ഇവിടെ യാത്രക്കാർ ഒറ്റനിൽപാണ്; ചീമേനിയിൽ പേരിനുപോലു​മില്ല ബസ് കാത്തിരിപ്പു കേന്ദ്രം

ചെ​റു​വ​ത്തൂ​ർ: ചീ​മേ​നി പ​ട്ട​ണ​ത്തി​ൽ പേ​രി​നൊ​രു ബ​സ് കാ​ത്തി​രി​പ്പു കേ​ന്ദ്ര​മി​ല്ല. വാ​ഹ​ന പാ​ർ​ക്കി​ങ്ങി​നു​പോ​ലും സൗ​ക​ര്യ​മി​ല്ല. ത​ല​ങ്ങും വി​ല​ങ്ങും വാ​ഹ​ന​വു​മാ​യി ചീ​മേ​നി ടൗ​ൺ വീ​ർ​പ്പു​മു​ട്ടു​ന്നു. വെ​യി​ല​ത്തും മ​ഴ​യ​ത്തും ക​ട​വ​രാ​ന്ത​ക​ൾ മാ​ത്ര​മാ​ണ് യാ​ത്ര​ക്കാ​ർ​ക്ക് ആ​ശ്ര​യം. ബ​സ് സ്റ്റാ​ൻ​ഡ് നി​ർ​മാ​ണ​മാ​ക​ട്ടെ ഇ​ഴ​ഞ്ഞു​നീ​ങ്ങു​ക​യാ​ണ്.

ചീ​മേ​നി ടൗ​ണി​ൽ നാ​ല്‌ ബ​സ് കാ​ത്തി​രി​പ്പു കേ​ന്ദ്ര​ങ്ങ​ളാ​ണു​ള്ള​ത്. ഉ​ണ്ടാ​യി​രു​ന്ന ര​ണ്ടെ​ണ്ണം റോ​ഡ് വി​ക​സ​ന​ത്തി​ന്റെ ഭാ​ഗ​മാ​യി ര​ണ്ടു വ​ർ​ഷം മു​മ്പ് പൊ​ളി​ച്ചു​ക​ള​ഞ്ഞു. പി​ന്നീ​ട് നി​ർ​മി​ച്ചി​ല്ല. ടൗ​ണി​ൽ വാ​ഹ​ന​ങ്ങ​ൾ പാ​ർ​ക്ക് ചെ​യ്യു​ന്ന​തി​ന് പ്ര​ത്യേ​ക സ്ഥ​ല​ങ്ങ​ളൊ​ന്നു​മി​ല്ല. സൗ​ക​ര്യം​പോ​ലെ ചെ​റു​തും വ​ലു​തു​മാ​യ വാ​ഹ​ന​ങ്ങ​ൾ കൊ​ണ്ടി​ടു​ക​യാ​ണ് പ​തി​വ്. അ​നു​ദി​നം വി​ക​സി​ച്ചു വ​രു​ന്ന ചീ​മേ​നി​യി​ൽ നി​ര​വ​ധി ക​ച്ച​വ​ട സ്ഥാ​പ​ന​ങ്ങ​ളു​ണ്ട്. കെ​ട്ടി​ട നി​യ​മ​പ്ര​കാ​രം പാ​ർ​ക്കി​ങ് സ്ഥ​ലം ഉ​ണ്ടെ​ങ്കി​ലും അ​വ​യെ​ല്ലാം ക​ച്ച​വ​ട ആ​വ​ശ്യ​ങ്ങ​ൾ​ക്കാ​യി ഉ​പ​യോ​ഗി​ക്കു​ക​യാ​ണ്.

കു​ട്ടി​ക​ള​ട​ക്കം നി​ര​വ​ധി പേ​രാ​ണ് മ​ഴ​യ​ത്തും വെ​യി​ല​ത്തും ബ​സ് കാ​ത്തു​നി​ൽ​ക്കു​ന്ന​ത്. ഇ​രി​ക്കാ​ൻ സൗ​ക​ര്യ​മി​ല്ലാ​ത്ത​തി​നാ​ൽ പ്രാ​യ​മാ​യ​വ​രു​ടെ കാ​ര്യം ഏ​റെ ക​ഷ്ട​മാ​ണ്. മൂ​ന്ന് കോ​ള​ജു​ക​ൾ, നി​ര​വ​ധി സ്കൂ​ളു​ക​ൾ, ബാ​ങ്ക്, സ​ർ​ക്കാ​ർ ഓ​ഫി​സു​ക​ൾ എ​ല്ലാം ചീ​മേ​നി കേ​ന്ദ്രീ​ക​രി​ച്ച് പ്ര​വ​ർ​ത്തി​ക്കു​ന്നു​ണ്ട്. ദി​വ​സ​വും നൂ​റു​ക​ണ​ക്കി​ന് യാ​ത്ര​ക്കാ​രും വാ​ഹ​ന​ങ്ങ​ളു​മാ​ണ് ചീ​മേ​നി​യി​ൽ എ​ത്തു​ന്ന​ത്. ടൗ​ണി​ലെ നാ​ല് റോ​ഡു​ക​ൾ കൂ​ടു​ന്നി​ട​ത്ത് വേ​ഗ​നി​യ​ന്ത്ര​ണ സം​വി​ധാ​നം ഒ​രു​ക്ക​ണം. അ​പ​ക​ട​ങ്ങ​ൾ ഇ​വി​ടെ പ​തി​വാ​ണ്.

യാ​ത്ര​ക്കാ​ർ​ക്കാ​യി താ​ൽ​ക്കാ​ലി​ക കാ​ത്തി​രി​പ്പു കേ​ന്ദ്ര​ങ്ങ​ൾ പ​ണി​യ​ണ​മെ​ന്നും ടൗ​ണി​ൽ ട്രാ​ഫി​ക് നി​യ​ന്ത്ര​ണ​ങ്ങ​ൾ കൊ​ണ്ടു​വ​ര​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം.

ക​യ്യൂ​ർ റോ​ഡി​ൽ ബ​സ്‍സ്റ്റാ​ൻ​ഡി​നാ​യി പ്ലാ​ൻ​റേ​ഷ​ൻ കോ​ർ​പ​റേ​ഷ​ന്റെ കൈ​യിൽ​നി​ന്നും 2.47 ഏ​ക്ക​ർ ല​ഭി​ച്ചി​ട്ടു​ണ്ട്. തു​ട​ക്ക​ത്തി​ൽ നി​ർ​മാ​ണം ഗം​ഭീ​ര​മാ​യി ന​ട​ന്നെ​ങ്കി​ലും ഇ​പ്പോ​ൾ ഇ​ഴ​യു​ക​യാ​ണ്.