീസ്​ ഉദ്യോഗസ്ഥരായ അബൂബക്കർ കല്ലായി, കമാൽ, പ്രഭോഷ് കുമാർ, സുമേഷ്, വിപിൻ എന്നിവരുടെ അന്വേഷണത്തിലാണ് പ്രതികളെ പെട്ടെന്ന് വലയിലാക്കാൻ സാധിച്ചത്.