ഇശാന് കൈത്താങ്ങായി കൊളവയൽ കൂട്ടായ്മയും അമ്പലക്കമ്മിറ്റിയും

കാഞ്ഞങ്ങാട്: ഒന്നാം വയസ്സ് തികയുന്നതിന് മുമ്പേ അച്ഛനെ നഷ്​ടപ്പെട്ട ഇശാന് കൈത്താങ്ങായി കൊളവയൽ കൂട്ടായ്മയും കൊളവയൽ അടിമയിൽ ശ്രീ ശാക്തേയ ദേവീക്ഷേത്ര കമ്മിറ്റിയും.

സ്വാതന്ത്ര്യദിനത്തിലാണ് ഇശാ​െൻറ കുടുംബത്തിന്ന് ഒരു ലക്ഷം രൂപയുടെ ധനസഹായം കൈമാറിയത്. കഴിഞ്ഞ സെപ്റ്റംബറിലാണ് പിതാവ് കരുണാകരൻ പുതിയ കോട്ട നഗരത്തിൽ കുഴഞ്ഞ് വീണു മരിച്ചത്. സോഡയും മറ്റു ശീതള പാനീയങ്ങളുമുണ്ടാക്കി വിൽക്കലായിരുന്നു കരുണാകര‍െൻറ ജോലി.

പാവപ്പെട്ട കരുണാ​കര‍െൻറ കുടുംബത്തെ നെഞ്ചോട് ചേർത്തുവെക്കുമെന്നും എല്ലാ സ്വാതന്ത്ര്യദിനത്തിലും മത സൗഹാർദ സദസ്സുകൾ നടത്തുമെന്നും കൊളവയൽ കൂട്ടായ്മ ഭാരവാഹികളും അമ്പലക്കമ്മിറ്റി പ്രതിനിധികളും വ്യക്തമാക്കി. കൊളവയൽ ജമാഅത്ത് പ്രസിഡൻറ്​ ബി. മുഹമ്മദ് കുഞ്ഞി ഹാജി കുടുംബത്തിന് ധനസഹായം കൈമാറി. സംയുക്ത ജമാഅത്ത് വൈസ് പ്രസിഡൻറ്​ സുറൂർ മൊയ്തു ഹാജി അധ്യക്ഷത വഹിച്ചു. കൊളവയൽ മഹല്ല് സെക്രട്ടറി അഷ്റഫ് കൊളവയൽ, ഹംസ കൊളവയൽ, ഉസ്മാൻ ഖലീജ്, ഹമീദ് കട്ടിക്കാടത്ത്,അമ്പലക്കമ്മിറ്റി ഭാരവാഹികളായ മോഹനൻ, കൊട്ടൻ കുഞ്ഞി, എന്നിവർ സംസാരിച്ചു. കോരൻ കൊളവയൽ, കെ.വി. ഹാരിസ്, അബ്​ദുറഹിം, കെ.വി. ജലീൽ, രാമചന്ദ്രൻ, രാഘവൻ, കൃപേഷ് അൻവർ ഉംറൂസ്, മുഹമ്മദ് ഷെരീഫ്, മുനീർ എന്നിവർ സംസാരിച്ചു. റഫീക്ക് സ്വാഗതം പറഞ്ഞു.