മോഷണം പതിവായി; വീട്ടുടമ സ്ഥാപിച്ച കാമറയില്‍ പ്രദേശവാസി കുടുങ്ങി

ബദിയടുക്ക: വീട്ടില്‍നിന്ന് നിരന്തരം പണം മോഷണം പോകുന്നത് കണ്ടെത്താൻ വീട്ടുടമ സ്ഥാപിച്ച കാമറയില്‍ കുടുങ്ങിയത്​ പ്രദേശവാസിയായ യുവാവ്. നീര്‍ച്ചാല്‍ പൂവളത്തടുക്കയിലെ റോമന്‍ ഡിസൂസയുടെ വീട്ടിലാണ് മോഷണം പതിവായത്. ഇതോടെ റോമന്‍ ഡിസൂസ മൊബൈല്‍ കാമറ ഓണ്‍ ചെയ്ത് ഒളിപ്പിച്ചുവെക്കുകയായിരുന്നു.ഇതിലാണ് കഴിഞ്ഞദിവസം മോഷ്​ടാവ് കുടുങ്ങിയത്. നീര്‍ച്ചാല്‍ പൂവാളയിലെ ഫായിസാണ് മോഷണത്തിന് പിന്നിലെന്നറിഞ്ഞതോടെ പൊലീസ് ഫായിസിനെതിരെ കേസെടുത്തിട്ടുണ്ട്. പ്രതിയെ കണ്ടെത്താന്‍ അന്വേഷണം ആരംഭിച്ചതായി ബദിയടുക്ക എസ്.ഐ വിനോദ് കുമാർ പറഞ്ഞു.