Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightKanhangadchevron_rightമയക്കുമരുന്ന്​...

മയക്കുമരുന്ന്​ പരാമർശം: നിര്‍മാതാവ് എം. രഞ്ജിത്തിനെതിരെ സംവിധായകൻ സുധീഷ് ഗോപിനാഥ്

text_fields
bookmark_border
drugs controversy
cancel
camera_alt

സു​ധീ​ഷ്, ര​ഞ്ജി​ത്ത്

കാ​ഞ്ഞ​ങ്ങാ​ട്: സി​നി​മ​ക​ളു​ടെ ഷൂ​ട്ടി​ങ്​ ഇ​പ്പോ​ൾ കാ​സ​ർ​കോ​ട് ഭാ​ഗ​ത്ത് കൂ​ടു​ത​ലാ​യി ന​ട​ക്കാ​ന്‍ കാ​ര​ണം മ​യ​ക്കു​മ​രു​ന്നി​ന്‍റെ ല​ഭ്യ​ത​യാ​ണെ​ന്ന നി​ര്‍മാ​താ​വ് എം. ​ര​ഞ്ജി​ത്തി​ന്‍റെ വി​വാ​ദ പ​രാ​മ​ര്‍ശ​ത്തി​നെ​തി​രെ വി​മ​ര്‍ശ​ന​വു​മാ​യി സി​നി​മ സം​വി​ധാ​യ​ക​ര്‍. ‘മ​ദ​നോ​ത്സ​വം’ സി​നി​മ സം​വി​ധാ​യ​ക​നും കാ​ഞ്ഞ​ങ്ങാ​ട് രാ​വ​ണീ​ശ്വ​രം സ്വ​ദേ​ശി​യു​മാ​യ സു​ധീ​ഷ് ഗോ​പി​നാ​ഥാ​ണ് ര​ഞ്ജി​ത്തി​നെ​തി​രെ ശ​ക്ത​മാ​യ വി​മ​ര്‍ശ​ന​വു​മാ​യി രം​ഗ​ത്തെ​ത്തി​യ​ത്.

കാ​സ​ര്‍കോ​ട്ടേ​ക്ക് സി​നി​മ വ​ന്ന​ത് മ​യ​ക്കു​മ​രു​ന്ന് മോ​ഹി​ച്ച​ല്ലെ​ന്നും ഈ ​ഭൂ​മി​ക​യു​ടെ സൗ​ന്ദ​ര്യം​കൊ​ണ്ടും സി​നി​മ നെ​ഞ്ചേ​റ്റി​യ​വ​രു​ടെ ധൈ​ര്യ​വും ആ​വേ​ശ​വും കൊ​ണ്ടു​മാ​ണെ​ന്നും സു​ധീ​ഷ് പ​റ​യു​ന്നു. അ​ധി​കം പ​ക​ര്‍ത്ത​പ്പെ​ടാ​ത്ത കാ​സ​ര്‍കോ​ടി​ന്‍റെ ഉ​ള്‍നാ​ടു​ക​ളു​ടെ ദൃ​ശ്യ​ഭം​ഗി​യും ജ​ന​ങ്ങ​ളു​ടെ സ​ഹ​ക​ര​ണ​വു​മൊ​ക്കെ​യാ​വാം സി​നി​മ പ്ര​വ​ര്‍ത്ത​ക​രെ ഇ​വി​ടേ​ക്ക് നോ​ക്കാ​ന്‍ പ്രേ​രി​പ്പി​ച്ച​ത്.

കാ​സ​ര്‍കോ​ട്ടു​നി​ന്ന് സി​നി​മാ​മോ​ഹ​വു​മാ​യി വ​ണ്ടി​ക​യ​റി​പ്പോ​യ ചെ​റു​പ്പ​ക്കാ​ര്‍ പ്ര​തി​ബ​ന്ധ​ങ്ങ​ള്‍ താ​ണ്ടി വ​ള​ര്‍ന്ന് സ്വ​ത​ന്ത്ര​സം​വി​ധാ​യ​ക​രും കാ​സ്റ്റി​ങ് തീ​രു​മാ​നി​ക്കു​ന്ന​വ​രു​മൊ​ക്കെ ആ​യ​തു​മാ​ണ് സി​നി​മ ഇ​വി​ടേ​ക്ക് വ​ന്ന​തി​ന്‍റെ മ​റ്റു ചി​ല അ​നു​കൂ​ല ഘ​ട​ക​ങ്ങ​ള്‍.

ര​തീ​ഷ് ബാ​ല​കൃ​ഷ്ണ പൊ​തു​വാ​ളി​ന്‍റെ പ​യ്യ​ന്നൂ​രി​ൽ ഷൂ​ട്ട് ചെ​യ്ത ‘ആ​ന്‍ഡ്രോ​യ്ഡ് കു​ഞ്ഞ​പ്പ​ന്‍’ വ​ൻ വി​ജ​യ​മാ​യ​പ്പോ​ള്‍ കാ​സ​ര്‍കോ​ട് അ​ട​ക്ക​മു​ള്ള പ്ര​ദേ​ശ​ത്തു​നി​ന്നു​ള്ള​വ​രു​ടെ പു​തി​യ സി​നി​മ പ്ര​വ​ര്‍ത്ത​ക​സം​ഘം ഉ​ണ്ടാ​യി വ​ന്നു. അ​വ​ർക്ക് ആ ​വി​ജ​യം ന​ല്‍കി​യ ശു​ഭാ​പ്തി വി​ശ്വാ​സം ത​ങ്ങ​ളു​ടെ പു​തി​യ സി​നി​മ​ക​ളെ വ​ട​ക്കോ​ട്ടു കൊ​ണ്ടു​വ​ന്നു.

സാ​ങ്കേ​തി​ക​വി​ദ്യ​യു​ടെ വ​ള​ര്‍ച്ച സി​നി​മ നി​ര്‍മാ​ണ പ്ര​ക്രി​യ​യി​ല്‍ ഉ​ണ്ടാ​ക്കി​യ സൗ​ക​ര്യ​ങ്ങ​ള്‍, ക​ണ്ണൂ​ര്‍ എ​യ​ര്‍പോ​ര്‍ട്ട് വ​ഴി വ​ലി​യ താ​ര​ങ്ങ​ള്‍ക്ക് എ​ളു​പ്പ​ത്തി​ല്‍ കാ​സ​ര്‍കോ​ട്ടെ​ത്താം. താ​മ​സ​ത്തി​ന് ബേ​ക്ക​ല്‍, നീ​ലേ​ശ്വ​രം പ്ര​ദേ​ശ​ത്തു​ള്ള ന​ക്ഷ​ത്ര ഹോ​ട്ട​ലു​ക​ള്‍, വി​ജ​യ​ക​ര​മാ​യ സി​നി​മ​ക​ള്‍ നി​ര്‍മാ​താ​ക്ക​ള്‍ക്ക് ന​ല്‍കി​യ ആ​ത്മ​വി​ശ്വാ​സം എ​ല്ലാ​മാ​ണ് കൂ​ടു​ത​ല്‍ സി​നി​മ​ക​ളെ കാ​സ​ർ​കോ​ട്, പ​യ്യ​ന്നൂ​ര്‍ മേ​ഖ​ല​യി​ലേ​ക്ക് കൊ​ണ്ടു​വ​ന്ന മ​റ്റു കാ​ര​ണ​ങ്ങ​ള്‍.

ഞാ​ന്‍ എ​ന്‍റെ സ്വ​ന്തം നാ​ട്ടി​ല്‍ സി​നി​മ ചെ​യ്യാ​നു​ള്ള കാ​ര​ണം ഈ ​നാ​ട് എ​ന്‍റെ സി​നി​മ​യു​ടെ കൂ​ടെ നി​ല്‍ക്കും എ​ന്ന വി​ശ്വാ​സ​മു​ള്ള​തു​കൊ​ണ്ടാ​ണ്. ഷൂ​ട്ടി​ങ് സ​മ​യ​ത്ത് എ​ന്‍റെ ക്രൂ ​മെ​ം​ബ​ർ​മാ​ർ എ​ല്ലാം വീ​ടു​ക​ളി​ലാ​യി​രു​ന്നു താ​മ​സി​ച്ചി​രു​ന്ന​ത്. ന​ന്മ​യു​ള്ള മ​നു​ഷ്യ​ര്‍ ഉ​ള്ള​തു​കൊ​ണ്ടാ​ണ് താ​മ​സി​ക്കാ​ന്‍ വീ​ട് വി​ട്ടു​ത​ന്ന​ത്. അ​ത് എ​ന്‍റെ സി​നി​മ​യു​ടെ ബ​ജ​റ്റ് കു​റ​യ്ക്കാ​ന്‍ വ​ലി​യ കാ​ര​ണ​മാ​യി​ട്ടു​ണ്ട്.

ജൂ​നി​യ​ര്‍ ആ​ക്‌​ടേ​ഴ്‌​സി​ന് എ​റ്റ​വും കു​റ​വു പ​ണം ചെ​ല​വ​ഴി​ച്ച സി​നി​മ​യാ​ണ് ‘മ​ദ​നോ​ത്സ​വം’. കാ​ര​ണം ഓ​രോ സ്ഥ​ല​ങ്ങ​ളി​ലെ​യും ആ​ളു​ക​ള്‍ ന​മ്മ​ളോ​ടൊ​പ്പം വ​ന്നു സ​ഹ​ക​രി​ച്ച​തു​കൊ​ണ്ടാ​ണ്. അ​വ​ര്‍ ക​ല​യെ നെ​ഞ്ചി​ലേ​റ്റി ന​ട​ക്കു​ന്ന​വ​രാ​ണ്. മ​റ്റു രീ​തി​യി​ലു​ള്ള പ്ര​ചാ​ര​ണ​ങ്ങ​ള്‍ തി​ക​ച്ചും അ​വാ​സ്ത​വ​വും ഈ ​നാ​ട്ടി​ലെ സാ​ധാ​ര​ണ​ക്കാ​രെ​യും സി​നി​മ പ്ര​വ​ര്‍ത്ത​ക​രെ​യും അ​പ​മാ​നി​ക്ക​ല്‍ കൂ​ടി​യാ​ണെ​ന്നും സു​ധീ​ഷ് ത​ന്‍റെ ഫേ​സ്ബു​ക്ക് പോ​സ്റ്റി​ല്‍ പ​റ​യു​ന്നു.

‘തി​ങ്ക​ളാ​ഴ്ച നി​ശ്ച​യം’ സി​നി​മ​യു​ടെ സം​വി​ധാ​യ​ക​ന്‍ സെ​ന്ന ഹെ​ഗ്‌​ഡെ​യും ര​ഞ്ജി​ത്തി​നെ​തി​രെ വി​മ​ര്‍ശ​ന​വു​മാ​യെ​ത്തി. ‘അ​തു​കൊ​ണ്ടാ​യി​രി​ക്കും വ​ന്ദേ​ഭാ​ര​ത് കാ​സ​ര്‍കോ​ടു​വ​രെ നീ​ട്ടി​യ​തെ​ന്നും എ​ട്ടു മ​ണി​ക്കൂ​റി​ല്‍ തി​രു​വ​ന​ന്ത​പു​ര​ത്തു​നി​ന്ന് കാ​സ​ര്‍കോ​ട് വ​ന്ന് സാ​ധ​നം വാ​ങ്ങി മ​ട​ങ്ങാ​ല്ലോ’ എ​ന്നു​മാ​യി​രു​ന്നു സെ​ന്ന​യു​ടെ ക​മ​ന്റ്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:drugscontroversy
News Summary - Drugs controversy- Sudhish Gopinath against M Ranjith
Next Story