ചോദിക്കാൻ ആരുണ്ട്? ചെടേക്കാലിൽ കുന്നിടിച്ച് നെൽപാടങ്ങൾ നികത്തി

ബ​ദി​യ​ടു​ക്ക: ചെ​ടേ​ക്കാ​ലി​ൽ കു​ന്നി​​ടി​ച്ച് നെ​ൽ​പാ​ട​ങ്ങ​ൾ നി​ക​ത്തു​മ്പോ​ഴും ചോ​ദി​ക്കാ​ൻ ആ​രു​മി​ല്ല​ന്ന ആ​ക്ഷേ​പം ശ​ക്ത​മാ​യി​ട്ടു​ണ്ട്. മാ​ഫി​യക​ളു​ടെ പ്ര​വൃ​ത്തി​ക്ക് ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​ടെ മൗ​ന​വും കൂ​ട്ടു​ക​ച്ച​വ​ട​വും ജ​ന​ങ്ങ​ളി​ൽ പ്ര​തി​ഷേ​ധം ഉ​യ​ർ​ത്തിയിട്ടു​ണ്ട്. ബ​ദി​യ​ടു​ക്ക പ​ഞ്ചാ​യ​ത്തി​ലെ നീ​ർ​ച്ചാ​ൽ വി​ല്ലേ​ജി​ൽ​പെ​ടു​ന്ന ചെ​ടേ​ക്കാ​ൽ പൊ​തു​മ​രാ​മ​ത്ത് റോ​ഡി​ന് ചേ​ർ​ന്നു​നി​ൽ​ക്കു​ന്ന സ്ഥ​ല​മാ​ണ് നി​ര​പ്പാ​ക്കു​ന്ന​ത്.

ര​ണ്ട് ഏ​ക്ക​റോ​ള​മു​ള്ള സ്ഥ​ല​ത്ത് പ​ഴ​യ​ത​ല​മു​റ​ക​ൾ നെ​ൽ​കൃ​ഷി ന​ട​ത്തി​വ​ന്ന ഒ​രു ഏ​ക്ക​ർ​പ്പാ​ട​ത്തെ ബാ​ക്കി​ഭാ​ഗം ചെ​മ​ണ്ണ് കു​ന്ന് നി​ര​പ്പാ​ക്കി​യും പു​ര​യി​ട​മാ​ക്കി ഭൂ​മാ​ഫി​യ സം​ഘം വി​ൽ​പ​ന ന​ട​ത്താ​നു​ള്ള ശ്ര​മം ന​ട​ത്തി​ക്കൊ​ണ്ടി​രി​ക്കു​ക​യാ​ണ്.

ദി​വ​സ​ങ്ങ​ളോ​ള​മാ​യി കു​ന്നി​ടി​ക്ക​ൽ തു​ട​രു​ക​യാ​ണ്. പൊ​ലീ​സും​ റ​വ​ന്യൂ വ​കു​പ്പും ഇ​ത്​ ക​ണ്ടി​ല്ലെ​ന്ന് ന​ടി​ക്കു​ന്നു. ഇതിനെതിരെആ​രും രംഗത്തുവരാ​ത്ത​ത് മാ​ഫി​യ സം​ഘ​ത്തെ ഭ​യ​ന്നാ​ണ്.

ഇ​തി​ന​ടു​ത്ത്​ സ്ഥ​ലം വാ​ങ്ങി​യ​വ​ർ​ക്ക് ആ​ധാ​രം ര​ജി​സ്റ്റ​ർ ചെ​യ്ത് കൊ​ടു​ത്ത സം​ഭ​വ​ത്തി​ൽ നെ​ൽ​വ​യ​ൽ എ​ന്ന​ത്​ മാ​റ്റി​യ​താ​യി വി​വ​രം. ആ​ർ.​ഡി.​ഒ​യോ മു​ഖാ​ന്ത​ര​മു​ള്ള സ്ഥ​ല​ത്തി​ന്‍റെ ത​രം മാ​റ്റ​ലി​ന്​ പോ​ക്കു​വ​ര​വ്​ ന​ട​ക്കാ​നു​ള്ള സാ​ധ്യ​ത കു​റ​വാ​ണെന്ന് പ​റ​യു​ന്നു. ഇ​ത്ത​ര​ത്തി​ൽ ന​ട​ന്നി​ട്ടു​ണ്ടെ​ങ്കി​ൽ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​ടെ ഇ​ട​പെ​ട​ലും മൗ​നാ​നു​വാ​ദവും ല​ഭി​ച്ച​തി​നെ​ക്കു​റി​ച്ചും അ​ന്വേ​ഷ​ണം വേ​ണ​മെ​ന്ന പ​രാ​തി​യാ​ണ് ഉ​യ​ർ​ന്നു​വ​രു​ന്ന​ത്.

അ​തേ​സ​മ​യം, സം​ഭ​വം ശ്ര​ദ്ധ​യി​ൽപെ​ട്ട​താ​യും സ്ഥ​ല​ത്തി​ന്‍റെ റി​പ്പോ​ർ​ട്ട് തേ​ടി ആ​വശ്യ​മാ​യ ന​ട​പ​ടി കൈ​ക്കൊള്ളുെ​മെ​ന്നും കാ​സ​ർ കോ​ട് ത​ഹ​സി​ൽ​ദാ​ർ കെ.​എ. സാ​ദി​ക്ക് ബാ​ഷ ‘മാ​ധ്യ​മ’​ത്തോ​ട് പ​റ​ഞ്ഞു.