Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightKasaragodchevron_rightCheruvathoorchevron_rightകാരുണ്യത്തി​െൻറ...

കാരുണ്യത്തി​െൻറ കുടുക്കയുമായി ആദിത്യൻ

text_fields
bookmark_border
കാരുണ്യത്തി​െൻറ കുടുക്കയുമായി ആദിത്യൻ
cancel

ചെറുവത്തൂർ: കൊടുക്കുന്തോറും വളരുന്ന കുടുക്കയുമായി ആദിത്യൻ. കഷ്​ടപ്പെടുന്നവരുടെയും ദുരിതമനുഭവിക്കുന്നവരുടേയും കഥകൾ പത്ര-ദൃശ്യ മാധ്യമങ്ങളിൽ കാണുമ്പോൾ അവരെ സഹായിക്കാനായി എന്തെങ്കിലും ചെയ്യണം എന്ന ആഗ്രഹവുമായി ഇറങ്ങിയത് ഉദിനൂർ സെൻട്രൽ എ.യു.പി സ്കൂളിലെ മൂന്നാം ക്ലാസ് വിദ്യാർഥിയായ ആദിത്യൻ സി. സുജിത്ത്​.

ആദിത്യ​െൻറ ആഗ്രഹത്തിന് രക്ഷിതാക്കളുടെ പിന്തുണയും ലഭിച്ചപ്പോൾ സഹായം പലരിലേക്കുമൊഴുകി. മിഠായി വാങ്ങിയും ആഘോഷങ്ങൾ നടത്തിയും പണം ദുരുപയോഗം ചെയ്യാതെ കുഞ്ഞിക്കുടുക്കയിൽ നിക്ഷേപിച്ചു.കഴിഞ്ഞ വർഷം ഒന്നാം പ്രളയസമയത്ത് ആദിത്യൻ ത​െൻറ കുടുക്ക പൊട്ടിച്ചു. കിട്ടിയ തുക മുഴുവൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി.

പക്ഷെ, ആദിത്യൻ നിർത്തിയില്ല. പുതിയ കുടുക്കയിൽ നിക്ഷപം തുടങ്ങി. രണ്ടാം പ്രളയം വന്നപ്പോൾ വീണ്ടും കുടുക്ക പൊട്ടിച്ചു. സ്കൂൾ ഹെഡ്മാസ്​റ്റർ വഴി അതും മുഖ്യമന്ത്രിയുടെ ദുരിതാശ്വാസ നിധിയിൽ എത്തിച്ചു. ഇത്തവണ സ്വാതന്ത്ര്യദിനത്തി​െൻറ അകമ്പടിയായി പ്രളയവും കോവിഡ് മഹാമാരിയുമെത്തിയപ്പോഴും ആദിത്യൻ വെറുതെ ഇരുന്നില്ല. വിദ്യാലയത്തി​െൻറ ഓൺലൈൻ അസംബ്ലിയിൽ ആദിത്യൻ മൂന്നാമതും കുടുക്ക പൊട്ടിച്ച് തുക ഹെഡ്മാസ്​റ്റർ സി. സുരേശൻ മാസ്​റ്റർക്ക് കൈമാറി. പടന്നയിലെ സി. സുജിത്ത് കുമാർ-എം. ശ്രീജിന ദമ്പതികളുടെ മകനാണ്​.

Show Full Article
TAGS:cmdrf adityan cmdrf donation child donates to cmdrf 
Next Story