ഡി.വൈ.എഫ്.ഐ യുവജന മാർച്ച്‌

ചെറുവത്തൂർ : ഉത്തർപ്രദേശിലെ കർഷക കൂട്ടക്കൊലയിലും പൊലീസ് നടപടിയിലും പ്രതിഷേധിച്ച് ഡി.വൈ.എഫ്.ഐ ചെറുവത്തൂർ ബ്ലോക്ക് കമ്മിറ്റിയുടെ നേതൃത്വത്തിൽ പടന്ന പോസ്റ്റ് ഓഫീസിലേക്ക് യുവജന മാർച്ച്‌ സംഘടിപ്പിച്ചു.

സംസ്ഥാന കമ്മിറ്റിയംഗം കെ. സബീഷ് ഉദ്ഘാടനം ചെയ്തു. ബ്ലോക്ക് പ്രസിഡൻ്റ് കെ.പി. വിജയകുമാർ അധ്യക്ഷത വഹിച്ചു. ബ്ലോക്ക് ട്രഷറർ ആർ. റെജി സംസാരിച്ചു. ബ്ലോക്ക് സെക്രട്ടറി രജീഷ് വെള്ളാട്ട് സ്വാഗതം പറഞ്ഞു.

യുവജന മാർച്ച് പടന്ന മൂസാഹാജിമുക്ക് കേന്ദ്രീകരിച്ച് ആരംഭിച്ചു.