യു​വ​തി​യു​ടെ മ​ര​ണം കൊ​ലപാതകം

കാ​ഞ്ഞ​ങ്ങാ​ട്: നോ​ർ​ത്ത് കോ​ട്ട​ച്ചേ​രി​യി​ലെ വാ​ട​ക ക്വാ​ർ​ട്ടേ​ഴ്സി​ൽ മ​രി​ച്ച​നി​ല​യി​ൽ ക​ണ്ടെ​ത്തി​യ യു​വ​തി​യു​ടെ മ​ര​ണം കൊ​ല​പാ​ത​കം. ക​ഴു​ത്ത​റു​ത്ത് കൊ​ന്ന​താ​ണെ​ന്ന് പോ​സ്റ്റ് മോ​ർ​ട്ടം റി​പ്പോ​ർ​ട്ട്. നെ​ല്ലി​ക്ക​ട്ട​യി​ലെ ഫാ​ത്തി​മ​ത്ത് സു​ഹ്റ​യു​ടെ (41) മ​ര​ണ​മാ​ണ് കൊ​ല​പാ​ത​ക​മെ​ന്ന് ക​ണ്ടെ​ത്തി​യ​ത്. ക​ഴു​ത്തി​ൽ ആ​ഴ​ത്തി​ലേ​റ്റ മു​റി​വാ​ണ് മ​ര​ണ​കാ​ര​ണ​മെ​ന്ന് ക​ണ്ണൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ന​ട​ത്തി​യ പോ​സ്റ്റ് മോ​ർ​ട്ട​ത്തി​ൽ വ്യ​ക്ത​മാ​യി. കൂ​ടെ താ​മ​സി​ച്ചി​രു​ന്ന ചെ​ങ്ക​ള റ​ഹ്മ​ത്ത് ന​ഗ​റി​ലെ ക​നി​യ​ടു​ക്കം ഹൗ​സി​ലെ അ​സൈ​നാ​റാ​ണ് കൊ​ല​ക്ക് പി​ന്നി​ലെ​ന്ന് ക​രു​തു​ന്നു. അ​സൈ​നാ​റി​നെ കാ​സ​ർ​കോ​ട്ടെ ലോ​ഡ്ജ് മു​റി​യി​ൽ തൂ​ങ്ങി​മ​രി​ച്ച നി​ല​യി​ലും ക​ണ്ടെ​ത്തി​യി​രു​ന്നു.

ചൊ​വ്വാ​ഴ്ച ഉ​ച്ച​യോ​ടെ​യാ​ണ് യു​വ​തി​യെ ക്വാ​ർ​ട്ടേ​ഴ്സി​ന​ക​ത്ത് മ​രി​ച്ച​നി​ല​യി​ൽ ക​ണ്ട​ത്. ഞാ​യ​റാ​ഴ്ച​യാ​ണ് ക​ഴു​ത്ത​റു​ത്ത​തെ​ന്നാ​ണ് സം​ശ​യം. കൃ​ത്യം നി​ർ​വ​ഹി​ച്ച​തി​നു​ശേ​ഷം അ​സൈ​നാ​ർ ക്വാ​ർ​ട്ടേ​ഴ്സി​ന്റെ വാ​തി​ൽ പൂ​ട്ടി സ്ഥ​ലം വി​ട്ട​താ​ണെ​ന്നും ക​രു​തു​ന്നു. യു​വ​തി​യെ കൊ​ല​പ്പെ​ടു​ത്താ​ൻ ഉ​പ​യോ​ഗി​ച്ച ആ​യു​ധ​ങ്ങ​ൾ ക​ണ്ടെ​ത്താ​ൻ പൊ​ലീ​സ് ക്വാ​ർ​ട്ടേ​ഴ്സി​ൽ പ​രി​ശോ​ധ​ന ന​ട​ത്തും. ക്വാ​ർ​ട്ടേ​ഴ്സ് പൂ​ട്ടി പൊ​ലീ​സ് സീ​ൽ ചെ​യ്തു. ഇ​ന്ന് ഇ​വി​ടെ പൊ​ലീ​സ് വി​ശ​ദ​മാ​യ പ​രി​ശോ​ധ​ന ന​ട​ത്തും. വീ​ട്ടാ​വ​ശ്യ​ത്തി​ന് ഉ​പ​യോ​ഗി​ക്കു​ന്ന ക​ത്തി ഉ​പ​യോ​ഗി​ച്ചാ​വാ​കാം കൊ​ല ന​ട​ത്തി​യ​തെ​ന്നാ​ണ് പൊ​ലീ​സ് നി​ഗ​മ​നം. വീ​ടി​ന്‍റെ ഹാ​ളി​ൽ സോ​ഫ​യി​ൽ കി​ട​ത്തി തു​ണി കൊ​ണ്ട് മൂ​ടി​യ​നി​ല​യി​ലാ​യി​രു​ന്നു അ​ഴു​കി​യ മൃ​ത​ദേ​ഹം ക​ണ്ട​ത്. ത​റ​യി​ൽ ര​ക്തം ഒ​ഴു​കി​യി​രു​ന്നു. നാ​ല് വ​ർ​ഷ​ത്തോ​ള​മാ​യി ഈ ​ക്വാ​ർ​ട്ടേ​ഴ്സി​ൽ ഇ​രു​വ​രും ഒ​രു​മി​ച്ച് താ​മ​സി​ച്ചി​രു​ന്നു. കൊ​ല​പാ​ത​ക​ത്തി​ലേ​ക്ക് ന​യി​ച്ച കാ​ര​ണം വ്യ​ക്ത​മാ​യി​ട്ടി​ല്ല. ഇ​ൻ​സ്പെ​ക്ട​ർ എം.​പി. ആ​സാ​ദി​ന്‍റെ നേ​തൃ​ത്വ​ത്തി​ൽ അ​ന്വേ​ഷ​ണം ന​ട​ക്കു​ന്നു.