റബർ തോട്ടത്തിൽ പുലിയെ കണ്ടതായി ടാപ്പിങ് തൊഴിലാളികൾ

കാഞ്ഞങ്ങാട്: മടിക്കൈ കാരക്കോട് പുലിയെ കണ്ടതായി വിവരം. കാനത്തിലെ റബർ തോട്ടത്തിൽ കഴിഞ്ഞ ദിവസം രാവിലെ റബർ ടാപ്പിങ് തൊഴിലാളികളാണ് പുലിയെ കണ്ടത്. തോട്ടത്തിന് സമീപത്തുകൂടി ഓടിപ്പോകുന്നതാണ് കണ്ടത്. ഇതോടെ പ്രദേശം ഭയപ്പാടിലായി.

രണ്ടുദിവസം മുമ്പ് ഏച്ചിക്കാനം മുത്തപ്പൻ തറയിലും പുലിയെ കണ്ടിരുന്നു. ഈ സാഹചര്യത്തിൽ പ്രദേശത്ത് പുലിസാന്നിധ്യമുണ്ടെന്നു തന്നെയാണ് നാട്ടുകാർ പറയുന്നത്. വനം വകുപ്പ് അധികൃതർ നടപടിയെടുക്കണമെന്നാണ് നാട്ടുകാരുടെ ആവശ്യം.