കാഞ്ഞങ്ങാട്ട്​ പുതുവർഷത്തിൽ 'പേ പാർക്കിങ്' സംവിധാനം

കാ​ഞ്ഞ​ങ്ങാ​ട്: ന​ഗ​ര​ത്തി​ലെ ഗ​താ​ഗ​ത സം​വി​ധാ​ന പ​രി​ഷ്‌​കാ​രം വേ​ഗ​ത്തി​ലാ​ക്കു​മെ​ന്നും ജ​നു​വ​രി ആ​ദ്യം പേ ​പാ​ർ​ക്കി​ങ് സി​സ്​​റ്റം പ്രാ​ബ​ല്യ​ത്തി​ൽ വ​രു​മെ​ന്നും ന​ഗ​ര​സ​ഭ ചെ​യ​ർ​പേ​ഴ്സ​ൻ കെ. ​സു​ജാ​ത. ന​ഗ​ര​ത്തി​ലെ പാ​ർ​ക്കി​ങ് പ്രശ്​നങ്ങളെ കു​റി​ച്ച് നേ​ര​ത്തേ 'മാ​ധ്യ​മം' വാ​ർ​ത്ത ന​ൽ​കി​യി​രു​ന്നു.

പാ​ർ​ക്കി​ങ്ങി​നാ​യി സ്വ​കാ​ര്യ സ്ഥ​ല​ങ്ങ​ൾ അ​ന്വേ​ഷി​ക്കു​ക​യാ​ണ്. വ്യ​ക്തി​ക​ൾ സ്ഥ​ലം ത​രാ​ൻ മ​ടി കാ​ണി​ക്കു​ന്നു​വെ​ങ്കി​ലും അ​വ​രോ​ട്​ സം​സാ​രി​ച്ചു​കൊ​ണ്ടി​രി​ക്കു​ക​യാ​ണ്.ഗ​താ​ഗ​ത പ​രി​ഷ്ക​ര​ണ​ത്തി​ന്​ മു​ന്നോ​ടി​യാ​യി ന​ഗ​ര​ത്തി​ൽ ഏ​ർ​പ്പെ​ടു​ത്തേ​ണ്ടു​ന്ന സം​വി​ധാ​ന​ങ്ങ​ൾ വേ​ഗ​ത്തി​ലാ​ക്കാ​ൻ ട്രാ​ഫി​ക് റെ​ഗു​ലേ​റ്റ​റി ക​മ്മി​റ്റി​യു​ടെ സ​ബ് ക​മ്മി​റ്റി​യോ​ട് സൂ​ചി​പ്പി​ച്ച​താ​യും ചെ​യ​ർ​പേ​ഴ്സ​ൻ വ്യ​ക്ത​മാ​ക്കി.

നി​ല​വി​ൽ ന​ഗ​ര​ത്തി​ൽ പാ​ർ​ക്കി​ങി​ന് ഒ​രു സ്ഥ​ലം പോ​ലു​മി​ല്ലാ​ത്ത അ​വ​സ്ഥ​യാ​ണ്. തി​ര​ക്കു​ള്ള നേ​ര​ങ്ങ​ളി​ൽ കാ​ഞ്ഞ​ങ്ങാ​ട് റെ​യി​ൽ​വേ സ്​​റ്റേ​ഷ​നി​ലേ​ക്ക് എ​ത്തി​പ്പെ​ടു​ന്ന യാ​ത്ര​ക്കാ​ർ​ക്ക് പെ​രു​വ​ഴി ശ​ര​ണം. ടൗ​ണി​നു​ള്ളി​ൽ പാ​ർ​ക്കി​ങ് സ്ഥ​ല​മി​ല്ലാ​ത്ത​വ​ർ സ്​​റ്റേ​ഷ​ൻ റോ​ഡി​ന് ഇ​രു​വ​ശ​ത്തു​മാ​ണ്​ പാ​ർ​ക്ക് ചെ​യ്യു​ന്ന​ത്. രാ​വി​ലെ പാ​ർ​ക്ക് ചെ​യ്താ​ൽ രാ​ത്രി​യാ​ണ് പി​ന്നീ​ട് വാ​ഹ​ന​മെ​ടു​ക്കു​ക. റെ​യി​ൽ​വേ​യു​ടെ കൈ​വ​ശം ഏ​റെ സ്ഥ​ല​മു​ണ്ടാ​യി​ട്ടും പാ​ർ​ക്കി​ങ്ങി​ന് കൂ​ടു​ത​ൽ സൗ​ക​ര്യം ഒ​രു​ക്കാ​ത്ത​താ​ണ് പ്ര​തി​സ​ന്ധി സൃ​ഷ്​​ടി​ക്കു​ന്ന​ത്.

പു​തി​യ​കോ​ട്ട മു​ത​ല്‍ നോ​ര്‍ത്ത് കോ​ട്ട​ച്ചേ​രി വ​രെ റോ​ഡി​ന് ഇ​രു​വ​ശ​ങ്ങ​ളി​ലും പാ​ര്‍ക്കി​ങ്​ ഏ​രി​യ​ക​ള്‍ ക​ണ്ടെ​ത്തു​മെ​ന്ന് അ​ധി​കൃ​ത​ർ പ​റ​ഞ്ഞി​രു​ന്നു​​വെ​ങ്കി​ലും ന​ട​ന്നി​ല്ല. പാ​ര്‍ക്കി​ങ്​ ഏ​രി​യ​ക​ളി​ല്‍ ന​ട​ക്കു​ന്ന നി​യ​മ​ലം​ഘ​ന​ങ്ങ​ള്‍ പ​രി​ശോ​ധി​ക്കാ​ൻ ഉ​ത്സാ​ഹം കാ​ണി​ക്കു​ന്ന അ​ധി​കൃ​ത​ർ​ക്ക്​ സ്വ​കാ​ര്യ പാ​ര്‍ക്കി​ങ്​ ഏ​രി​യ​ക​ള്‍ ഇ​തു​വ​രെ ക​ണ്ടെ​ത്താ​നാ​യി​ട്ടു​മി​ല്ല.