തോട്ട ഉപയോഗിച്ച് മീൻപിടിച്ച നാലുപേർ അറസ്റ്റിൽ; പിടിച്ചവയിൽ മി​സ് കേ​ര​ളയും

കാ​ഞ്ഞ​ങ്ങാ​ട്: വം​ശ​നാ​ശ​ഭീ​ഷ​ണി നേ​രി​ടു​ന്ന മി​സ് കേ​ര​ള എന്നറിയപ്പെടുന്ന മ​ത്സ്യ​ത്തെ ഉ​ൾ​പ്പെ​ടെ തോ​ട്ട ഉ​പ​യോ​ഗി​ച്ച് പി​ടി​ച്ച നാ​ലു​പേ​രെ വ​ന​പാ​ല​ക​ർ അ​റ​സ്റ്റ് ചെ​യ്തു. പ്ര​തി​ക​ളെ ഹോ​സ്ദു​ർ​ഗ് മ​ജി​സ്ട്രേ​റ്റ് കോ​ട​തി റി​മാ​ൻ​ഡ് ചെ​യ്തു. പ​ന​ത്ത​ടി ഫോ​റ​സ്റ്റ് സെ​ക്ഷ​നി​ലെ പാ​ണ​ത്തൂ​ർ മ​ഞ്ഞ​ടു​ക്കം പു​ഴ​യി​ൽ അ​ന​ധി​കൃ​ത​മാ​യി ക​ട​ന്നാ​ണ് വം​ശ​നാ​ശ​ഭീ​ഷ​ണി നേ​രി​ടു​ന്ന പ​ട്ടി​ക​യി​ൽ ഉ​ൾ​പ്പെ​ട്ട മി​സ് കേ​ര​ള എ​ന്ന​റി​യ​പ്പെ​ടു​ന്ന മീ​ൻ ഉ​ൾ​പ്പെ​ടെ പ​ല​ത​രം പു​ഴ​മീ​നു​ക​ളെ പി​ടി​ച്ച​ത്.

തോ​ട്ട ഉ​പ​യോ​ഗി​ച്ചാ​യി​രു​ന്നു മീ​ൻ​പി​ടി​ത്തം. ഭ​ക്ഷ്യ ആ​വ​ശ്യ​ത്തി​നു​വേ​ണ്ടി കൊ​ല്ലു​ക​യും പ​രി​സ്ഥി​തി​ക്കും വ​ന്യ​മൃ​ഗ​ങ്ങ​ൾ​ക്കും ദോ​ഷ​ക​ര​മാ​യ​വി​ധം സ്ഫോ​ട​ക​വ​സ്തു​വാ​യ തോ​ട്ട ഉ​പ​യോ​ഗി​ക്കു​ക​യും ചെ​യ്ത​താ​യി പ്ര​തി​ക​ൾ​ക്കെ​തി​രെ കു​റ്റം​ചു​മ​ത്തി. പാ​ണ​ത്തൂ​ർ ക​രി​ക്കെ തോ​ട്ട​ത്തി​ൽ താ​മ​സി​ക്കു​ന്ന യൂ​ന​സ് (36), നി​യാ​സ് (29), പാ​ണ​ത്തൂ​ർ പ​രി​യാ​ര​ത്തെ സ​തീ​ഷ്, ബാ​പ്പു​ങ്ക​യ​ത്തെ അ​നീ​ഷ് (38) എ​ന്നി​വ​രെ​യാ​ണ് അ​റ​സ്റ്റ് ചെ​യ്ത​ത്. പ​ന​ത്ത​ടി ഫോ​റ​സ്റ്റ് സെ​ക്ഷ​ൻ സ്റ്റാ​ഫ് ബീ​റ്റ് സ​ന്ദ​ർ​ശ​ന​ത്തി​നി​ടെ​യാ​ണ് പ്ര​തി​ക​ൾ പി​ടി​യി​ലാ​യ​ത്.

കാ​ഞ്ഞ​ങ്ങാ​ട് റേ​ഞ്ച് ഓ​ഫി​സി​ലാ​ണ് കേ​സ് ര​ജി​സ്റ്റ​ർ ചെ​യ്ത​ത്. 13 മ​ത്സ്യ​ങ്ങ​ളെ ക​ണ്ടെ​ത്തി​യി​ട്ടു​ണ്ട്. പ​ന​ത്ത​ടി സെ​ക്ഷ​ൻ ഫോ​റ​സ്റ്റ് ഓ​ഫി​സ​ർ ബി. ​സേ​സ​പ്പ, ബീ​റ്റ് ഓ​ഫി​സ​ർ​മാ​രാ​യ വി.​വി. വി​നീ​ത്, ജി.​എ​ഫ്. പ്ര​വീ​ൺ കു​മാ​ർ, എം.​എ​സ്. സു​രേ​ഷ് കു​മാ​ർ എ​ന്നി​വ​ർ ചേ​ർ​ന്നാ​ണ് പ്ര​തി​ക​ളെ പി​ടി​കൂ​ടി​യ​ത്. ക​ഴി​ഞ്ഞ​ദി​വ​സം ഉ​ച്ച​ക്കാ​ണ് സം​ഭ​വം.