ടാങ്കർ ലോറിയിലെത്തിച്ച മലിനജലം നടുറോഡിൽ ഒഴുക്കി

കാ​ഞ്ഞ​ങ്ങാ​ട്: കാ​ഞ്ഞ​ങ്ങാ​ട് റെ​യി​ൽ​വേ സ്റ്റേ​ഷ​ൻ റോ​ഡി​ൽ മ​ലി​നജ​ലം ഒ​ഴു​ക്കി​യ ടാ​ങ്ക​ർ ലോ​റി പി​ടി​യി​ൽ. ക​ഴി​ഞ്ഞ​ദി​വ​സം പു​ല​ർ​ച്ചെ​യാ​ണ് സം​ഭ​വം. ടാ​ങ്ക​ർ നി​റ​യെ മ​ലി​നജ​ല​മു​ണ്ടാ​യി​രു​ന്നു. അ​സ​ഹ്യ​മാ​യ ദു​ർ​ഗ​ന്ധം പ​ര​ത്തു​ന്ന ജ​ല​മാ​യി​രു​ന്നു ഇ​ത്. ന​ടു​റോ​ഡി​ൽ മാ​ലി​ന്യ​മൊ​ഴു​ക്കു​ന്ന​തി​നി​ട​യി​ൽ ഓ​ട്ടോ ഡ്രൈ​വ​ർ​മാ​ർ ഉ​ൾ​പ്പെടെ ചേ​ർ​ന്നാ​ണ് ടാ​ങ്ക​ർ ലോ​റി പി​ടി​കൂ​ടി​യ​ത്. പി​ന്നീ​ട് ഹോ​സ്ദു​ർ​ഗ് പൊ​ലീ​സി​ന് കൈ​മാ​റി.

ദു​ർ​ഗ​ന്ധം മൂ​ലം ഇ​തു​വ​ഴി സ​ഞ്ച​രി​ക്കാ​നാ​വാ​ത്ത അ​വ​സ്ഥ​യാ​യി. വ്യാ​പാ​രി​ക​ള​ട​ക്കം നേ​രം പു​ല​ർ​ന്ന​പ്പോ​ൾ പൊ​റു​തിമു​ട്ടി. കോ​ട്ട​ച്ചേ​രി ട്രാ​ഫി​ക് സ​ർ​ക്കി​ൾ വ​രെ ദു​ർ​ഗ​ന്ധം പ​ര​ന്ന​തോ​ടെ ഈ ​ഭാ​ഗ​ത്തെ ക​ച്ച​വ​ട​ക്കാ​രും പ്ര​തി​സ​ന്ധി​യി​ലാ​യി. ടാ​ങ്ക​ർ ക​സ്റ്റ​ഡി​യി​ലെ​ടു​ത്ത ശേ​ഷം ഡ്രൈ​വ​ർ​ക്കെ​തി​രെ ബോ​ധ​പൂ​ർ​വം പ​ക​ർ​ച്ച​വ്യാ​ധി​യു​ണ്ടാ​ക്കു​ന്ന രീ​തി​യി​ൽ പ്ര​വ​ർ​ത്തി​ച്ച​തി​ന് ഹോ​സ്ദു​ർ​ഗ് പൊ​ലീ​സ് കേ​സെ​ടു​ത്തു.

ഇ​തി​നു​ശേ​ഷം വാ​ഹ​ന ഉ​ട​മ​യെ വി​ളി​ച്ചു വ​രു​ത്തി റോ​ഡ​രി​കി​ൽ ത​ളം​കെ​ട്ടി​യ മ​ലി​നജ​ലം തി​രി​കെ​യെ​ടു​പ്പി​ച്ചു. ഇ​വ​രെ​ക്കൊ​ണ്ട് ത​ന്നെ മാ​ലി​ന്യ​മൊ​ഴു​കി​യ ഭാ​ഗ​ത്തെ റോ​ഡു മു​ഴു​വ​ൻ വെ​ള്ള​മ​ടി​ച്ച് ക​ഴു​കി വൃ​ത്തി​യാ​ക്കി​യ ശേ​ഷ​മാ​ണ് വി​ട്ട​യ​ച്ച​ത്.