സതിയെ സ്വീകരിക്കാൻ ഒരുങ്ങി ജന്മനാട്

ചെ​റു​വ​ത്തൂ​ർ: സാ​മൂ​ഹി​ക​നീ​തി ശാ​ക്തീ​ക​ര​ണ മ​ന്ത്രാ​ല​യ​ത്തി‍െൻറ ഭി​ന്ന​ശേ​ഷി​ക്കാ​ർ​ക്കു​ള്ള മി​ക​ച്ച സ​ർ​ഗാ​ത്മ​ക വ്യ​ക്തി​ത്വ​ത്തി​നു​ള്ള ദേ​ശീ​യ അ​വാ​ർ​ഡ് ജേ​താ​വ് എം.​വി. സ​തി​ക്ക് ജ​ന്മ​നാ​ട് സ്വീ​ക​ര​ണം ന​ൽ​കും. ഡ​ൽ​ഹി​യി​ൽ​നി​ന്ന്​ അ​വാ​ർ​ഡ് ഏ​റ്റു​വാ​ങ്ങി ശ​നി​യാ​ഴ്ച കൊ​ട​ക്കാ​ട് എ​ത്തു​ന്ന സ​തി​യെ വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ ക​രി​വെ​ള്ളൂ​രി​ൽ​നി​ന്ന്​ പൊ​ള്ള​പ്പൊ​യി​ലേ​ക്ക് ആ​ന​യി​ക്കും.

4.30ന് ​വെ​ള്ള​ച്ചാ​ലി​ൽ​നി​ന്ന്​ ആ​രം​ഭി​ക്കു​ന്ന ഘോ​ഷ​യാ​ത്ര​യി​ൽ നാ​ടാ​കെ കൈ​കോ​ർ​ക്കും. തു​ട​ർ​ന്ന് കൈ​ര​ളി ഓ​ഡി​റ്റോ​റി​യ​ത്തി​ൽ ന​ട​ക്കു​ന്ന അ​നു​മോ​ദ​ന​യോ​ഗ​ത്തി​ൽ പ്ര​മു​ഖ​ർ പ​ങ്കെ​ടു​ക്കും. പേ​ശി​ക​ൾ ത​ള​ർ​ന്നു​കൊ​ണ്ടേ​യി​രി​ക്കു​ന്ന അ​പൂ​ർ​വ രോ​ഗം കാ​ര​ണം വീ​ൽ​ചെ​യ​റി​ലൊ​തു​ങ്ങേ​ണ്ടി വ​ന്നെ​ങ്കി​ലും വാ​യ​ന​യി​ലൂ​ടെ ലോ​ക​ത്തെ അ​ടു​ത്ത​റി​യു​ക​യാ​ണ് സ​തി. വീ​ടി​ന​ടു​ത്ത് പി​താ​വ് സി​വി​ക് കൊ​ട​ക്കാ​ട് വ​ള​ർ​ത്തി​യ ബാ​ല​കൈ​ര​ളി ഗ്ര​ന്ഥാ​ല​യ​ത്തി​ലെ പു​സ്ത​ക​ങ്ങ​ളെ​യാ​ണ് സ​തി​യു​ടെ കൂ​ട്ടു​കാ​രാ​ക്കി​യ​ത്.

ആ​നു​കാ​ലി​ക​ങ്ങ​ളി​ലും ആ​കാ​ശ​വാ​ണി​യി​ലും പ​രി​ചി​ത​യാ​ണ് സ​തി. സ​തി​യു​ടെ ജീ​വി​തം അ​ച്ച​ടി​ച്ച മൂ​ന്നാം ത​രം മ​ല​യാ​ളം, ക​ന്ന​ട പാ​ഠാ​വ​ലി​ക​ളി​ൽ വാ​യി​ച്ചു​വാ​യി​ച്ച് വേ​ദ​ന​മ​റ​ന്ന് എ​ന്ന പാ​ഠം കേ​ര​ള​ത്തി​ലെ കു​ട്ടി​ക​ൾ നെ​ഞ്ചോ​ടു​ചേ​ർ​ത്തു. ഇ​തി​ലൂ​ടെ സ​തി​യു​ടെ കൂ​ട്ടു​കാ​രാ​യി ഒ​രു ത​ല​മു​റ മു​ഴു​വ​ൻ മാ​റി. കു​ട്ടി​ക​ൾ അ​യ​ച്ച ആ​യി​ര​ക്ക​ണ​ക്കി​ന് ക​ത്തു​ക​ൾ നി​ധി​പോ​ലെ സ​തി​യു​ടെ കൂ​ടെ​യു​ണ്ട്. 2019 ലോ​ക്​​സ​ഭ തെ​ര​ഞ്ഞെ​ടു​പ്പി​ൽ ഭി​ന്ന​ശേ​ഷി വോ​ട്ട​ർ​മാ​രു​ടെ ജി​ല്ല അം​ബാ​സ​ഡ​റാ​യി സ​തി. എ​ഴു​ത്തി​ൽ ഏ​റെ മു​ന്നേ​റി​യ സ​തി​യു​ടെ തി​രു​മം​ഗ​ല്യം എ​ന്ന ഭ​ക്തി​ഗാ​നം ഏ​റെ പ്ര​ശ​സ്ത​മാ​ണ്. രാ​ജേ​ഷ് തൃ​ക്ക​രി​പ്പൂ​രി‍െൻറ സം​ഗീ​ത​ത്തി​ൽ സി​ത്താ​ര ആ​യി​രു​ന്നു ആ​ല​പി​ച്ച​ത്.

ആ ​ഗാ​നം ക്ഷേ​ത്ര​സ​ന്നി​ധി​യി​ൽ കെ.​എ​സ്. ചി​ത്ര പാ​ടി​യ​ത് സ​തി​ക്ക് ഏ​റെ ആ​വേ​ശ​വും ആ​ഹ്ലാ​ദ​വും ന​ൽ​കി. തു​ട​ർ​ന്ന് സ​തി എ​ഴു​തി അ​ഭി​ന​യി​ച്ച് ഷെ​റി​ൻ ജോ​ജി പാ​ടി​യ കു​ഞ്ഞോ​ളം എ​ന്ന വി​ഡി​യോ ആ​ൽ​ബ​വും സ​തി ര​ചി​ച്ച് മാ​ധ​വ് ശി​വ​ൻ പാ​ടി അ​ഭി​ന​യി​ച്ച വ​യ​ലോ​രം എ​ന്ന വി​ഡി​യോ ആ​ൽ​ബ​വും പു​റ​ത്തി​റ​ങ്ങി. 2020ൽ ​വി​ര​ൽ സാ​ഹി​ത്യ​വേ​ദി​യു​ടെ അ​വാ​ർ​ഡ് സ​തി​യു​ടെ 'അ​വ​ൾ' എ​ന്ന ക​ഥ​യെ തേ​ടി​യെ​ത്തി. സ​തീ​ഭാ​വം സ​ഹ​ഭാ​വം എ​ന്ന​പേ​രി​ൽ സ​തി​യെ കു​റി​ച്ചു​ള്ള ഡോ​ക്യു​മെൻറ​റി ചെ​യ്തു.