13 വ​യ​സ്സു​കാ​ര​നെ പീ​ഡി​പ്പി​ച്ച കേ​സ്; പ്ര​തി​ക്ക് എ​ട്ടു​വ​ർ​ഷം ക​ഠി​നത​ട​വും പി​ഴ​യും

കാ​ഞ്ഞ​ങ്ങാ​ട്: പ്രാ​യ​പൂ​ർ​ത്തി​യാ​കാ​ത്ത ആ​ൺ​കു​ട്ടി​യെ ലൈം​ഗി​ക​മാ​യി പീ​ഡി​പ്പി​ച്ച കേ​സി​ൽ പ്ര​തി​ക്ക് എ​ട്ടു​വ​ർ​ഷം ക​ഠി​ന ത​ട​വും 21,000 രൂ​പ പി​ഴ​യും ശി​ക്ഷ വി​ധി​ച്ച് ഹോ​സ്ദു​ർ​ഗ് പോ​ക്സോ കോ​ട​തി. പി​ഴ അ​ട​ച്ചി​ല്ലെ​ങ്കി​ൽ ഒ​രു​വ​ർ​ഷ​വും ഒ​രാ​ഴ്ച അ​ധി​ക ത​ട​വി​നും ശി​ക്ഷ വി​ധി​ച്ചു. കു​റ്റി​ക്കോ​ൽ വ​ള​വി​ൽ വ​ള്ളി വ​ള​പ്പി​ൽ പി. ​ബാ​ബു​വി​നെ​യാ​ണ് (61) ശി​ക്ഷി​ച്ച​ത്.

13 വ​യ​സ്സു​കാ​ര​നെ പീ​ഡി​പ്പി​ച്ച കേ​സി​ലാ​ണ് ശി​ക്ഷ. 2023 മാ​ർ​ച്ച് അ​ഞ്ചി​ന് ഉ​ച്ച​ക്ക് 2.30ന് ​മാ​താ​പി​താ​ക്ക​ൾ സ്ഥ​ല​ത്തെ​ത്തി​യി​ല്ലെ​ന്ന​റി​ഞ്ഞെ​ത്തി​യ ബാ​ബു കു​ട്ടി​യു​ടെ വീ​ടി​ന്റെ മു​റ്റ​ത്തു​വെ​ച്ച് ലൈം​ഗി​ക​മാ​യി ഉ​പ​ദ്ര​വി​ക്കു​ക​യും പി​ന്നീ​ടു​ള്ള ദി​വ​സ​ങ്ങ​ളി​ൽ കു​ട്ടി​യെ പി​ന്തു​ട​ർ​ന്ന് ശ​ല്യ​പ്പെ​ടു​ത്തു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്തു. ഹോ​സ്ദു​ർ​ഗ് ഫാ​സ്റ്റ് ട്രാ​ക്ക് സ്പെ​ഷ​ൽ കോ​ർ​ട്ട് ജ​ഡ്ജി പി.​എം. സു​രേ​ഷാ​ണ് തി​ങ്ക​ളാ​ഴ്ച ശി​ക്ഷ വി​ധി​ച്ച​ത്.

ബേ​ഡ​കം പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ അ​ന്വേ​ഷ​ണം ന​ട​ത്തി കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച​ത് അ​ന്ന​ത്തെ സ​ബ് ഇ​ൻ​സ്പെ​ക്ട​ർ എം. ​ഗം​ഗാ​ധ​ര​നാ​ണ്. പ്രോ​സി​ക്യൂ​ഷ​നു​വേ​ണ്ടി സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ എ. ​ഗം​ഗാ​ധ​ര​ൻ ഹാ​ജ​രാ​യി.