ജനവികാരത്തെ ഒപ്പം നിർത്താൻ ഉണ്ണിത്താൻ എം.പിയുടെ നിരാഹാരം

കാഞ്ഞങ്ങാട്​: മട്ടന്നൂരിലെ യൂത്ത്​ കോൺഗ്രസ്​ നേതാവ്​ ​ഷുഹൈബി​െൻറ കൊലപാതക കേസ്​ സി.ബി.ഐ അന്വേഷിക്കണമെന്നാവശ്യപ്പെട്ട്​ കെ. സുധാകരൻ നടത്തിയ അനിശ്ചിതകാല സത്യഗ്രഹസമരം വൻ വിജയമായ പശ്ചാത്തലം കണക്കിലെടുത്ത്,​ കാസർകോട്​ ജില്ലയുടെ നീറുന്ന ആരോഗ്യപ്രശ്​നം ഉയർത്തിക്കാട്ടി രാജ്​മോഹൻ ഉണ്ണിത്താൻ എം.പിയുടെ നിരാഹാരസമര പ്രഖ്യാപനം ജനവികാരത്തെ ഒപ്പം നിർത്താൻ.

ചട്ടഞ്ചാലിനടുത്ത്​ തെക്കിൽ ഗ്രാമത്തിൽ ടാറ്റ നിർമിച്ചുനൽകിയ ടാറ്റ കോവിഡ്​ ആശുപത്രിയെ നോക്കുകുത്തിയാക്കി ചെമ്മട്ടംവയലിലെ ജില്ല ആശുപത്രി കോവിഡ്​ ആശുപത്രിയാക്കി മാറ്റിയതോടെ ജില്ലയിലെ ഭൂരിഭാഗം ആളുകളും ഈ വിഷയത്തിൽ പ്രതിഷേധവുമായി രംഗത്തെത്തിയ സാഹചര്യത്തിലാണ്​ കോവിഡ്​ ആശുപത്രി ഉടൻ ആരംഭിക്കണമെന്നാവശ്യപ്പെട്ട്​ രാജ്​മോഹൻ ഉണ്ണിത്താൻ എം.പി മരണം വരെ നിരാഹാര സമരം പ്രഖ്യാപിച്ചിട്ടുള്ളത്​. നവംബർ ഒന്നിന്​ കേരളപ്പിറവി ദിനത്തിൽ നിരാഹാരസമരം ആരംഭിക്കുമെന്നാണ്​ പ്രഖ്യാപനം.

നിരാഹാര സമരം വൻ വിജയമാക്കാനുള്ള ഒരുക്കങ്ങളും കോൺഗ്രസ്​ നേതൃത്വത്തിൽ നടക്കുന്നുണ്ട്​. കെ.പി.സി.സി നേതൃനിരയിലേക്ക്​ ജില്ലയിൽ നിന്ന്​ പുതുതായി വന്ന സെക്രട്ടറിമാരായ സി. ബാലകൃഷ്​ണൻ പെരിയയുടെയും എം. അസിനാറി​െൻറയും ഡി.സി.സി സെക്രട്ടറി വിനോദ്​കുമാർ പള്ളയിൽവീടി​െൻറയും നേതൃത്വത്തിലാണ്​ സമരപരിപാടികളുടെ ആസൂത്രണം നടക്കുന്നത്​. കല്യോട്ട്​ കൊലപാതക കേസ്​ സി.ബി.ഐ അ​ന്വേഷണമാവശ്യപ്പെട്ടും രാജ്​മോഹൻ ഉണ്ണിത്താൻ എം.പി നിരാഹാരസമരം നടത്തിയിരുന്നു.

കല്യോ​ട്ടെ പൊതുസമുഹത്തി​െൻറയാകെ പിന്തുണ ലഭിച്ച സമരം വിജയമായിരുന്നു. നിരാഹാര സമരം പ്രഖ്യാപിച്ച സാഹചര്യത്തിൽ സർക്കാർ കോവിഡ്​ ആശുപത്രി പ്രവർത്തനസജ്ജമാക്കിയാൽ അതും ഉണ്ണിത്താ​െൻറ പേരിലാവു​ം. എം.പിയുടെ നിശ്ചയദാർഢ്യത്തോടെയുള്ള പ്രവർത്തനമാണ്​ നിർജീവമായ കോവിഡ്​ ആശുപത്രിക്ക്​ ജീവ​ൻ വെപ്പിച്ചതെന്ന പ്രചാരണവും യു.ഡി.എഫ്​ തദ്ദേശ സ്വയംഭരണ തെരഞ്ഞെടുപ്പിൽ ഉയർത്തിക്കൊണ്ടുവരും.

മരണംവരെ നിരാഹാര സമരം- ഉണ്ണിത്താൻ എം.പി

കാഞ്ഞങ്ങാട്: തെക്കിൽ ഗ്രാമത്തിൽ നിർമിച്ച ടാറ്റ ആശുപത്രി പ്രവർത്തനക്ഷമമാക്കണമെന്നാവശ്യപ്പെട്ട് മരണംവരെ നിരാഹാര സമരം നടത്തുമെന്ന് രാജ്മോഹൻ ഉണ്ണിത്താൻ എം.പി പ്രഖ്യാപിച്ചു.

കാഞ്ഞങ്ങാട് മാന്തോപ്പ് മൈതാനിയിൽ കേരളപ്പിറവി ദിനമായ നവംബർ ഒന്നു മുതൽ സമരം തുടങ്ങുമെന്ന്​ എം.പി കാഞ്ഞങ്ങാട്ട്​​ വാർത്തസ​മ്മേളനത്തിൽ അറിയിച്ചു. രാവിലെ 10 മണിക്ക് മുൻ മുഖ്യമന്ത്രി ഉമ്മൻ ചാണ്ടി ഓൺലൈൻ വഴി സമരം ഉദ്ഘാടനം ചെയ്യും.

കാസർകോടി​െൻറ ആരോഗ്യ മേഖലയിലേക്ക് സർക്കാർ ശ്രദ്ധ പതിയാൻ വേണ്ടി ജീവൻ ബലിദാനം ചെയ്യും. കെ.പി.സി.സി സെക്രട്ടറിമാരായ എം. അസിനാർ, സി.ബാലകൃഷ്ണൻ പെരിയ, ഡി.സി.സി ജനറൽ സെക്രട്ടറി വിനോദ് കുമാർ പള്ളയിൽവീട് എന്നിവരും വാർത്തസമ്മേളനത്തിൽ സംബന്ധിച്ചു.