മ​ല​യോ​ര യാ​ത്ര​ക്ക് ചെ​ല​വ് കു​റ​യു​മെ​ന്ന് പ്രതീക്ഷ; ആ​ര്‍.​ടി.​എ യോ​​ഗം 19​ന്

കാ​ഞ്ഞ​ങ്ങാ​ട്: ആ​ര്‍.​ടി.​എ യോ​​ഗം 19​ന് ന​ട​ക്കാ​നി​രി​ക്കെ കൊ​ന്ന​ക്കാ​ട്, കാ​ലി​ച്ചാ​ന​ടു​ക്കം ഉ​ൾ​പ്പെ​ടെ മ​ല​യോ​ര​ ഗ്രാ​മ​ങ്ങ​ളി​ലേ​ക്കു​ള്ള ബ​സ് ചാ​ര്‍ജ് കു​റ​യു​മെ​ന്ന് പ്ര​തീ​ക്ഷ.

ക​ല​ക്ട​ര്‍ കെ. ​ഇ​മ്പ​ശേ​ഖ​റു​ടെ സാ​ന്നി​ധ്യ​ത്തി​ൽ ചേ​രു​ന്ന ആ​ര്‍.​ടി.​എ യോ​ഗം 91 അ​ജ​ണ്ട​ക​ളി​ൽ 79ാമ​താ​യാ​ണ് ഇ​ത് പ​രി​​ഗ​ണി​ക്കു​ന്ന​ത്. കാ​ഞ്ഞ​ങ്ങാ​ട്, മാ​വു​ങ്കാ​ൽ, ഒ​ട​യം​ചാ​ൽ, പ​ര​പ്പ, വെ​ള്ള​രി​ക്കു​ണ്ട്, കൊ​ന്ന​ക്കാ​ട് റൂ​ട്ടി​ലെ​യും ഏ​ഴാം​മൈ​ൽ, എ​ണ്ണ​പ്പാ​റ, താ​യ​ന്നൂ​ര്‍, കാ​ലി​ച്ചാ​ന​ടു​ക്കം റൂ​ട്ടി​ലെ​യും അ​ശാ​സ്ത്രീ​യ ഫെ​യ​ര്‍സ്റ്റേ​ജു​ക​ളാ​ണ് പ​രി​ഷ്ക​രി​ക്കു​ന്ന​ത്. ബ​സു​ട​മ​ക​ളു​ടെ ആ​വ​ശ്യ​പ്ര​കാ​രം പാ​ണ​ത്തൂ​ര്‍ റൂ​ട്ടി​ലെ സ്റ്റേ​ജും പു​നഃ​ക്ര​മീ​ക​രി​ക്കും. ഒ​രു​മാ​സ​ത്തി​ന​കം തീ​രു​മാ​നം പ്ര​സി​ദ്ധീ​ക​രി​ക്കും.

മ​ല​യോ​ര​ത്തേ​ക്കു​ള്ള സ്വ​കാ​ര്യ ബ​സു​ക​ളി​ൽ മാ​ത്രം കി​ഴ​ക്കും​ക​ര സ്റ്റേ​ജി​ന് പ​ണം വാ​ങ്ങു​ന്നെ​ന്നും 1974ൽ ​നി​ശ്ച​യി​ച്ച ഫെ​യ​ര്‍സ്റ്റേ​ജി​ൽ കി​ഴ​ക്കും​ക​ര ഇ​ല്ലെ​ന്നും ആ​രോ​പി​ച്ച് വി​വ​രാ​വ​കാ​ശ രേ​ഖ​ക​ൾ സ​ഹി​തം നാ​ട്ടു​കാ​ര്‍ മോ​ട്ടോ​ര്‍വാ​ഹ​ന വ​കു​പ്പി​ൽ പ​രാ​തി​പ്പെ​ട്ടി​രു​ന്നു. സെ​പ്റ്റം​ബ​റി​ൽ മോ​ട്ടോ​ര്‍ വാ​ഹ​ന​വ​കു​പ്പ് പി​ഴ​യീ​ടാ​ക്കാ​ൻ തു​ട​ങ്ങി. ഇ​തോ​ടെ ബ​സു​ട​മ​ക​ളു​ടെ സം​ഘ​ട​ന മോ​ട്ടോ​ര്‍ വാ​ഹ​ന​വ​കു​പ്പി​നെ സ​മീ​പി​ച്ച് ത​ൽ​ക്കാ​ലം നി​യ​മ​ന​ട​പ​ടി സ്വീ​ക​രി​ക്ക​രു​തെ​ന്നും ഫെ​യ​ര്‍സ്റ്റേ​ജ് അ​ള​ക്കും വ​രെ സാ​വ​കാ​ശം വേ​ണ​മെ​ന്നും ആ​വ​ശ്യ​പ്പെ​ട്ടു. തു​ട​ര്‍ന്ന് ഒ​ക്ടോ​ബ​ര്‍ നാ​ലി​ന് കാ​ഞ്ഞ​ങ്ങാ​ട് എം.​വി.​ഐ എം. ​വി​ജ​യ​ന്റെ നേ​തൃ​ത്വ​ത്തി​ൽ റൂ​ട്ടു​ക​ൾ അ​ള​ന്നു. ഇ​തി​ന്റെ റി​പ്പോ​ര്‍ട്ട് അ​ടി​സ്ഥാ​ന​മാ​ക്കി​യാ​ണ് ആ​ര്‍.​ടി.​എ ന​ട​പ​ടി സ്വീ​ക​രി​ക്കു​ക.

കാ​ഞ്ഞ​ങ്ങാ​ട്, കൊ​ന്ന​ക്കാ​ട് റൂ​ട്ടി​ൽ അ​ഞ്ചു​രൂ​പ​യു​ടെ കു​റ​വുണ്ടാ​കു​മെ​ന്നാ​ണ് ക​രു​തു​ന്ന​ത്. കാ​ലി​ച്ചാ​ന​ടു​ക്ക​ത്തു​നി​ന്ന് ഏ​ഴാം മൈ​ലി​ലേ​ക്കു​ള്ള യാ​ത്ര​ക്കാ​ര്‍ക്കും അ​ഞ്ചു​രൂ​പ​യു​ടെ കു​റ​വു​ണ്ടാ​കു​മെ​ന്ന് പ്ര​തീ​ക്ഷി​ക്കു​ന്നു. ഒ​ട​യം​ചാ​ൽ മു​ത​ൽ കാ​ഞ്ഞ​ങ്ങാ​ട് ഭാ​ഗ​ത്തേ​ക്കും ര​ണ്ട് രൂ​പ​യു​ടെ കു​റ​വു​വ​ന്നേ​ക്കും. നി​ല​വി​ൽ പാ​ണ​ത്തൂ​ര്‍, പേ​രി​യ, കൊ​ന്ന​ക്കാ​ട് റൂ​ട്ടു​ക​ളി​ലെ ചി​ല സ്വ​കാ​ര്യ ബ​സു​ക​ൾ കൂ​ടു​ത​ൽ ദൂ​രം സ​ഞ്ച​രി​ക്കു​ന്ന സ്ഥി​രം യാ​ത്ര​ക്കാ​ര്‍ക്ക് മാ​ത്ര​മാ​യി ടി​ക്ക​റ്റ് നി​ര​ക്കി​ൽ ഇ​ള​വു​ന​ൽ​കാ​റു​ണ്ട്. ഫെ​യ​ര്‍സ്റ്റേ​ജി​ലെ അ​ശാ​സ്ത്രീ​യ​ത മാ​റ്റി​യാ​ൽ ഈ ​റൂ​ട്ടു​ക​ളി​ൽ ചെ​റി​യ ദൂ​രം സ​ഞ്ച​രി​ക്കു​ന്ന​വ​രു​ടെ യാ​ത്ര​ാച്ചെ​ല​വും കു​റ​യും.