Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKasargodchevron_rightBadiyadukkachevron_rightസുന്ദര ബന്ധുവീട്ടിൽ...

സുന്ദര ബന്ധുവീട്ടിൽ പൊലീസ്​ നിരീക്ഷണത്തിൽ

text_fields
bookmark_border
സുന്ദര ബന്ധുവീട്ടിൽ പൊലീസ്​ നിരീക്ഷണത്തിൽ
cancel

ബദിയടുക്ക: മഞ്ചേശ്വരത്ത്​ സ്​ഥാനാർഥിത്വം പിൻവലിക്കാൻ ബി.ജെ.പി കൈക്കൂലി നൽകിയെന്ന്​​ വെളിപ്പെടുത്തിയ ബി.എസ്​.പി സ്​ഥാനാർഥി കെ. സുന്ദര ബന്ധുവീട്ടിൽ പൊലീസ്​ നിരീക്ഷണത്തിൽ. സ്വന്തം വീട്ടിൽ നിന്നും മാറി സുന്ദരയുടെ ആവശ്യാർഥം മരുമക​െൻറ വീട്ടിലാണ്​ താമസം. സുന്ദരയുടെ വീടിരിക്കുന്നത്​ കർത്താജെയെന്ന സ്​ഥലത്താണ്​. ഇത്​ ബി.ജെ.പി ശക്​തികേന്ദ്രമാണ്​. കോൺഗ്രസി‍െൻറ സ്വാധീന മേഖലയിലാണ്​ ഇപ്പോൾ സുന്ദരയെ പൊലീസ്​ സംരക്ഷിക്കുന്നത്​. സുന്ദരയുടെ മൊഴി അന്വേഷണ സംഘം എടുക്കുന്നതുവരെ ഇൗ വീട്ടിൽ തന്നെയായിരിക്കും സുന്ദരയുണ്ടാവുക.

ബി.എസ്​.പിക്കാരനായ സുന്ദരക്ക്​ കോൺഗ്രസുമായി അടുത്ത ബന്ധമുണ്ട്​. എൻമകജെ പഞ്ചായത്തിലെ വാണിനഗർ കർത്താജെയിലാണ്​ സുന്ദരയുടെ വീട്​. ബി.എസ്​.പിയുടെ ജില്ലയിലെ പ്രധാന ഭാരവാഹിയായിരുന്നു ഇദ്ദേഹം. നാട്ടിലെ ത​െൻറ സമുദായത്തിലെയും ആവശ്യക്കാരുടെയും പ്രശ്​നങ്ങൾ പരിഹരിക്കുകയായിരുന്നു ഇദ്ദേഹത്തി​െൻറ രാഷ്​ട്രീയ പ്രവർത്തനം. സർക്കാറിനുള്ള അപേക്ഷകൾ പാവപ്പെട്ടവർക്ക്​​ പൂരിപ്പിച്ചു നൽകി അതിന്മേൽ നടപടിയെടുപ്പിക്കുകയെന്നതായിരുന്നു സുന്ദര ചെയ്​തിരുന്നത്​. കഴിഞ്ഞ നിയമസഭ തെരഞ്ഞെടുപ്പിൽ മഞ്ചേശ്വരം മണ്ഡലത്തിലെ ബി.എസ്.പി സ്ഥാനാർഥിയായി പത്രിക നൽകിയിരുന്നു. ഫലം വന്നപ്പോൾ 89 വോട്ടിനു കെ. സുരേന്ദ്രൻ തോറ്റു. കെ. സുന്ദരക്ക്​ 467 വോട്ട്​ ലഭിച്ചു. ഇതോടെയാണ്​ സുന്ദര താരമായത്​.

2021ലെ തെരഞ്ഞെടുപ്പിലും സുന്ദര നാമനിർദേശ പത്രിക നൽകി. സുന്ദര അപകടകാരിയാണെന്ന്​ മനസ്സിലാക്കിയ ബി.ജെ.പി, സുന്ദരയെ 'വിലക്കെടുക്കുക'യായിരുന്നുവെന്നാണ്​ ആരോപണം. പിന്നീട് പത്രിക പിൻവലിക്കാൻ കോഴ നൽകിയെന്ന വെളിപ്പെടുത്തലാണ് രാഷ്​ട്രീയ വിവാദങ്ങൾക്ക് തിരികൊളുത്തിയത്. പ്രാഥമിക വിദ്യാഭ്യാസം മാത്രമുള്ള സുന്ദര അമ്മക്കൊപ്പമാണ്​ താമസം. കൂലിപ്പണിയും ഇടക്ക് മത്സ്യം വിൽപനയും സർക്കാർ ഓഫിസുകളിൽ കയറി ആവശ്യക്കാർക്ക് റേഷൻ കാർഡ് ഉൾപ്പെടെയുള്ള സർട്ടിഫിക്കറ്റുകൾ വാങ്ങിക്കൊടുത്തും ലഭിക്കുന്ന പ്രതിഫലമാണ്​ ജീവിത മാർഗം. സുന്ദരയുടെ കാര്യത്തിൽ മൂന്നു പൊലീസുകാർക്കാണ്​ ചുമതല. സ്​ഥലത്തെ കോൺഗ്രസുകാരുടെ നിരീക്ഷണവുമുണ്ട്​. എൻമകജെ കോൺഗ്രസ്​ ശക്​തികേന്ദ്രമാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Police Surveillancek Sundara
News Summary - Sundara at relatives' house under police surveillance
Next Story