ഫ​ണ്ടി​ല്ല; ഭ​ക്ഷ​ണ ചെ​ല​വി​ന് സ്വ​ന്തം പ​ണ​മെ​ടു​ത്ത് അം​ഗ​ൻ​വാ​ടി ജീ​വ​ന​ക്കാ​ർ

കാ​ഞ്ഞ​ങ്ങാ​ട്: ന​ഗ​ര​സ​ഭ​യി​ലെ അം​ഗ​ൻ​വാ​ടി​ക​ളി​ലേ​ക്കു​ള്ള ഫ​ണ്ട് മു​ട​ങ്ങി​യി​ട്ട് നാ​ലു​മാ​സം. കാ​ഞ്ഞ​ങ്ങാ​ട് ന​ഗ​ര​സ​ഭ​യി​ലെ 53 അം​ഗ​ൻ​വാ​ടി​ക​ളി​ലെ കു​ട്ടി​ക​ൾ​ക്ക് ഭ​ക്ഷ​ണ ചെ​ല​വി​നു​ള്ള പ​ണ​മാ​ണ് മു​ട​ങ്ങി​യ​ത്.

ജീ​വ​ന​ക്കാ​ർ സ്വ​ന്ത​മാ​യി പ​ണ​മെ​ടു​ത്താ​ണ് ദൈ​നം​ദി​ന ചെ​ല​വി​നു​ള്ള തു​ക ക​ണ്ടെ​ത്തു​ന്ന​ത്. ഇ​ത് ജീ​വ​ന​ക്കാ​രെ ക​ടു​ത്ത പ്ര​തി​സ​ന്ധി​യി​ലാ​ക്കി​യി​രി​ക്കു​ന്നു.

അം​ഗ​ൻ​വാ​ടി​ക​ളി​ൽ പാ​ൽ, മു​ട്ട, പാ​ച​ക വാതകം, മു​ള​ക്, ക​ടു​ക്, വെ​ളി​ച്ചെ​ണ്ണ തു​ട​ങ്ങി​യ​വ വാ​ങ്ങാ​നു​ള്ള പ​ണ​മാ​ണ് നാ​ലു​മാ​സ​മാ​യി ല​ഭി​ക്കാ​ത്ത​ത്. മാ​ർ​ച്ചു​മു​ത​ൽ പ​ണം ന​ൽ​കി​യി​ട്ടി​ല്ലെ​ന്നാ​ണ് ജീ​വ​ന​ക്കാ​ർ പ​റ​യു​ന്ന​ത്. ചെ​റി​യ ശ​മ്പ​ളം ല​ഭി​ക്കു​ന്ന ജീ​വ​ന​ക്കാ​ർ ഇ​പ്പോ​ൾ പ​ണം സ്വ​ന്ത​മാ​യെ​ടു​ത്താ​ണ് സാ​ധ​ന​സാ​മ​ഗ്രി​ക​ൾ വാ​ങ്ങു​ന്ന​ത്.

സാ​ധാ​ര​ണ​യാ​യി ക​ട​ക​ളി​ൽ​നി​ന്ന് സാ​ധ​ന​ങ്ങ​ൾ ക​ടം വാ​ങ്ങു​ക​യാ​ണ് പ​തി​വ്. മാ​സാ​വ​സാ​നം ബി​ല്ല് പാ​സാ​യി വ​രു​മ്പോ​ഴാ​ണ് ഇ​വ ന​ൽ​കു​ന്ന​ത്. എ​ന്നാ​ൽ ഫണ്ട് പാ​സാ​കാ​ത്ത​തി​നാ​ൽ ക​ട​ക​ളി​ൽ​നി​ന്ന് ക​ടം ല​ഭി​ക്കു​ന്ന​ത് നി​ല​ച്ചു. ഇ​തോ​ടെ​യാ​ണ് സ്വ​ന്ത​മാ​യി ക​ണ്ടെ​ത്തേ​ണ്ട സ്ഥി​തി വ​ന്ന​ത്.

ഇനി അ​തും സാ​ധി​ക്കാ​ത്ത സ്ഥി​തി​യാ​ണെ​ന്ന് ജീ​വ​ന​ക്കാ​ർ പ​റ​ഞ്ഞു. അം​ഗ​ൻ​വാ​ടി​ക​ളി​ലെ​ത്തു​ന്ന കു​ട്ടി​ക​ളെ പ​ട്ടി​ണി​ക്കി​ടാ​ൻ മ​ന​സ്സനു​വ​ദി​ക്കാ​ത്ത​തി​നാ​ൽ വീ​ട്ടി​ലെ ചെ​ല​വു​പോ​ലും നോ​ക്കാ​തെ​ ഇ​വ​ർ പ​ണം മു​ട​ക്കു​ന്ന​ത്. ന​ഗ​ര​സ​ഭ​യോ​ട് പ്ര​ശ്നം അ​വ​ത​രി​പ്പി​ച്ചി​ട്ടും പ്ര​യോ​ച​ന​മു​ണ്ടാ​യി​ല്ല.

രേ​ഖാ​മൂ​ലം ആ​വ​ശ്യ​പ്പെ​ട്ടി​ട്ടും പ​ണം അ​നു​വ​ദി​ച്ചു​ന​ൽ​കാ​ൻ ബ​ന്ധ​പ്പെ​ട്ട​വ​ർ ത​യാ​റാ​യി​ല്ലെ​ന്ന് ജീ​വ​ന​ക്കാ​ർ പ​റ​ഞ്ഞു.