ട്രോളിങ്​ നിരോധനം നീങ്ങിയിട്ടും മടക്കരയിൽ മീനെത്തുന്നില്ല

ചെ​റു​വ​ത്തൂ​ർ: ട്രോ​ളി​ങ്​ നി​രോ​ധ​നം നീ​ങ്ങി​യി​ട്ടും മ​ട​ക്ക​ര​യി​ൽ മീ​ൻ എ​ത്തി​യി​ല്ല. ക​ഴി​ഞ്ഞ ദി​വ​സ​ങ്ങ​ളി​ലൊ​ന്നി​ൽ മ​ത്തി​ച്ചാ​ക​ര ഉ​ണ്ടാ​യി എ​ന്ന​ത​ല്ലാ​തെ കാ​ര്യ​മാ​യൊ​ന്നു​മി​ല്ല. ദി​വ​സേ​ന നൂ​റോ​ളം ബോ​ട്ടു​ക​ളാ​ണ് മ​ത്സ്യ ബ​ന്ധ​ന​ത്തി​നാ​യി മ​ട​ക്ക​ര​യി​ൽ​നി​ന്നും ക​ട​ലി​ലേ​ക്ക് പോ​കു​ന്ന​ത്.

ഒ​രു ബോ​ട്ടി​ൽ​ത​ന്നെ നാ​ലു പേ​രെ​ങ്കി​ലും ജോ​ലി​ക്കാ​രാ​യി ഉ​ണ്ടാ​കും. ഇ​വ​രു​ടെ കൂ​ലി​യും ക​ഴി​ച്ച് ലാ​ഭ​മൊ​ന്നും എ​ടു​ക്കാ​നി​ല്ലാ​ത്ത സ്ഥി​തി​യാ​ണ് ബോ​ട്ടു​ട​മ​ക​ൾ​ക്ക്. അ​ടു​ത്തി​ടെ​വ​രെ വി​ല​കൂ​ടി​യ മീ​നു​ക​ൾ ക​യ​റ്റി​യ​യ​ച്ച പ്ര​ദേ​ശം​കൂ​ടി​യാ​ണ് മ​ട​ക്ക​ര. എ​ന്നാ​ലി​പ്പോ​ൾ മി​ക്ക ദി​വ​സ​ങ്ങ​ളി​ലും വെ​റും​ക​യ്യോ​ടെ മ​ട​ങ്ങേ​ണ്ട അ​വ​സ്ഥ​യാ​ണ്.

പു​ലി​മു​ട്ടു​വ​ഴി ബോ​ട്ടു​ക​ൾ ക​ട​ന്നു​വ​രു​മ്പോ​ൾ മ​ണ​ൽ​ത്തി​ട്ട ഉ​യ​ർ​ത്തു​ന്ന ഭീ​ഷ​ണി പൂ​ർ​ണ​മാ​യും പ​രി​ഹ​രി​ക്കാ​ൻ ക​ഴി​ഞ്ഞി​ട്ടി​ല്ല. മ​ത്സ്യ​സ​മ്പ​ത്ത് കു​റ​ഞ്ഞ​തി​നെ​ത്തു​ട​ർ​ന്ന് പ​ല ബോ​ട്ടു​ക​ളും മ​ട​ക്ക​ര തീ​രം​വി​ട്ടു. മു​മ്പ് ക​ന്യാ​കു​മാ​രി​യി​ൽ നി​ന്നു​വ​രെ ബോ​ട്ടു​ക​ൾ വ​ന്നി​ട​ത്ത് ഇ​പ്പോ​ൾ ത​ദ്ദേ​ശീ​യ ബോ​ട്ടു​ക​ൾ മാ​ത്ര​മേ മ​ത്സ്യ​ബ​ന്ധ​നം ന​ട​ത്തു​ന്നു​ള്ളൂ. മ​ത്സ്യ​ങ്ങ​ൾ കൂ​ടു​ത​ൽ കി​ട്ടു​മെ​ന്ന പ്ര​തീ​ക്ഷ​യി​ൽ ത​ന്നെ​യാ​ണ് ഇ​വി​ടത്തെ തൊ​ഴി​ലാ​ളി​ക​ളി​പ്പോ​ഴു​ം.