കുട്ടികൾക്കിത്​ കളിപ്പാട്ടം; ഫാത്തിമക്ക്​ ജീവിതവും

കാ​ഞ്ഞ​ങ്ങാ​ട്: ക​ളി​യാ​ട്ട​ത്തി​നും ഉ​ത്സ​വ​ങ്ങ​ൾ​ക്കാ​യും ഇ​റ​ക്കി​യ ക​ളി​പ്പാ​ട്ട​ങ്ങ​ൾ പൊ​ടി​പി​ടി​ച്ചു കി​ട​ക്കാ​ൻ തു​ട​ങ്ങി​യ​തോ​ടെ ക​ട​ക്കെ​ണി​യി​ലാ​യി ഫാ​ത്തി​മ.

നി​റം മ​ങ്ങി പൊ​ടി​ഞ്ഞ് ഇ​ല്ലാ​താ​വു​ക​യാ​ണ്​ ക​ളി​പ്പാ​ട്ട​ങ്ങ​ൾ. ചെ​റു​വ​ത്തൂ​ർ സ്വ​ദേ​ശി​നി ഫാ​ത്തി​മ​ക്കു​ മു​ന്നി​ൽ കോ​വി​ഡ്​ കാ​ലം സൃ​ഷ്​​ടി​ച്ച​ത്​ സ​മാ​ന​ത​ക​ളി​ല്ലാ​ത്ത പ്ര​തി​സ​ന്ധി​യാ​ണ്. എ​ല്ലാ മേ​ഖ​ല​യി​ലും സ​ർ​ക്കാ​ർ ഇ​ള​വു​ക​ൾ പ്ര​ഖ്യാ​പി​ച്ചു​വെ​ങ്കി​ലും ഉ​ത്സ​വ​പ്പ​റ​മ്പി​ലെ ക​ച്ച​വ​ട​ക്കാ​ർ​ക്ക് ക​ച്ച​വ​ടം ചെ​യ്യാ​നു​ള്ള ഇ​ള​വു​ക​ൾ ല​ഭി​ച്ച​ത് അ​ടു​ത്തി​ടെ​യാ​ണ്.

ചി​ല​തൊ​ക്കെ ഒ​ന്ന​ര വ​ർ​ഷം ക​ഴി​ഞ്ഞി​ട്ടും ഉ​ത്സ​വ​പ്പ​റ​മ്പി​ൽ​ത​ന്നെ കെ​ട്ടി​ക്കി​ട​ക്കു​ന്ന അ​വ​സ്ഥ​യാ​ണ്. സാ​ധ​ന​ങ്ങ​ളെ​ല്ലാം 90ശ​ത​മാ​ന​വും പൊ​ടി​പി​ടി​ച്ച് ഇ​ല്ലാ​താ​യി. ജി​വി​തം ഇ​നി എ​ങ്ങ​നെ മു​ന്നോ​ട്ട് കൊ​ണ്ടു​പോ​കു​മെ​ന്ന​റി​യി​ല്ലെ​ന്നും ഫാ​ത്തി​മ വേ​ദ​ന​യോ​ടെ പ​റ​യു​ന്നു.

കോ​വി​ഡ് മ​ഹാ​മാ​രി നി​മി​ത്തം കേ​ര​ള​ത്തി​ലെ ആ​യി​ര​ക്ക​ണ​ക്കി​ന് ഉ​ത്സ​വ​ക്ക​ച്ച​വ​ട​ക്കാ​രും അ​വ​രു​ടെ കു​ടും​ബ​ങ്ങ​ളും നി​ത്യ​ദു​രി​ത​ത്തി​ലാ​ണ്. ഫോ​ൺ വി​ളി​ക​ൾ വ​ന്നു​കൊ​ണ്ടേ​യി​രി​ക്കു​ന്നു. വാ​യ്പ ന​ൽ​കി​യ​വ​ർ പ​ണം തി​രി​കെ ചോ​ദി​ച്ചാ​ണ്​ വി​ളി​ക്കു​ന്ന​ത്. ബാ​ങ്കി​ൽ​നി​ന്ന് ക​ട​മെ​ടു​ത്ത​വ​രും ധാ​രാ​ള​മു​ണ്ട്.