Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightCheruvathoorchevron_rightപള്ളിയിൽനിന്ന്​...

പള്ളിയിൽനിന്ന്​ മുഴങ്ങുന്നത് കോവിഡിനെതിരെയുള്ള സന്ദേശം

text_fields
bookmark_border
Cheruvathur Mosque
cancel
camera_alt

കോവിഡ് ബോധവത്കരണം നടത്തുന്ന ചെറുവത്തൂർ കൊവ്വലിലെ മൊഹിയുദ്ദീൻ ജുമാമസ്ജിദ്

ചെറുവത്തൂർ: കോവിഡ് മഹാമാരിയുടെ രണ്ടാം തരംഗത്തിൽ നാട് വിറങ്ങലിച്ചുനിൽക്കെ ജനങ്ങളെ ആശ്വസിപ്പിച്ചും ബോധവത്കരിച്ചുമുള്ള സന്ദേശം പുറപ്പെടുവിക്കുകയാണ് ചെറുവത്തൂർ കൊവ്വലിലെ മൊഹിയുദ്ദീൻ ജുമാമസ്ജിദ്.

താജുൽ ഇസ്​ലാം ജമാഅത്ത് കമ്മിറ്റിക്ക് കീഴിലെ പള്ളിയിൽ നിന്നും ദിവസേന രണ്ടുതവണ കോവിഡ് പ്രതിരോധ സന്ദേശങ്ങൾ പുറപ്പെടുവിക്കും.

ലോക്ഡൗൺ കാലത്ത് വീട്ടിലിരിക്കേണ്ടതും സാമൂഹിക അകലം പാലിക്കേണ്ടതും സാനിറ്റൈസർ ഉപയോഗിക്കേണ്ടതും കൈകഴുകേണ്ടതുമായ കാര്യങ്ങളാണ് മൈക്കിലൂടെ പള്ളിയിൽ നിന്നും നൽകുന്നത്​. രാവിലെയും വൈകീട്ടുമുള്ള വിളംബരം നാട്ടുകാർക്ക് തിരിച്ചറിവേകുന്നുമുണ്ട്.

ചെറുവത്തൂർ പഞ്ചായത്തി‍െൻറ പടിഞ്ഞാറൻ ഭാഗങ്ങളിലെ ചില ക്ഷേത്രങ്ങൾ സന്ധ്യാനേരത്തെ ഭക്തിഗാനങ്ങൾ ഒഴിവാക്കി മൈക്കിലൂടെ ബോധവത്കരണം തുടങ്ങിയിരുന്നു. മഹാമാരിക്കുമുന്നിൽ മനുഷ്യരക്ഷക്കായി അമ്പലങ്ങളും പള്ളികളും ഉണർന്നു പ്രവർത്തിക്കുന്ന കാഴ്ചകളാണ് ചെറുവത്തൂരിൽ നിറയുന്നത്. സെക്ടറൽ മജിസ്ട്രേറ്റ്​ വത്സൻ പിലിക്കോടി​േന്‍റതാണ് ഈ ആശയം.

പഞ്ചായത്തംഗം രാജേന്ദ്രൻ പയ്യാടക്കത്ത്, പള്ളിക്കമ്മിറ്റി ഭാരവാഹികളായ സി.എം. മുഹമ്മദ് ഹാജി, അഷ്റഫ് കോളയത്ത്, ഗഫൂർ കുറ്റിക്കാട്, എം.കെ.അബ്​ദുല്ല, പി.കെ.ഇസ്മായിൽ , ഹാരിസ് റഹ്മാൻ, വാർഡ് ജാഗ്രതസമിതി അംഗങ്ങൾ, ആശ വർക്കർ, മാഷ് അംഗങ്ങൾ എന്നിവരുടെ സഹകരണത്തോടെയാണ് വിളംബരം യാഥാർഥ്യമായത്.

Show Full Article
TAGS:Covid awareness message covid 19 mosque 
News Summary - The awareness message against covid coming from Mosque
Next Story