കല്യാണമണ്ഡപത്തിൽ നിന്ന് സ്മാർട്ട് ഫോൺ നൽകാനായി സ്കൂൾ അങ്കണത്തിലേക്ക്

ചെറുവത്തൂർ: വിവാഹവേദിയിൽ നിന്നും വിദ്യാല യാങ്കണത്തിലെത്തി ഓൺലൈൻ പഠന സൗകര്യമില്ലാത്ത കുട്ടികൾക്ക് സ്മാർട്ട് ഫോൺ നൽകാനുള്ള നന്മ നിറഞ്ഞ മനസ്സുമായി ദമ്പതികൾ.

ശനിയാഴ്ച വിവാഹിതരായ രാജീവും വിദ്യയും പുതിയകണ്ടം ഗവ.യു.പി സ്കൂളിലെത്തിയാണ് കുട്ടികൾക്ക് ഓൺലൈൻ പഠനസഹായത്തിനായി സ്മാർട്ട് ഫോൺ സമ്മാനിച്ചത്. പ്രഥമാധ്യാപിക പി. ഗൗരി ഏറ്റുവാങ്ങി. ഗ്രാമ പഞ്ചായത്ത് മെംബർ എം. വി. മധു, പി. സത്യൻ, പി.കെ. ശ്രീമ, കെ. ശാന്ത ചടങ്ങിൽ സംബന്ധിച്ചു.