മറക്കില്ല, ബദരിയ പള്ളിക്ക്​​ കുഞ്ഞാമനോടുള്ള കടപ്പാട്

കാ​ഞ്ഞ​ങ്ങാ​ട്: ബ​ദ​രി​യ ജു​മാ​മ​സ്ജി​ദി​ന​ടു​ത്താ​ണ് ക​ല്ലൂ​രാ​വി​യി​ലെ കു​ഞ്ഞാ​മ​െൻറ വീ​ട്. ര​ണ്ടു​നി​ല​യും മി​നാ​ര​വും ഖു​ബ്ബ​യും അ​ട​ങ്ങു​ന്ന ഇ​ന്ന​ത്തെ ജു​മാ​മ​സ്ജി​ദി​നെ ഈ ​നി​ല​യി​ലാ​ക്കി​യ​തി​നു​പി​ന്നി​ൽ തോ​യ​മ്മ​ൽ കു​ഞ്ഞാ​മ​െൻറ വി​യ​ർ​പ്പു​മു​ണ്ട്. 1973ൽ ​ചെ​റി​യ നി​ലം​പൊ​ത്താ​റാ​യ ഓ​ടു​മേ​ഞ്ഞ പ​ള്ളി​യാ​യി​രു​ന്നു ഇ​ത്. പ​ള്ളി​യു​ടെ തൊ​ട്ട​ടു​ത്ത് വീ​ടാ​യ​ത് കൊ​ണ്ടു​ത​ന്നെ 1973ൽ ​നി​ർ​മാ​ണ സ​മ​യ​ത്ത് സ​ജീ​വ​മാ​യി​രു​ന്നു, ക​ഴി​ഞ്ഞ ദി​വ​സം ഹൃ​ദ​യാ​ഘാ​തം മൂ​ലം മ​രി​ച്ച തോ​യ​മ്മ​ൽ കു​ഞ്ഞാ​മ​ൻ.

നി​ർ​മാ​ണ സ​മ​യ​ത്ത് കൊ​വ്വ​ൽ സ്​​റ്റോ​റി​ന​ടു​ത്താ​യി​രു​ന്നു ക​ല്ലും മ​റ്റും ഇ​റ​ക്കി​യ​ത്. പ​ള്ളി ഭാ​ര​വാ​ഹി​ക​ളോ​ടൊ​പ്പം ക​ല്ലും മ​ണ്ണും ചു​മ​ക്കാ​ൻ മു​ൻ​പ​ന്തി​യി​ലാ​യി​രു​ന്നു ക​ല്ലൂ​രാ​വി​ക്കാ​രു​ടെ കു​ഞ്ഞാ​മേ​ട്ട​ൻ. ത​റ നി​റ​ക്കു​ന്ന​തു​തൊ​ട്ട് പ​ഴ​യ പ​ള്ളി​യു​ടെ ഉ​ദ്ഘാ​ട​നം വ​രെ ഒ​രു ദി​വ​സ​മൊ​ഴി​യാ​തെ നി​ർ​ദേ​ശ​ങ്ങ​ൾ ന​ൽ​കി​യും പ്ര​വ​ർ​ത്ത​ന​രം​ഗ​ത്ത് സ​ജീ​വ​മാ​യി​രു​ന്നു. ഖ​ബ​റി​ലേ​ക്കു​ള്ള ക​ല്ലും മ​റ്റും സൗ​ജ​ന്യ​മാ​യി ന​ൽ​കാ​നും കു​ഞ്ഞാ​മ​ൻ മ​ടി​ച്ചി​രു​ന്നി​ല്ല. പ​ള്ളി​യി​ൽ ന​ട​ക്കു​ന്ന നേ​ർ​ച്ച​ക്കും പി​ന്നീ​ടു​ള്ള ഭ​ക്ഷ​ണ വി​ത​ര​ണ​ത്തി​നും നേ​തൃ​ത്വം ന​ൽ​കി​യ​ത് ഇ​ദ്ദേ​ഹ​മാ​യി​രു​ന്നു​വെ​ന്ന്​ 1973ൽ ​ക​ല്ലൂ​രാ​വി​യി​ൽ ഖ​ത്തീ​ബാ​യി സേ​വ​ന​മ​നു​ഷ്ഠി​ച്ച അ​ബ്​​ദു​റ​ഹ്മാ​ൻ ഉ​സ്താ​ദ് പ​റ​ഞ്ഞു.

വെ​ളു​ത്ത വ​സ്ത്ര​ധാ​രി​യാ​യി​രു​ന്നു കു​ഞ്ഞാ​മ​ൻ. ഉ​സ്താ​ദു​മാ​രെ​പോ​ലെ വെ​ളു​ത്ത ഷാ​ൾ​കൊ​ണ്ട് ത​ല മ​യ്​​റ​ക്കും. പ​ള്ളി​യു​ടെ നി​ർ​മാ​ണം ക​ഴി​ഞ്ഞി​ട്ടും പ​ള്ളി​യു​മാ​യി ബ​ന്ധ​പ്പെ​ട്ട ഏ​ത് കാ​ര്യ​ത്തി​നാ​ണെ​ങ്കി​ലും സ​ഹാ​യ​ത്തി​ന് കു​ഞ്ഞാ​മ​നെ​ത്തി​യി​രു​ന്ന​താ​യി അ​ദ്ദേ​ഹം ഓ​ർ​ത്തെ​ടു​ക്കു​ന്നു. ബു​ധ​നാ​ഴ്ച രാ​വി​ലെ​യാ​ണ് നെ​ഞ്ചു​വേ​ദ​ന​യെ തു​ട​ർ​ന്ന് കു​ഞ്ഞാ​മ​ൻ മ​രി​ച്ച​ത്.