പുല്ലൂര്‍-പെരിയയിലും കോഴികള്‍ ചാവുന്നു

കാ​ഞ്ഞ​ങ്ങാ​ട്: ജി​ല്ല​യി​ല്‍ നാ​ലാ​മ​തൊ​രു പ​ഞ്ചാ​യ​ത്തി​ല്‍കൂ​ടി വ​നി​താ​വി​ക​സ​ന പ​ദ്ധ​തി​പ്ര​കാ​രം വി​ത​ര​ണം​ചെ​യ്ത മു​ട്ട​ക്കോ​ഴി​ക​ള്‍ കൂ​ട്ട​ത്തോ​ടെ ച​ത്തൊ​ടു​ങ്ങു​ന്നു. പു​ല്ലൂ​ര്‍-​പെ​രി​യ​യി​ലാ​ണ് വി​ത​ര​ണം ചെ​യ്ത് ര​ണ്ടു​ദി​വ​സ​ത്തി​ന​കം കോ​ഴി​ക​ള്‍ക്ക് രോ​ഗ​ബാ​ധ പ്ര​ത്യ​ക്ഷ​പ്പെ​ട്ട​ത്. മ​റ്റി​ട​ങ്ങ​ളി​ലേ​തു​പോ​ലെ ഇ​വി​ടെ​യും രോ​ഗ​ബാ​ധ മ​റ്റു കോ​ഴി​ക​ളി​ലേ​ക്ക് പ​ട​രാ​ന്‍ തു​ട​ങ്ങി​യി​ട്ടു​ണ്ട്.

ഈ​സ്റ്റ് എ​ളേ​രി, മു​ളി​യാ​ര്‍, ചെ​ങ്ക​ള പ​ഞ്ചാ​യ​ത്തു​ക​ളി​ലാ​ണ് നേ​ര​ത്തേ മു​ട്ട​ക്കോ​ഴി വി​ത​ര​ണം രോ​ഗ​ബാ​ധ​ക്കും കൂ​ട്ട​മ​ര​ണ​ത്തി​നും വ​ഴി​തെ​ളി​ച്ച​ത്.

ഒ​ന്നി​ന് 60 രൂ​പ നി​ര​ക്കി​ല്‍ നാ​ലാ​യി​ര​ത്തോ​ളം കോ​ഴി​ക​ളെ​യാ​ണ് പു​ല്ലൂ​ര്‍-​പെ​രി​യ പ​ഞ്ചാ​യ​ത്തി​ല്‍ വി​ത​ര​ണം ചെ​യ്ത​ത്. ആ​ദ്യ​ഘ​ട്ട​ത്തി​ല്‍ വി​ത​ര​ണം ചെ​യ്ത കോ​ഴി​ക​ള്‍ക്ക് രോ​ഗ​ബാ​ധ​യു​ണ്ടാ​യി​രു​ന്നി​ല്ല. ഒ​രാ​ഴ്ച മു​മ്പ് ര​ണ്ടാം ഘ​ട്ട​ത്തി​ല്‍ ന​ൽ​കി​യ കോ​ഴി​ക​ള്‍ക്കാ​ണ് രോ​ഗം പ്ര​ത്യ​ക്ഷ​പ്പെ​ട്ട​ത്.

കോ​ഴി​വ​സ​ന്ത രോ​ഗ​മാ​ണെ​ന്നാ​ണ് അ​ധി​കൃ​ത​ർ ന​ൽ​കു​ന്ന വി​ശ​ദീ​ക​ര​ണം. താ​ളി​ക്കു​ണ്ടി​ലെ ത​ങ്ക​മ​ണി​യു​ടെ വീ​ട്ടി​ല്‍ പ​ഞ്ചാ​യ​ത്തി​ല്‍നി​ന്നും ല​ഭി​ച്ച കോ​ഴി​ക​ളി​ല്‍നി​ന്ന് രോ​ഗം പ​ട​ര്‍ന്ന് നേ​ര​ത്തേ​യു​ണ്ടാ​യി​രു​ന്ന എ​ട്ട് മു​ട്ട​ക്കോ​ഴി​ക​ളാ​ണ് ച​ത്ത​ത്.

മ​റ്റു പ​ല​രും പ​ഞ്ചാ​യ​ത്തി​ല്‍ നി​ന്നും വാ​ങ്ങി​യ കോ​ഴി​ക​ളെ​ല്ലാം ഇ​തി​ന​കം ച​ത്തു. പ്ര​തി​രോ​ധ കു​ത്തി​വെ​പ്പെ​ടു​ത്ത കോ​ഴി​ക​ളെ​യാ​ണ് വി​ത​ര​ണം ചെ​യ്ത​തെ​ന്ന് അ​ധി​കൃ​ത​ര്‍ പ​റ​യു​മ്പോ​ഴും രോ​ഗ​ബാ​ധ സം​ബ​ന്ധി​ച്ച്​ കൂ​ടു​ത​ലൊ​ന്നും പ​റ​യാ​ൻ ക​ഴി​യു​ന്നി​ല്ല.