ചെറുവത്തൂരിൽ അപൂർവ തുളസിക്കലവറ

ചെ​റു​വ​ത്തൂ​ർ: ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലെ 24 ത​രം അ​പൂ​ർ​വ തു​ള​സിച്ചെടികൾ കാ​ണാ​നും അ​വ​യു​ടെ ഔ​ഷ​ധ ഗു​ണ​ങ്ങ​ള​റി​യാ​നും ഇ​താ ഒ​ര​പൂ​ർ​വ അ​വ​സ​രം. നീ​ലേ​ശ്വ​രം ബ്ലോ​ക്ക്‌ പ​ഞ്ചാ​യ​ത്ത്‌ ചെ​റു​വ​ത്തൂ​രി​ൽ സം​ഘ​ടി​പ്പി​ച്ച അ​ഗ്രി ഫെ​സ്‌​റ്റി​ലാ​ണ് തു​ള​സി ക​ല​വ​റ ഒ​രു​ക്കി​യ​ത്.

ഇ​ന്ത്യ​യി​ൽ ക​ണ്ടുവ​രു​ന്ന രാ​മ, കൃ​ഷ്‌​ണ, വ​ന, സ​ർ​പ്പ തു​ള​സി​ൾ​ക്കു പു​റ​മെ യൂ​റോ​പ്പ്‌, അ​മേ​രി​ക്ക, ആ​ഫ്രി​ക്ക എ​ന്നി​വി​ട​ങ്ങ​ളി​ലെ വി​വി​ധ തു​ള​സി​ക​ൾ ഇ​വി​ടെ​യു​ണ്ട്‌.

ഇ​ല​ക്ക്‌ ഒ​രു സു​ഗ​ന്ധം, ച​ത​ച്ചാ​ൽ വേ​റൊ​രു സു​ഗ​ന്ധം, കു​റ​ച്ച്‌ സ​മ​യ​ത്തി​നു ശേ​ഷം മ​റ്റൊ​രു സു​ഗ​ന്ധം എ​ന്നി​വ​യു​ള്ള മാ​ജി​ക്ക​ൽ തു​ള​സി മു​ത​ൽ അ​മൃ​ത തു​ള​സി വ​രെ ന​മു​ക്കി​വി​ടെ കാ​ണാം. കാ​ണു​ന്ന​തോ​ടൊ​പ്പം അ​വ​യു​ടെ ഔ​ഷ​ധ ഗു​ണ​ങ്ങ​ളും മ​ന​സ്സിലാ​ക്കാം. തു​ള​സി കൂ​ടാ​തെ മു​റി​വു​ണ്ടാ​യാ​ൽ അ​വ​യെ ചേ​ർ​ക്കാ​നു​ള്ള ചു​ര​ക്ക​ള്ളി, ക​ര​ൾരോ​ഗ ശ​മ​ന​ത്തി​നു​പ​യോ​ഗി​ക്കു​ന്ന ക​ര​ള​കം, കി​ഡ്‌​നി സ്‌​റ്റോ​ണി​നു​ള്ള ഔ​ഷ​ധ​മാ​യി ഉ​പ​യോ​ഗി​ക്കു​ന്ന ക​ല്ലു​രു​ക്കി എ​ന്നി​ങ്ങ​നെ അ​പൂ​ർ​വ​ങ്ങ​ളാ​യ 150 പ​ച്ച​മ​രു​ന്നു തൈ​ക​ളും ഇ​വി​ടെ​യു​ണ്ട്‌. പ​ച്ച​ക്ക​റി​ക​ൾ, ഫ​ല​വ​ർ​ഗ​ങ്ങ​ൾ എ​ന്നി​വ​യു​ടെ നാ​നൂ​റോ​ളം തൈ​ക​ളും ഇ​വി​ടെ ഒ​രു​ക്കി​യി​ട്ടു​ണ്ട്‌.

ബ​ളാ​ൽ പ​ഞ്ചാ​യ​ത്തി​ലെ ചു​ള്ളി ഫാ​മാ​ണ്‌ ഈ ​പ്ര​ദ​ർ​ശ​നം ഒ​രു​ക്കി​യ​ത്‌. ഫെ​സ്‌​റ്റി​ലെ മു​ഖ്യ ആ​ക​ർ​ഷ​ണ​മാ​ണ്‌ ഈ ​ശേ​ഖ​രം. നി​ര​വ​ധി​യാ​ളു​ക​ൾ ര​ണ്ടാം ദി​വ​സ​വും ഫൈ​സ്‌​റ്റി​നെ​ത്തി.

രാ​വി​ലെ ക​ർ​ക​ർ​ക്ക്‌ ഏ​റെ ഉ​പ​കാ​ര​പ്പെ​ടു​ന്ന സെ​മി​നാ​റും ന​ട​ന്നു. ഡോ.​സി. ത​മ്പാ​ൻ വി​ഷ​യം അ​വ​ത​രി​പ്പി​ച്ചു. കെ. ​നാ​രാ​യ​ണ​ൻ അ​ധ്യ​ക്ഷ​ത വ​ഹി​ച്ചു. ഡോ.​എം. ഗോ​വി​ന്ദ​ൻ സം​സാ​രി​ച്ചു. കെ. ​ബി​ന്ദു സ്വാ​ഗ​ത​വും സി.​വി. ഗി​രീ​ശ​ൻ ന​ന്ദി​യും പ​റ​ഞ്ഞു. കു​ടും​ബ​ശ്രീ​യു​ടെ ക​ലാ​പ​രി​പാ​ടി, ആ​ബി​ദ്‌ ക​ണ്ണൂ​രും സം​ഘ​വും അ​വ​ത​രി​പ്പി​ച്ച സം​ഗീ​ത നി​ശ​യും അ​ര​ങ്ങേ​റി.