കോടതിയിൽ ഹാജരാകാനെത്തിയ ലക്ഷദ്വീപ് സ്വദേശിയെ കാണാതായി

കാ​ഞ്ഞ​ങ്ങാ​ട്: ഹോ​സ്​​ദു​ർ​ഗ് ജു​ഡീ​ഷ്യൽ മ​ജി​സ്ട്രേ​റ്റ് കോ​ട​തി​യി​ൽ ഹാ​ജ​രാ​കാ​ൻ എ​ത്തി​യ ല​ക്ഷ​ദ്വീ​പ് സ്വ​ദേ​ശി​യാ​യ യു​വാ​വി​നെ കാ​ഞ്ഞ​ങ്ങാ​ട്ട് കാ​ണാ​താ​യി. സം​ഭ​വ​ത്തി​ൽ സ​ഹോ​ദ​ര​ന്‍റെ പ​രാ​തി​യി​ൽ ഹോ​സ്​​ദു​ർ​ഗ് പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.

ല​ക്ഷ​ദ്വീ​പ് ക​ട​മത്ത് ഐ​സ് ലാ​ൻ​ഡ്​ ദ്വീ​പി​ൽ താ​മ​സി​ക്കു​ന്ന കെ.​സി. കോ​യ​മ്മ​യു​ടെ മ​ക​ൻ ഫൈ​സ​ൽ തെ​ര​ക്കാ​ലി​നെ​യാ​ണ് (48) ക​ഴി​ഞ്ഞ 28മു​ത​ൽ കാ​ണാ​താ​യ​ത്. ഫൈ​സ​ലും ല​ക്ഷ​ദ്വീ​പ് സ്വ​ദേ​ശി​നി​യാ​യ ഭാ​ര്യ​യും നേ​ര​ത്തെ ചെ​റു​വ​ത്തൂ​രി​ൽ താ​മ​സി​ച്ചി​രു​ന്നു. ഈ ​സ​മ​യ​ത്ത് ഭാ​ര്യ ന​ൽ​കി​യ ഗാ​ർ​ഹി​ക പീ​ഡ​ന​ കേ​സി​ലാ​ണ് ഫൈ​സ​ൽ ല​ക്ഷ​ദ്വീ​പി​ൽ​നി​ന്ന് കാ​ഞ്ഞ​ങ്ങാ​ട്ട് കോ​ട​തി​യി​ൽ ഹാ​ജ​രാകാ​ൻ എ​ത്തി​യ​ത്.അ​ന്നേ ദി​വ​സം യു​വാ​വ് കോ​ട​തി​യി​ൽ ഹാ​ജ​രാ​യി​രു​ന്നു.

ഇ​തി​ന് ശേ​ഷ​മാ​ണ് കാ​ണാ​താ​കു​ന്ന​ത്. ല​ക്ഷ​ദ്വീ​പി​ൽ ഫൈ​സ​ൽ തി​രി​ച്ചെ​ത്തി​യി​ല്ലെ​ന്നാ​ണ് ബ​ന്ധു​ക്ക​ൾ പൊ​ലീ​സി​നെ അ​റി​യി​ച്ച​ത്. പ​ല ഭാ​ഗ​ത്തും അ​ന്വേ​ഷ​ണം ന​ട​ത്തി​യി​ട്ടും ഫൈ​സ​ലി​നെ കു​റി​ച്ച് ഒ​രു വി​വ​ര​വും ല​ഭി​ച്ചി​ല്ല. തു​ട​ർ​ന്നാ​ണ് സ​ഹോ​ദ​ര​ൻ ഉ​ൾ​പ്പെ​ടെ ബ​ന്ധു​ക്ക​ൾ കാ​ഞ്ഞ​ങ്ങാ​ട് എ​ത്തി​യ​ത്. പൊ​ലീ​സ് സ​ഹോ​ദ​ര​ൻ സി​യാ​ദ് തെ​ക്ക​ര​ക്ക​ലി​ന്‍റെ പ​രാ​തി​യി​ൽ കേ​സെ​ടു​ത്ത് അ​ന്വേ​ഷ​ണമാരം​ഭി​ച്ചു.